السلام عليكم
فيني حرررررره وقهرررررررر ومعي برود اعصاب لدرجه ماني قادره اسوي شي
ماااقدر افكر وابي شورركم
انا انسانه متزوجه لي 3 سنوات وعندي بنوته الله يخليها لي ويصلحها
اول ماتزوجت كان زوجي عنده لابتوب متكسر وقديم وحاطه بشنطه السياره ويقول هذا لي وقديم
ومره نزله للبيت ونساه مدري وش اللي خلاني افتحه طبعا فيه رقم سري بس بحثت بطريقه تخليني افتحه بس لازم بعدها اغير الرقم السري فاكيد صاحب الابتوب راح يكتشف اني فاتحته
المهم
لقيت مقاطع جنسيه 
وانصدمت وسكت وسكرت الجهاز ولاعلقت وهو ناسيه
بعد فتره سالني قلت له مادري عنه وصرت احاول اتعلم واعوض لين اعفه عن هالحرام والمقاطع
وقبل شهرين تقريبا لقيت عنده بنات بتويتر والاستقرام طبعا بتويتر مالومه هم يضيفون انفسهم
بس بالاستقرام وزعلت عليه لين حذفهم انا انفجرت فيه لانه لايسمح لي بالتويتر ولا الاستقرام ولا اي موقع من مواقع التواصل الاجتماعي
امس ركبت السياره وادور قلم ويقولي افتحي الدرج اكيد فيه هو فتحه واول ماشفت جوال الدمعه سكره وانا سويت نفسي ماشفته وقعدت ادور ورجعت فتحت الدرج وسويت نفسي تفاجاءت فيه
وسالته من حقه هالجوال القديييييييييم واضحك قال هذا حقي من زمان قلت له غريبه توه يطلع
قالي انا عارف انك بتشكين وتوسوسين بس تراه حقي ومافيه شي
سكت وغيرت السالفه شفتوا برود اعظم من هالبررود
مدري وش اللي جاني يمكن خفت من اللي بلقاه لو افتح الجوال
زوجي عيونه زايغه ومهما اتجمل واتزين لازززم يعلق ويلقى بي عيب
اللي صار قالي اليوم ترى بسسسسسسسسافر وانا سكت ونزلت لاهلي
وهو يدري اني رافضه مبدا السفر وكل ماقالي قلت له لا مافيش سفر
وهو عموما لو اطلب اللي اطلب لازم يطلع عيوني ويقولي ماعندي اذا زانت اموري
اطلبه مصروف 1000 ريال لي ولبنتي ورافض واطلب جوال جديد ورافض واطلب اكمل اثاث بيتي ورافض ولو اطلب اي شي من السوق يرفض بحجه ماعندي وترى البنك العقاري يسحبون الراتب وفيه 3 قروض وهالمووووال
وترى واحد من القروض هو مسافر للامارات يقولي بدور سياره وطبعا اخذ قرض ورجع لاسياره ولافلوس القرض
ملللللللليت حرام عليه
وش اسوي معه بالنسبه للسفر وللجوال اللي طلع لي والشك اللي بيعيشني بجحيم وشلون اخذ منه اللي ابيه ؟؟؟؟؟؟؟؟
الله يفرج همك ويهديه ويصلحه
لا يرد القضاء الا الدعاء
في اخر الليل و عند المطر و بين الأذان و الإقامة
و في صلاتك في كل أوقاتك
وقومي الليل و الحيي على الله بالدعاء
بكل ما تريدين و لا تيأسيين
و اذا سافر أستودعيه الله و فرصهه تكوني بلحالكك عشان تتدعين براحتك و طلعي
كل اللى في قلبك لله انكسري بين يديه فهو القادر على كل شي
قادر انه يخلي زوجك زي ما تبين و أكثر
بس احسني الظن بالله و لا تيأسيين و تملين من الدعاء او انه ما استجيب بسرعه
في حديث في ما معنها ان الله يستجيب الدعاء اذا استمرينا فيه و ما تعجلنا الإجابة و مللنا
و كثري الاستغفار في كل وقتكك
أبحثي عن قصة الخباز و احمد بن حنبل و 4 أمور لتفريج الهمم لشيخ عبدالكريم المشيقح
الله يسخر لك و يسعدك
آمينْ وَلكِ المثل..
آسآل الله لكِ الفرج في القريبْ العآجل..
لديْ نَصيحة وَبإذن الله تَكونْ لكِ حَلاً أو فرجاً..
إبحثيْ في المَوآقع الدينية أو المَقآطع الدينية
بِـ عنوآنِ…
كيفْ أكونْ إمرأة صآلحة وَمُطيعة !؟
وَإقتديْ بهآ..بِـ صدقِ النية..
حينهآ سّـ يكونْ زوجكِ بِمشيئة الله زوجٌ صآلح مُطيع..
وَإدعي الله دوماً وَأبداً أنْ يُسخر لكِ زوجكِ وَذريتُكِ..
بِـ التوفيق لكِ..
وثانيا
انتي خليه اهوة يشك فيج حسسيه انه لج قيمة
ذكريه بعلاقتكم قبل الزواج
وحسسيه انج مورخيصه مثل باجي البنات
بدون صراخ بدون غضب صيري بارده
البشر كل ماحبيتيهم كل ما طحتي من عينهم