السلام عليكم ومبارك عليكم الشهر والله يتقبل صيامكم وقيامكم يارب
مشكلتي قد كتبتها هنا من زمان وقريت ردود انو طنشيهآ أنا مطنشتهآ بس قلبي محترق من موقفهآ لي
الحين كتبتها بالتفصيل الممل لاني مو قادره انسى هالموقف وأبي منكم تفسير الله يرضالي عليكم
والمشكله هي من دخولي للجامعه تعرفت على بنت اكبر مني بسنه او سنتين تقريبا وانا كنت سنه تحضيرية كانت معجبه فيني وانا عرفت تفكيرها وقلت لها مالي بهالسوالف بس نهتم ببعض ونكون قريبات لبعض مثل الخوات وأكثر الصراحة انا كنت احبها بس الله شاهد اني أحبها كانسانه قريبه لي وأشكي لها بس اتضح لي انها تبيها حب وانا حاولت أغير تفكيرها لان حسيت تفكيرها مراهق على كبر عمرها حاولت أكون لها اخت بما انها ماعندها خوات كلهم متزوجات وأحاول أكون لها صديقه تشكي لها وعلاقتي به طبيعيه الحمدلله بس مع الوقت البنت قعدت تزن على راسي ليه م تهتمين ليه م تتصلين ليه مو فأضيه لي قلت لها انتي أختي وصديقتي وحبيبتي بس انا مريت بضروف ومافضيت أكلمها ماكنت اقدر اشحن جوالي وأكلمها انا ادري اني مقصره معاها بس غصب عنى مو بيدي عدت ايام وأرسلت لي رساله انو انتهيناء وخلاص انسيني انا استخفيت بتفكيرها وشطفتهأ جاء رمضان ب عام 2024 وأرسلت لي رقم الببي ورفضت أضيفها بحكم انها أنهت كل شي حتي العشرة هانت عليها شطفتهأ طول السنه وهي بعد من بعد رسالتها م كلفت نفسهآ ترسل شي
جت السنه الثانيه 2024 قبل رمضان قلت برسلها رساله عن رمضان وان ربي يغفر جميع الذنوب الا المتخأصمين أرسلت لها رساله وردت لي برسمها حسيتها تتجاوب معاي وأرسلت لها فقدتك طمنيني عنك ؟
أرسلت ممكن بنك بضيفك أرسلت بني لها وأظافتني ))
انا استغربت معقوله بسهوله تضيفني ومو زعلانه قلت يالله يمكن كبرت وعقلت أضافتني الفجر وجلست عندي يوم ونص سوالفه معاي غريب حسيتهأ تبي تقهرني بحركات بس طنشت لاني حسيت انو للحين زعلانه و قعدت تقولي ترا أللسته عندي زححححمه واضيعك من بينهم
وتوضح لي انها مشغوله وأنها من فأضيه مسويه زحمه وتسولف معاي وتضحك وتأخذ ساعده وبعدين ترد
بسي الصدمة الكبيره الاساسية – بعد يومين توفي ابوي بحادث رحمة الله عليه انا انفجع قلبي وصرت بهستيريأ ابكي وأرسل بيسيات أدعو لابوي لانه كان بالعناية ابوي توفي بنفس اليوم ااااااااااااااااهه بس اكرهه يوم بحياتي
ورجعت لجوالي بعد أسبوع والكل يعزيني بس يوم جيت لعندها لقيتهآ حاذفتني !!!!!
حاولت أفسر حذفهأ انو جوالهأ مفرمت بس وش معنى بنفس وقت وفاة ابوي حاولت استوعب حركتهأ حسيت بخذلان ،، عدت الأيام بعد 4شهور أرسلت لها رساله بما معناها انك مو كفؤ صداقه وأنك اتفهه انسانه واجهتهأ بحياتي شلون بوفاة ابوي م كلفتي على عمرك وأرسلتي مو طالبه تجيني للبيت أقلها رساله
ردت هي انها مادرت وتحلف بالله انها ما تدري وجوالها تفرمت وبعدها قالت ماجوره والله الشاهد مادريت !!
أناماقتنعت بعذرها وطنشتهأ ومن بكرا الدوام انا داومت وهي راحت لصديقتي وتبكي وتقولها ليه م قلتي لي ان فلأنه أبوها متوفي أرسلت لي رسالتها تهاوشني وانا مادريت !!
البنت جت صديقتي عيونهأ حمراء وتبكي وصديقتي تقول شكلهأ فعلا ما تدري انا قلت مو معقوله ماتدري بس حسيت انها تتهرب
اخذت فتره وأرسلت لها بألواتس كيفك ومعليش اذا غلطت عليك وتأكدي لو ماحبك واعزك كان ما عاتبتك …الخ
ردت هي تهاوش ولسانها طويل وانو ليه اغلط عليها وانو خلاص كل وحده مننا بطريق وأنها مو قادره تتحمل أسلوبي وأني ظالمتهآ ودائم اخذ فكره غلط عنها وانو لنا سنتين متفرقات وش معنى الحين أرسل وليه اتلفظ عليها وماخلت ولا كلمه ماقالتهآ حسيتهآ تنتظر الساعة هذا عشان تطلع حرتهأ قلت لها والله انا أرسلت لك لاني حسيت انو الدنيا اصغر من هواشنآ استغربت معقوله ماقالت في بالها البنت أبوها متوفي من 4شهور حرام أزيد عليها احسها مقهوره وتبي تقهرني اكثر انا اعرفها قلبها طيب وحنونه بس ليه حاقده على لها لدرجه كانو بيننا ثار …
وقلت لها اذا انا عاتبتك لاني معتبرتك انسانه قريبه لي وعالعموم بعد هذا الكلام صار وجودك والعدم واحد مثل م انا مو هامتك انتي بعد مو هامتني حسيتهأ جد كارهتني وبنفس الوقت تبيني قلت لها فمان الله لانها أنهت كل شي بيننا
وكل البنات اللي أعرفهم ويعرفونهأ فرحححححااااانااااات على فراقنآ حتي صديقتي اللي قريبه لي وبنت الجيران لقيتها ضايفتهأ بجوالها وتسولف معاها بالجامعة قدامي تحاول تقهرني وتسوى مواقف تخلينا نصادف بعض وما اطلع من الجامعه الا مرتفع ضغطي من حركات البنات وأنها خذلتك لاني كنت اشكي لصديقتي والحين ماسكتهآ على وفرحانه م اقول الا حسبي الله ونعم الوكيل
ادري طولة عليكم وآسفه بس والله لو اي وحده تعرف وش كثر الموضوع مضايقني وحاسه بالخذلان راح تحس فيني ابي منكم تفسير مني انا ومنها هي ومنو الغلطان ؟!!
اول شي الله يرحم ابوج ويجعل مثواه الجنة
و ثاني شي دام هي اختارت طريقها وابتعدت
خلاص اتركيها وشوفي لج صديقات غيرها
انتي ما غلطتي عاتبتيها عتاب محبة
و سويتي اللي على عليج
لكن هي فضلت تكون بعيدة عنج ولا تكون يمبج بهالموقف
موفقة
استغفر الله العظيم الذي لا إله إلا هو الحي القيوم و أتوب إليه 
مثل ما قالت اخت الي قبلي
لاتثقين بأي وحده لانك راح تندمي
مثل الحين
اتركيها بحاالها
ولله يرحم ابوك ويرحمنا جميعا
عيشي حياتك من دونها
لانها ما تستاهل كل هذا الاهتمام
معقولة جوالها صار له فورمأت او هي قاصده تحذفني ؟؟
طيب وش معنى حركتها تروح لصديقتي وتبكي معقول ماتدري ولا ليه تحرج نفسها مع صديقتي وتتكلم بقهر وتقول ما دريت !!
هذا الشي اللي حابه اعرفه هي أخذلتني ولا أنا استاهل ؟؟
حبيبتي نصيحه مني اي علاقه تنتهي بينك وبين اي انسانه
اعتبريها صفحه وانطوت لاترجعين تقلبين في هالصفحه وتعورين قلبك لان علاقه مثل علاقتك بصديقتك هذا في ظل الظروف اللي ذكرتيها مستحيل تستمر ورح توصل للغلط وكره اكبر خليها تنتهي بينكم بسلام
وواضح هي حبت علاقه تكون هي محط الانتباه والاهتمام الاول ماتبي صداقه والسلام تبي انسانه اربع وعشرين ساعه تسال وتكون جنبها وانتي انسانه طبعك بالعلاقات غير عشان كذا صار بينكم سوء فهمم اكثر من مره وصلت بالنهايه ان كل شخص يغلط على الثاني
وبعدين كونها حذفتك من البيبي ومادرت على قولتها تفرمت ومدري ايش مدري يعني هو بس البيبي ولا حتى الرقم انحذف لان لو بس البيبي بامكانها ترسل لك على الواتس اوعلى الجوال
وانا فهمت من كلامك ان بعض من صديقاتك لهم علاقه فيها!
طيب اكيد صديقاتك او اي احد من طرفك عنده خبر بوفاه الوالد الله يرحمه
معقوله ماوصل لها الخبر !!
عموما لو كانت تحبك فعلا كان مافكرت تقطع العلاقه وخصوصا انك مريتي بظرف وعذرتيها على تقصيرها
وغير كذا حتى بالفتره اللي مارسلتي فيها كان ارسلت وسالت عنك
بس انتي كانت في مبادرات منك وهي ماقدرتها ولاحاولت تطور العلاقه
فكري بدراستك وتكوين علاقات افضل وانسيها تماما
حتى لو خوياتك كلموها اوصادفتيها اعتبريها وحده من بين الناس وامشي ولايهمك صدقيني شوي شوي وبتحسين نفسك عطيتي الموضوع اكبر من حجمه وبتنفتح لك صداقات مع ناس غير تحسين معهم بمعنى الصداقه
اتمنى اكون افدتك
تحياتي
اللي فات فات
و الدنيا مو اقفه على احد
و الأخيره اللي يبيني ابيه
كذا تريحين مخك على الأخر
انتي هدمتي المستقبل لأجل الماضي
ماينفع التفكير للماضي لأنو خلاص بح ماعاد بيرجع
اذا ظلمتيها استسمحي منها
واستغفري لها ولك
..
ولا عاد تسيئين الظن بالناس
عشان ماتندمين
موفقه
الله يرحم أبوكِ ويسكنه فسيح جنآته ")
الغلط منهآ لآنهآ خآينة للصدآقة ومآتعتبر صديقة أتركيهم كلهم حتى صديقتكِ وبنت الجيرآن
كوني رسمية مع الجميع تفوقي وإقهريهم !
ربي مآبينسى اللي يعملوه لآتشغلي بآلكِ
موفقة