مرحبا بنات شلونكم مشكلتي واضحه من العنوان وهي إن زوجي يعاملني كاني طفله يعني احيانا يحسسني كاني بنته مو زوجة وبيني وبينكم انا عاجبني الشي هذا وعشقت زووجي حييل وصار كل شي بنسبه لي مع اني كنت يعني مو مدلعه ابيتنا يعني كان عادي حياتي ابيتنا معن ابوي كان يحبنا ويموت فينا خاصه احنا البنات بس لان كنا كثير مشاءلله يعني 7 بنات فما كان يقدر يدلعنا كلنا بنفس الوقت يعني المهم كان يحبنا وبس الحين انت تزوجت من سنه تقريبا انا عمري 21وزوجي عمره 26 زوجي حنوووووون حيل حيل حيل وعاطفي لاخر الحدود يحترم الانثى ويقدرها ويعاملني بلطف حييل شقولكم علاقتنا كانها علاقة بنت بابوها يعني صج ماحزنت يوم اني تزوجت ليش اني تركت اهلي بلعكس ماحسيت بشي هذا والسبب تعامله معاي كان لي اب وام وكل يوم علاقتنا تزيد محبه والفه وموده لي درجة اني صرت حساسه ودلوعه صج ومااتحمل اي احد يزعلني وكل شي ابيه يجيبه لي وانا حمدالله طبيعة مو متطلبه حيل والله مرات انسا ان الي جدامي زوجي احسه ابوي اقعد ادلع عنده واسولف معاه يعني الي يشوفنه يقول انتي بنته مو زوجة هو برا البيت غيير جذي كلش انا بلبدايه عبالي هو جذي دايم بعدين لمن شافوه خواته وشافوه تعامله معاي قالو مستحيل هذا اخونه شنو سويتي فيه يعني برا غير ومع اهله غير وعندي غير انا للحين مابديت بلمشكله المشكله صراحه يمكن كلكم راح تحقدون علي بعد مااقولها بس افهمو موقفي وحطو نفسكم مكاني انا صراحه من اول زواجي كنت اكل حبوب منع الحمل كنت بعيش معاه جم شهر واشوف حياتي معاه مو يمكن مانتوفق وننفصل وماكنت بحمل واجيب طفل ويضيع بينه طبعا امي تدري وهي الي طلبت مني الشي هذا لان فعلا بنات ماودج اتيبين طفل ويضيع بينج وبين ابوه المهم مرت الاشهر وخلاص عرفت زوجي وعرفت معدنه وشخصيته وقلت هذا الرجل المناسب والي يستاهل اني اشيل عياله وقالتلي امي خلاص دام شفتي زين قطي لحبوب واحملي وزوجي يعشق الاطفال حيل دايم الرجل الحنون يحب الاطفال وهو من اول ايام العرس وهو كان يكلمني عن الاطفال وان شكثر يحبهم وان يتمنى اللحظه الي يسمع فيها خبر حملي بس صراحه انا رافضه اني اهد لحبوب واهني هي مشكلتي اخاف اترك لحبوب ويجوني اطفال وبعدين بيحبهم ويكون لهم اب وانا يهملني وماعاد يعاملني نفس الحين يعني كاني بنته اخاف لاجبت عيال بفقد عطفه وحنيته معاي وبيصير يحبني حب عادي كزوجة وانا مابي افقد الشي هذا والله بنات ماودي احرم زوجي من الاطفال وبنفس الوقت خايفه خايفه من كل شي يخص الحمل سواء يخرب جسمي ولاافقد نعومتي ورقتي لما اصير ام واتحول لانسانه ثانيه وبينفر مني زوجي وبيتعلق بطفل ويهملني بليز نصحوني شنو اسوي محتااره حيل والله حطو نفسكم بمكاني وسوري طولت عليكم واتمنى ماتقسون علي بردود ويعطيكم العافيه
بلعكس الافضل لكي الابناء وهذي سنه الحياه.
تفكيركِ غلط يآقلبي ، بآلعكس جيبي أطفآل ^^
انتي تتكلمين صدق يا اختي ضحي بنعومتك وجسمك وكل شي عشان زوجك
الحين تقولي خايفه يحب عياله وما يتعلق فيني الله يهديك يعني بتغيري من اطفالك
نصيحتي لك انك تتركي الحبوب وجيبي له اطفال وما راح يتغير بس اذا ما حملتي راح يتغير وبما انك ذكرتي انه يحب الاطفال
وبعدين استغفري ربك ترئ والله مو حلوه تقولي خايفه وما ادري ايش
وبعدين الانثئ خلقت لتنجب وتبني اجيال مو تحافض ع نعومتها وما اعرف شنوو
الله يهديك وهاذا رايي الشخصي وكل واحد حرر في حاله وتصرفاته
الله يعينه ع تفكيره
شوفي احساس الامومة روووووعة يعني لما تحملين ببطنك طفل
تحسين وكانك ملكة وعندك كنز وتكبر اهتماماتك …
وكذلك الابوة ..
لا تحرمين نفسك من كلمة ماما وبابا صدقيني في ناس عم تدفع الوف حتى تسمع هالكلمة
وبالعكس لما يصير عندكم اولاد رح يحبك اكثر وشوفي والله طالما هوي زين معاكي ما لازم تحرميه يكون
اب ..
اتمنى انك تفكري بالموضوع لان عقب كم شهر رح يبدأ يسال عن الاطفال ولا سمح الله ممكن توصل للطلاق
طالما بيحب الاطفال بدو ينجب فانتي توكلي ع الله ويلااا بشرينا بحملك
سيبك من هالافكار يا قلبي
ولا تخسري جوزك بسبب انانيتك