السلام عليكم ورحمة الله وبركاته
بنات انا بعرض مشكلتي واتمنى منكم تساعدوني بدون لاتجرحوني بكلامكم 🙁
انا تطلقت لما كان عمري 21 سنه لان اهلي زوجوني بعمر الـ 20 لعدم اتفاقنا و انا الان عمري 25 سنه تعرفت على شباب و لقد احببته وا حبني جدا و طبعا راح يكلم امه عني انه يبي يخطبني لكن الام رفضت والسبب اني مطقله :,( .. الصراحه تعبت وايد من هالموضوع هل يعني لاني مطلقه مايصح اني اتزوج واحد لما يسبق له الزواج من قبل !! الأم تقول حق ولدها انت ماتزوجت من قبل و انا رافضه انك تاخذ وحده مطقله للعلم وسمعتي الحمدالله زينه بين كل الناس .. الأم الآن في الحج أتمنى ان الله يلين قلبها علي انا وولدها …
أنا مب عارفه شنو اسوي .. كل الي قاعده اسويه الحين اني اصلي الفروض كاملة والسنن تبعها و اقوم اصلي قيام الليل مع اني ماعرف كم ركعه ولكني اصلي 11 ركعه و اصلي الشفع والوتر و استغفر الله كثيرا هاذي الأيام و قمت اتصدق وايد عشان الله ايسر لي موضوعي ويتغير راي الأم فيني وتدري انها ظالمتني ..
بنات الي قاعده اسويه انا صح والا لا …
أرجوكم ادعولي وافيدوني .. صديقاتي قالولي اكثري من الاستغفار
أمرك .. توكلي على الله ي غلآتي ولاتشيلين هم .. والله لو كان من نصيبك بإذن الله رآح
تآخذيه .. فإنتي لاتقلقي ولاتضغطي على نفسك وفوضي أمورك لله .
والخيرة فيما إختاره الله ..
وبالعكس حبيبتي ياما في مطلقات خلوقات وزوجات صالحات
وطيبات
وربات بيوت..
بس الحظ ماحالفهم وإنظلمو بزواجهم ..فأعتقد بس هيا لو حاولت والدة الشاب تتقدم لكي وتجلس معاكي
ممكن سبحان الله تغير نظرتها فيكي وتعجبينها ..
إدعي ي قلبي ولاتيأسي .. وتذكري الزواج قسمة ونصيب
أسأل الله العظيم الرحمن الرحيم فارج الهم
إنه يوفقك بالزوج الصالح الخلوق إللي يسعدك معاه
اللهم آمين يارب العالمين
وان شاء الله امه ترضى ياررررررب
تفائلي فديتج وان شاء الله الامور تتسهل …
اتمنى لج التوفيق ….
أمرك .. توكلي على الله ي غلآتي ولاتشيلين هم ..
وبعدين خطبت واحد عزابي وفسخت الخطوبه
والان هي متزوجه واحد عزاب وحامل ومبسوطه بحياتها
هاي مشكلتها اصعب من مشكلتك وهيها اتزوج واحد ما كان متزوج
الله ينولك يلي ببالك ويستر عليكي