السلام عليكم ورحمة الله وبركاته
اكتب لكم مشكلتي ويداي ترجف وقلبي يكاد يقف والتمس منكم نصيحه اوارشادي بما افعل
زوجي عنده واتساب حاله حال الشباب بس مره شكيت انه يكلم وحده وانتظرته لين نام وفتحت جواله وانا والله مافتحته الا لكثرة جلوسه عليه وانشغاله به وانا جنبه مع اني مومقصره عليه بشي من اي ناحيه ويشهد الله دايما بأناقتي وترتيب ونظافه والكلمه الحلوه وطبخ لدرجة عيال عمه لكلو من طباخي يمدحونه ويقول له حظك بزوجتك المفروض انك دب من اكلها مامدح بنفسي بس عشان ابين اني مو مقصره بشي وعندي بنت وولد منه ..ولما فتحت الواتس لقيت محادثه بينه وبينها ومسميها بأسم رجال وكلام وسوالف وبرودكاستات مايرضى فيها الله ورسوله ..وانتو فاهمين
حطيت راسي على المخده والنوم طار مني انتظر الصبح لين يجلس وافكر شلون اواجهه بس بدون صراخ لانه مو مقصر علي بشي والحمدلله وواجهته وماتشوفين الا وجهه قلب الوان وقام يصارخ ليش تفتشين ومن هالكلام بس ضليت بهدووء وانا اكلمه قلت له لو وحده ثانيه غيري كان صارخت بس شف شلون صوتي شلون اكلمك..سكت وتـأسف واعتذر وانه ماراح يكررها ومررتها بمزاجي وبأصلي الطيب بس ضليت مجروحه في داخلي ولا حتى لثانيه قلت لنفسي شناقصني يدور بره لاني الحمدلله مو مقصره ومرت شهور و كل شي رجع لطبيعته ورجعت ليلتين الاحظه جالس جنبي من يجي مايسولف بالواتس وسويت روحي مشغوله وانتظرته ناام وفتحت جواله وشكيت ب 3 ارقام بأسم رجاجيل وبحثت بنمبربوك وطلعو بنات الاسم وطبعا لما يخلص يحذف المحادثه وانا الحين جالسه افكر شالاسلوب اللي اكلمه وشلون اوجهه مع العلم انه عصبي كثير مع اني عصبيه بس يهالاموور احب اكون هاديه واسلوبي وطريقة كلامي يخليه ينزل رأسه ويستحي ولا يقدر يحط عينه بعيني لاني جربت صراخ معاه بمشاكل اول زواجي اوهو يصرخ وانا ارفع صوتي مانفع فقمت اوزن عقلي واجيبه بأسلوب هادي بدون صراخ بس من داخلي براكييين بس يطلع من عندي ابكي واصرخ
ولا تقولون لي خلي احد يكلمه من اهلك او اهله لاني مابي يطيح من عين احد من الاهل لحبي له وهو ابو عياليوهو كثير حنون حتى لو عصب وقط كلمه منه ولامنه يرجع يحن قلبه ومايشيل………………. اتمنى الاداره تنزل مشكلتي وتشورون علي ودعواتكم الله يصخره لي ولعيالي
شوف شمسوي بدنيآك والخطا تحملة عيالكُ
قال فكينا ي المطوعة وشوفي بنتي الكبيرة تحب لها واحد وتطلع معه انا مالي صلاحُ كما تدين تدان ابية يتعض ل بنتة طيحت راسسةة
لانو والله اذا كل مره بيشوفك بتسامحيه بيتهاون ويستمر ويمكن يوصل لاشياء أكبر وأسمعي مني انا مجربه
حطي الفاس بالراس قبل مايتعبك
أستهدي بالله ولاتحرقين قلبك يدور ويدور ومرده لك أنتي الشريفه العفيفه اللي ماقد كلمتي غيره ولا شفتي غيره