بنات انا وحده طيبه وللي بقلبي على الساني ما احب النميمه ولا الغيبه ولا احب اخرب على احد او افرق بين احد واسوي مشاكل انا صارلي موقف مع زوجة عمي تقلب علي الكلام
كنا جالسين في بيت وحريم اعمامي موجودات وسوالف وضحك من ضمنها كنا نسولف وقلت موقفين 1.. انا شفت موقف في السوق ا نو رجال وزوجته يمشون وهو مايناظرها كانت قصيره ودبدوبه يناظرها بستحقار ويناظرنا انا لما قلت هالسالفه قلتها لاني مستغربه ليش يسوي كذا مو حرام 2.. قلت زوجي عنده واحد بدوام غني ومو محتاج راتبه ومع ذلك مايتنظف وبخيل ع نفسه ولبسه وسخ.. طبعا هالموقفين قلتهم بختصار وكانت من سياق الحديث يعني ماقلتها من راسي تعرفون موضوع يجر موضوع المهم راحت تقول اني انا اقصدها لما قلت الموقف الاول لانها هي قصيرها واني اقصد ابوها بالموقف الثاني لان ابوها غني ومايهتم بلسه يعني قلبت الكلام على كيفها وانا يشهد الله علي هالحركات ماهي عندي ولا جت هي في بالي اصلا ولا اهلها اسلوب الدق بالكلام ماهو لي انا لو براسي شي طقيته بالوجه بلله وشرايكم فيها
انا اللي قبل ادافع عنها لانه فيه ناس حولي مايحبونها واكذب علشان اصلح بينهم وشرايكم ووشلون اتعامل معاها بعدين انا ع العموم ماعاد اكلمها الحين
حتى مرارين السوق والناس الي بحالها ماتركتيهم
سمعتي بالي يقول
احذر لسانك لايلدغنك انه ثعبان
هذا هو لسانك لدغكي من غير م تحسين
الله يهديك وبس
انتي استحلفتي نقول الصدق
والصدق انك غلطانه وجبتي الحق على نفسك بالكلام الناقص
وتلحق خلق الله الغافله الي ما اذتك
يمكن الاذيه جاتك حوبتهم
ناس بحالهم تحرثين عليهم بوسط المجالس
احدى الصحابيات اشارت بيدها عن وحده بانها قصيره
قال لها صل الله عليه وسلم : بما معناه لقد مزجت البحر يعني بالذنوب بسبب هالحركه
وانتي هالسالفه الطويله العريضه بمسلمة غايبه ماجاتك ولاتعرضتك ولا اذتك
ماحسبتي حسابها وش سوت بصحايفك
يالله صلاح النيه ي كريم
وبعدين كيف ماتحبي الغيبه والقصتين اللي قلتيها كلها غيبه