السلام عليكم
اسعد الله ايامكم
لي سنين ازور هالموقع واشوف المشكلات وماظننت اني بيوم من الايام اكتب فيها !
انا عمري ٢٩ سنه و متزوجه من ٩ سنين
وقبلها تزوجت مرتين باختيار امي الغير موفق وتطلقت بسرعه
وعشت في تخبط وسكنت عند اخوي واستغلال زوجته لي واخوي الثاني
وعيلتي مشاكلهم كثير وامي منفصله عن ابوي ولازالت مشاكلهم
وابوي مايتحمل مسؤليه احد ابدا
فقدت الثقه في اهلي وانهم يكونوا لي عزوه و سند
حاليا شبه مقطوعه عن اهلي بعد مشاكل مريره مع امي
*امي طبعها متسلطه و ظالمه لنفسه ولاهلها وفيها علل نفسي رافضه العلاج نهائيا
قبل ٩ سنين وعلى اخر طلاقي من الثاني بفتره سنه ونص تزوجت بزوجي الحالي
وكان بإختياري و كنت مجبوره
لاني كنت عند امي والحياه لاتطاق كانت عازلتنا وحارمتنا من كل شي
وكنت ابي الخلاص
ولما اخذ رأيي قبل وانا ماكنت اعرفه اساساً بس كان طيب وخلوق
( كنت اعرفه صوتيا عن طريق الجوال زمان وساعدني بفتح حساب بنكي عن بُعد )
المهم بعدها لقيت تلفون البيت محد عنده ودقيت عليه اسأله عن الاسهم وحس اني متضايقه ولاول مره حكيت له عن وضعي وكان يعطيني حلول وبعدين استفزه تصرفات اهلي معاي وقال انا اعزك واقدرك وابيك لي زوجه
ولما سألته قال انه متزوج بوحده مريضه بالقلب ومعها سكر وعنده ٢ بنات و ٢ اولاد
وقلت له موافقه وبنفسي قلت بكون راضيه اهم شي اطلع من هالجحيم
ولما اجى ومعه قريبه وكانت امي مستغربه هالناس اللي جوا واستقبلتهم لان امي لاغيه الذكور بالبيت < تفكيرها ليبرالي
وكانت تستقبل الرجال و النساء عادي
المهم طلع اسمر او اسود بملامح افريقيه و قريبه عكسه تماما
وانا رضيت والامور مشت على مايرام بغض النظر عن اعتراض اخواني
وامي لقتها فرصه للعناد وباركت الزواجه
ومرت السنين بمشاكل مع امي من شرطه ومحاكم وانا متمسكه فيه
جدا طيب وحنون ومعيشني احلى عيشه ومايبخل علي بشي
وطبعا بغض النظر عن انه كذب علي وطلع متزوج ثنتين وحده طلقها بنفس السنه والثانيه طلقها من ٣ سنين وعياله ٧
بس مايمنع دامه مو مقصر معاي
ونفسي بطفل منه بس اخاف انه يطلع اسمر عليه
وانا والله لاجل هالسبب مقطوعه عن اهلي و جماعتي كلهم
والسبب ان امي و اخواني مستعرين من نسبه برغم انهم يمدحون اخلاقه ويحبونه
بس بنفس الوقت مايقدرون يعرفون نسايبهم وقرايبنا عليه !!
وهالشي يجرحني 🙁
والله احبه واحسه مثل ابوي ودايم اناديه باباتي ومدللني وكثير يسألوا ليه ماعندك عيال
انا متزوجته ومو عايشه حياتي من ناحيه (اهلي وجماعتي) بشكل كامل
ولكن مع اهله كلهم يحبوني وانا احبهم ويفتخرون فيني ان اخوهم متزوج بنت حلوه وبيضا ومن نسب معروف
وهو بعد اهله وعيلته ونسبهم ماعليهم قصور وسمعتهم طيبه
ولكن امي بالذات واخواني مستنقصين لون البشره 🙁
لي كم سنه افكر اني اتطلق منه !
بس لما اتطلق وين اروح !؟
اهلي بالذات من ضمن جماعتي وقرايبي
امي شتتهم وضيعتهم وتحرض عالتفرقه وتهدد اي حد يساند اللي زعلانه منه تشتكيه عقوق وتتبلى عليه وسبق وعملتها
اخواني كلهم متزوجين ٣ رجال و ٢ بنات ومعهم عيال الا انا
ابي اصير ام 🙁 وخايفه من المستقبل
واصير بعزله وانغلاق مثل ما انا فيه واكثر
اهلي وجماعتي ماراح يتقبلوا عيالي اذا سمر و ابوهم اسمر ومن عيله سمراء
تعبت نفسيا وتحطمت معنويا
وعايشه بعزله فضيعه ولا لي صديقات ولا معارف
فقط اهله الطيبين بالسعوديه والكويت
احبهم واتأسف لو فارقتهم
بس وحياتي انا !؟
انا لو تطلقت راح اتزوج بشخص مناسب على رؤيه اهلي و جماعتي
واقدر ازوهم ويزوروني ونوجب بعض بالمناسبات الحزينه والمفرحه
واعيش طبيعي
وغير كذا
يااني ارضي باللي فيه واخلف منه وانسى اهلي و جماعتي للابد
او اتطلق والله العالم الامور بعد كذا 🙁
فعلا محتاره
احيان اقول بتفاهم معه واخليه يطلقني وانا بقعد لوحدي ببيتي وهو رجل ويدبر نفسه
واعيش حياتي
عشت معه ومع اهله احلى سنين 🙂
انا جدا طيبه والظروف علمتني و ادبت نفسي وعلمتها
بناته مثل خواتي وبنته ولدت مرتين وانا قمت في نفاسها وكأنها اختي *بنته اصغر مني سنتين*
وبنته الثانيه اكثر من صديقات وعيلته مترابطه ومتواصله عكس عيلتي وامي السبب بالانفصال بين اهلي و قرايب ابوي وحتى خوالي من مشاكلها اللي ماتخلص
الله المستعان و انا عارفه ان مال موضوعي حل
لكن يكفي اني فضفضت عن مكنوني
والحمدلله على كل حال 🙂
زوجي آخر العنقود وعمره ٥٧ واخوانه ٩ وعيال اخوانه واحفادهم اكثر من ٤٠٠ ماشاءالله احسهم مع بعض عزوه وسند الله لايفرقهم
ويرزقهم ويرزقني و يرزقكم الجنه والصحبه الصالحه والاهل الصالحين ولايحرمكم من طيبات الدنيا والاخره
^
ادري كتاباتي ملخبطه لان مخي تلخبط من اللي فيه من احلام و اوهام
الله معكم 
ما اجي معك ابدا
كان عليك تفكري بالعواقب زوآج من ألرجل ونسبه قبل تتزوجيه
وانتهى الموضوع ، لو تطلقتي راح تظلمين نفسك وتظلمي الرجل اللي عزك
انصحك انك تعيشي حياتك وتكملي معه والدتك واهلك عليك زيأرتهم وان لم تقدري اصليهم بالهاتف لكن لاتقطعيهم
اصلي باارحامك مهما كان وعيشي حياتك الطبيعيه كازوجه وام فأنتي مخطآه بحق نفسك ..
انتي مرتاحه مع زوجك وماله اي داعي للعنصريه وماكو فرق بين ابيض واسمر حرأأأم عليك
ولو رجعتي لاهلك راح تعيشي عيشه لاتطاق وبتكوني مطلقه لثالث مره
فكري و استخيري
أختي الغاليه صاحبه المشكله أتمنى من الله أنو يهديكي اللون لا يعيب الأنسان بلال أبن رباح مؤذن الرسول كان أسود واللي الناس ماتعرفه كثير أنو سيدنا موسى عليه السلام كان غامق اللون أتقي الله في نفسك وفي زوجك …. ماتبغي تخلفي منه عشان أسود وعشان لا يستعرو منه أهلك قوليلي أهلك لمن تطلقتي أيش سوولك مو ذوقوكي المر وبعدين كيف قادره تقاومي غريزه الأمومه فيكي وربي وربي لو يقولولي كل شهرين أحمل لأسويها هذولي زينه الحياة الدنيا …. أنا متزوجه للمره الثانيه والله الزوج الأول ماكنت أقدر أقرصه لأنو يطبع فيه من بياض بشرته وقبيلي والله ذوقني المر والألم أشكال وألوان وذلحين زوجي أسمر مني بكثيييييييييييييير والحمدلله يحبني ويقدرني
خافي الله في نفسك وفي زوجك بكره تكبري في السن ماتلاقي ولد ولا بنت تشيلك وتراعيكي وأمكن الأسود هذا أفضل عند الله من مليوووووووون أبيض
وياريت تراسليني خاص وأساعدك في حل المشكله لأني معالجه نفسانيه و أجتماعيه
وتذكري أن كل شيء معوض بالدنيا إلا الزوج الحنون الصالح
دامك مرتاحة معه ومع عائلته وعوضك الله عن أهلك فيهم شنو تدوري بعد
طيب بكره تطلقتي من بتقبلي فيه
بتقبلي بواحد يذوقك صنوف العذاب
بعدين الرجال متحمل أمك وأهلك الله يجزاه خير
تتوقعي فيه زوج بيتحمل مثله
أنا اقولك حتى لو تزوجتي بتتطلقي لأن أمك تدور على المشاكل
والمصيبة ماعندك رجال يوقفوا امك عن ظلمها لك
ولد اسمر ولا كل يوم مع زوج وبدل ماتكوني لوحدك تتورطي بولد أو ولدين من كل رجل
يعني ياكثرر هالمشاااااااااااكل بدنيا
وبنات ماخدين من قبايلهم مو محصلين السعادة
متى ترتقووو ياااا اهل الاسلااااام
متى يا امة محمد تعرفو ان مافي فررررررررق بين الوان البشرة
خسارة فيش زوجك الي يجبك وانتي تفكري بالانفصال عنه عشان اهلش الي ماحد فيهم سئل عنش حتى قبل لا تزوجيه .. وام عنصرية وتفكيرها نووية
اتقي الله في رجل صانك برغم انك متطلقة مرتين
تدري لو انا بمكانش ترست له البيت عيال وافتخرا في نسبهم ولونهم وكل شي
بنهااااااااية ابوهم انسان احبه ويحبني واهله يعزوني
وش فادش البياااض والجمال
لا دخلش الجنة ولا منع الي قبله تبقي على دمتهم
ولا شفع لش عند اهلش عشان يعاملوش برنسس
احمدي الله على نعمته انه رزقك بهالرجل
ولا تحرمي نفسك من الانجاب .. غيرش يتمنااااااااا يكون عنده ضنى
وامش واهلش لا تكوني قاطعة رحم وتواصلي معهم حتى لو من بعيد
|
المشاركة الأصلية كتبت بواسطة مشكلتي
 مراحب اختي
ما اجي معك ابدا كان عليك تفكري بالعواقب زوآج من ألرجل ونسبه قبل تتزوجيه وانتهى الموضوع ، لو تطلقتي راح تظلمين نفسك وتظلمي الرجل اللي عزك انصحك انك تعيشي حياتك وتكملي معه والدتك واهلك عليك زيأرتهم وان لم تقدري اصليهم بالهاتف لكن لاتقطعيهم اصلي باارحامك مهما كان وعيشي حياتك الطبيعيه كازوجه وام فأنتي مخطآه بحق نفسك .. انتي مرتاحه مع زوجك وماله اي داعي للعنصريه وماكو فرق بين ابيض واسمر حرأأأم عليك |
لانك اصبحتي بلا مشااااااااااااعر واحاسيس ؟؟؟؟ بلا قلب ؟؟؟
ليش تعملي هيك بنفسك من متى المرأة كل يوم تتزوج وتتطلق ؟؟؟ كيف تقبلي على نفسك ؟؟؟متى تستقرين وتكونين عائلة؟؟؟ ومن ثم هل نسيتي سبب زواجك منه؟؟؟ اهلك وامك هم السبب؟؟؟ الستي انتي من ركضت له وارادت ان تتمسك بزوج يحميها وتستقر معه ؟؟؟
الرجل لم يقصر معك؟؟؟ وانتي تزوجتي قبله ابيض البشرة…شو صار؟؟؟انفصلتوااا؟؟؟؟
طاعتك لزوجك اولى من طاعتك لامك واهلك ومواصلتك لهم غيرضرورية ..؟؟؟؟
واقولك كلمه اخيرة؟؟؟
لووووووووووووووو كنتي تحبين بصدق وتعرفين معنى الحب والوفاء لاحببتي بقلبك شخصه وذاته وليس لون البشرة ؟؟؟؟؟؟؟؟؟؟؟؟؟؟
