السلام عليكم عزيزاتي
مشكلتي بدأت من يوم تزوجت
انا لي 8 شهور متزوجة ومافي اي توافق فكري بيني وبين زوجي دايم مشاكل
انا ساكنة عند اهله بس مسويين لي مثل الشقة يتسكر علي باب بس طبعا الدخلة والطلعة يعرفون فيها
زوجي من النوع العصبي جدا جدا جدا و دايم يغصبني انزل لهم ،، انا عادي انزل لهم على عيني وراسي بس مو كل يوم
هو دايم يغصبني
مثلا مرة اتصل علي قال انزلي عند اهلي انا قلت طيب عشان مابي مشاكل وقمت اتجهز اتصل بعدها قال باقي مانزلتي قلت ماخلصت قال لك دقيقتين اذا مانزلتي بتفلم فيك!! ونزلت زي المجنونة
وهو من يوم تزوجنا يمد ايده يعني يمسكني من رقبتي من يدي من ملابسي يرميني ع الارض ويقول هذا مو ضرب
وآخرتها امس عطاني كف قوي والسبب عشان جاي عندي قالي انزلي بسرعة عمتي عند اهلي سلمي عليها
وقمت اتجهز طبعا لازم اتضبط **لانه عيد وبعدين راحت وماشفتها قال انتي متعمدة ماتبين تنزلين عشان تفشليني وتصغريني عند اهلي وانا والله في نيتي اني انزل
وبعدها ضربني ورمى فيني علبة موية في ظهري ونطحني في جبهتي زي الثور استغفرالله ويقول اذا شفت دموعك بوريك تصرف ثاني
وغصبني اروح مع اهله اعايد اقرباهم وهو ماراح
قلت انا وش دخلني لو انت بتروح اروح معك ليش اروح مع اهلك قال تروحين وانتي ساكته
طبعا انا اسكت عشان اخاف منه**
انا اهلي مسافرين ولا أبغ انكد عليهم تعبت والله ماني قادرة اتحمله مدري كيف أتعامل معاه
دايم يتلفظ علي بألفاظ وسخة
وانا جامعية وهو بس ثانوي وهالشي كنت اقول انه عادي بس بعد ماجربت عرفت ان تفكيري في شرق وهو في غرب
و 3 مرات كشفته يكلم بنات ولما اكلمه يخرج نفسه وآخر مرة قال منك انا ابي ضحك وفلة ووناسة
واذا جا بالليل قالي انتي حبيبتي وانا احبك ومن هالكلام عشان يبغ حقه
هذا غير اهله الي مضايقيني ويعبون راسه
وانا الحمدلله محافظة على صلاتي وصلاة الوتر والقران ودايم ادعي**
وهو الله يهديه مو محافظ على صلاته
مايصلي الا لما اقوله وينافخ علي يقول انا مو يهودي
يعني عادي عنده يصلي الفجر والظهر والعصر مع بعض
انا ماراح انكر اني احيانا ارفع صوتي بس هو الي ينفزني وكمان ماانكر انه ساعات يكون مرة طيب وحنون
المهم انا ابي مساعدتكم وش اسوي معاه وكيف أتعامل وهل اطلب الطلاق ولا ايش اسوي لان أبوي واخواني تخلوا عني بسبب انهم ماكانوا راضيين ع الزواج بس الله يهديها أمي اقنعتني بحجة انها تعرفهم من زمان وحصل النصيب والحمدلله على كل حال
الله يكون بعونك وييسر امرك ويفرج عنك
رفع