السلام عليكم ورحمة الله وبركاته
انا بنت عمري 18 ساكنين بمدينه صغيره قريبة من الرياض
وعندنا كلية صغيرة وقريبة من بيتنا ، تابعة لجامعة تبعد عنا نص ساعة
واختي اكبر مني بسنتين ، وهي تدرس في هذي الجامعة الي تبعد نص ساعة، لان الكلية الي عندنا سمعتها شينه من ناحية النظام والتدريس والتصميم وكل شي
وكانت اختي دايم تحكي لي عن الحياة الجامعية وكيف هي حلوة واحسن من المدرسه بكثير او ع الاقل هذا الي استنتجته من كلامها
وانا الحمدلله بنت اجتماعية ومنفتحه واحب اجرب اشياء جديدة
وكنت ايام الثانوي متحمسه للجامعة وانتظر بس متى اتخرج وادخل الجامعة لان فيها حريه اكثر باللبس وكل شي خاصة اني اكره مدرستي بسبب مشاكلي مع الاداريات وقوانينهم الخاصة الي يفرضونها علينا ، كما اني اشتقت اني اكون ادرس مع اختي ونصير مع بعض واشوف الي هي تحكي عنه وحتى هي دائماً تقول متى تصيرين معي
والحمدلله تخرجت
وكنت ناوية اسجل معها بنفس الجامعة ، لكن ابوي قالي ليش ماتجربين تسجلين في الكلية الي عندنا هذي وتجربين تدرسين ترم فيها ، ولا تاخذين على كلام الناس انتي جربي اول واحكمي ، وبعدين الكلية قريبة من عندنا واذا خلصتي اجي اخذك باي وقت وماترتبطين بنقل زي اختك ، لان النقل زي مانتم عارفين يمشي مبكر مره ويرجع متأخر وصراحة انا ماحب هالشي ابد !
وسجلت في الكلية القريبة مننا ، وانا راضية عن هالشي ، وكل الاجازة وانا متحمسه واشتري ملابس ماركات وشنط وميك اب لاني احب اكشخ وكذا
ويوم داومت فيها !!!
حسيت اني صعقت وخاب املي
هذي الكلية الي انا متحمسه لها ؟! هذي الي لي سنين وانا اقول متى اتخرج عشانها ؟!
احس اني حامت كبدي خلاااص مع انه مالي الا اسبوع ويومين
كرهتها مرا مرا ، وكل الي قالوه عنها صح المدرسات مش ولابد
والمبنى مرا مرا شين تخيلوا مافيه بهو للكلية !!
واحيانا مانلقلى مكان نجلس فيه من صغرها ومن كثر الطالبات لا طاولات ولا ع الارض والله مدرستي القديمه اكبر منها ودائما ميتين حر لان مافيه مكان نجلس فيه داخل ، بس قاعات يعني كأنهم حاطينها كذا بس تسكيته لنا ومن سوء البناء السنة الي راحت انتشر خبر ان الجدار طاح من المطر والكلية كلها غرقت وصارت كارثة !! بس الحمدلله ماحد تضرر ،
وزيادة على كذا صديقتي المقربة مو معي بالكلية وصديقاتي مو معي بنفس المحاضرات وكثير اضطر اني اجلس لحالي
وصراحة انا مرا ماعجبني الوضع وتحطمت وصرت ابكي دايم واروح الصباح مكتئبه وبالحسره اقوم ، واختي وامي قبل لا اقرر ادرس فيها كانوا دايم يسبون فيها بحكم ان لنا ناس نعرفهم يدرسون فيها وينقلون لنا ايش يصير وكل ماتذكر كلامهم عنها اكرهها زيادة ، واحس اني اغار من اختي ابي اروح معها جامعتها حلوة وكبيرة ومعلماتها حلوات والنظام زين موب زينا كل شي ممنوع وكل يوم ترجع تسولف لي احسهم في سعادة موب نكد زي كلينا وبنفس الوقت ماحب ارتبط بنقل واصلا مدري كيف بكمل الترم هذا !!
انا توني ماكملت اسبوعين واحس اني بَ انجن !!
فَ مادري وش اسوي صراحة مع العلم اني راضية بتخصصي
اكثري من الاية الكريمة ( اللهم آتنا في الدنيا حسنة وفي الاخرة حسنة وقنا عذاب النار )
سوف تنقلب حياتك الى الاحسن .
مجّربة
وراح تاخذين فتره على ماتتأقلمين
وحتى صديقات راح تتعرفين على صديقات جدد
وفتره وتنسجمين مالك الا الصبر
مدام ماتحبين مشوار طويل مع اختك
دام التخصص زين و المسافة قريبة الحمدلله , بغض النظر عن سوء حالة المبنى , ممكن تقدمين شكوى بما انك من اهل القرية نفسها , ممكن يسون له ترميم و ينقلونكم كلية اخرى , و اكثري من الدعاء و الاستغفار.
|
المشاركة الأصلية كتبت بواسطة غصن الزيتون الاخضر
 وينك والدعاء :
اكثري من الاية الكريمة ( اللهم آتنا في الدنيا حسنة وفي الاخرة حسنة وقنا عذاب النار ) سوف تنقلب حياتك الى الاحسن . مجّربة |
بكل مشكلة تقريبا مريتها اشوفك تكتبين نفس آلدعآء الله يجعلها بميزان حسناتك يارب والله احسدك من زود الحسنات اللي تاخذينها الله يوفقك يآرب آستمري
عن صآحبة المشكلة انا م قريت آلمشكلة بس حبيت ارد ع ألآخت بس اتمنى لك التوفيق بحيآتك الله يوفقك ويحقق اللي ببآلك