السلام عليكم ورحمه الله وبركاته
كيف الحال اخواتي
رأيت عضويه مشكلتي فـ أعجبتني الطريقه ..
وبما ان ماعندي احد افضفض له بقولكم انتم حتى ولو ماعندكم ررد لي
فقط ابي شخص يستمع لي ..
انا بنت عمري 16 بـ أول ثانوي ..
طبعا لازم كل بيت مايخلو من مشاكل !!
الحمدلله امي وابوي متفاهمين لكن المشكله يابنات هـي ابووي ..!
ماتتصورون قبل كيف كنت دلوعتـه والله يابنات ان اهلي مايطلعون من البيت الا لما ياخذون شوري يعني يشاورون ابوي يقول شـآوروهآ ويأشر علي لدرجه كثير تصير مشاكل يعني يقولون كيف تخلي ذا البزر تأمرنا وتنهاانا ههههههه
المهم انها وناسه بالعربي ..!!
طبعاً هذا يمكن وانا صغيرره … بس يوم تزوج ابوي تقريباً كنت بصف ثااني ابتداائي
انا خفت ان ابوي يتغير علي! لكن الحمدلله ماتغير على طول
واتذكر خواتي يقولون لي يلا روحي مع ابوي وامي تقولي قولي لابوك كذا وكذا لانهم حسو انه شوي شوي ابوي بدأ يبعد عنــي !!
ويقولون لي ياجود تراه تزوج ! اللحين تجيب زوجته بنت وينساك تكلمي معه وخليك مععه داايم
[ انا كنت استحي من ابوي حيل يعني ما اطلب منه كثير ولا شئ
المهم يقولون لي ترا بيتغير عليك وانا ماصدقتهم
بس يوم جابت زوجته البنت الاولى بدا شوي شوي يتغير
وخلاص عااد اللحين انا صرت بصف اول ثانوي واللحين ابوي
أقتلب 180 دررجه والله اللي يشوفه قبل ويشوفه اللحين يقول انسان ثاني
تصدقون يابنات والله والله والله انه يسولف مع الشغاله اكثر مني.!
وربي مرات اتمنى اكون شغاله عشان يضحك معاي
وقسم بالله من تزوج ابوي وصار هذاك التغير ما اتذكر اني شفت ضحكته
وقسم يابنات ما اتذكر ضحكه ابووي..!
وماتتخيلون كيف صاير نفسيه وعصبي!!
لو تمشين جنبه يمسح بك الارض بدون سبب..!
والله اني كلما اشوف صديقاتي يسولفون عن ابائهم اني اصييح
يعني فجـأه فقدت الحنان وفقدت ضحكته فقدت ابوي كللله ..!
احس الشخص هذا مو ابوي
تصدقون انه لما يسافر تصير حفله ببيتنأ [ من غير شر ] !!
يعني وناسسه ضحك وهستره ببيتنا بس يوم يجي نصير كئيبين
ميصير نضحك مايصير نسهر مايصير نطلب بقاله مايصير نطلع
مايصير ومايصير كل شئ ممنوووووع ..!
لاتحسبون بس ابوي انا كل اهلي كذا بس اللي أثر فيني ابوي
مرت اللحين 6 سنوات على تغير ابوي علي
وللحين وانا فاقدته وقسم بالله يابنات ماعمري سولفت معه ماعمري قلت له وش سويت بالمدرسه
والله اني لاشفته رحت تغيبت مابي اشوفه خلااص
واني لاتتكلمت معاه وربي كأني اتكلم مع واحد اجنبي !
ارتبك واتوتررر وانتو لو تشووفونه بس عاقد حواجبه !
طبعاً امي دايم برا البيت وخواتي ثنتين اكبر مني لكن من يوم كنت صغيره يقولون لي انتي مو اختنا > هههههههه
ما ادري لييه بس وربي يابنات حتى خواتي ما اعتبرهم خواتي!
اصلا من قبل خواتي كذا بس ابوي كان مكفيني
اللحين راح ابوي وبقيت لحالي
اخوي الكبير رسميات انا وياه وكأنه شخص غريب علي
اصلا ما اتذكر اني سولفت معااه وقسمن بالله !!
جالسه لحالي دايم اصيح دايم ابي احد يفهمني
وصديقاتي ماحب اقولهم شئ لانهم مايواسون ولا حتى يسمعون لي!!
وصار فيني قولون عصبي 
اعذروني ع التقصير بس قوولولي ابي اخلي ابوي يرجع لي زي قبل ابي اسولف معاه ابي اطلب منه اغراض
تصدقون حتى ما اطلب منه شئئ احسه غريب عني
مع العلم انه والله مايقصر ولا يرفض لي طلب..!
بنات تكفون ادعو ان عايلتنا تتجمعع
طفشت من الوحده صرت اللحين بعالم النت ادور لي ناس يفهموني :g
______________ شطحه
يالله ياحلوات بما انكم سمعتو سالفتي وانتهينا
عندي سؤال ههههههه
اللحين انا يا امورات جسمي الحمدلله حلو
يعني عندي خصر وتماام التماام
لكن المشكله اني طلعت على جسم امي
يعني عند الفخذ فيه خفسه بسيطه عرفتو كيف؟
يعني من عند فخذي شوي دااخل ومو زين جسمي
بس يوم البس ملابس ماتوضح ذا الخفسه وكل العرب يققولون جسمك حلو ولا هو فيه خفسه غرررريبه
بالله ماعمركم سمعتو بككذآ ححآآله ؟؟
طيب مآتعرفون تممآرين آسويهآ وتوخر ذآ آلخفسه ؟؟
فقدوني آلأآمل بعض آلنآس يقولون لآ مآفيه آمل
ومششششششكورييييين فدييتكم
وربي ذا العضويه وناسه والله بعد ماكتبت مشكلتي احس ارتحت شوي وفضفضت ….. يعطيكم العافيه
[103]:
ههههههههههههههههههههههههههههههههههههه
فديتك حبيبتي
جذي ابيج اضحكي و استانسي
شوفي يا عمري بخصوص ابوك دائما الاهل مهما كان الاب او الام تحب ابنها او ابنتها
على حسب المعاملت البنت لها يعني انتي لما تشوفين البابا اسألي كيف يبا اكل -تعشيت – ؟؟
بيني له انج مهتمة فية بعد امك و خليك قريبه من زوجته لان رايح يحبك كثير صدقيني
لما تشوفينه يسوي شي اٍساليه :اساعدك ؟تامرني بشي !
جذي رايح يحبك بعد ما تكونين قريبه منة اسالي بصوت رقيق و الهادئ ((يبا ابي اجولك شي بس اتمنى انك ما تزعل مني ابدا))((وجوليه كل الي بخاطرك ))
بس اهم نقطة انج تسألي عنه يبا كيف الدوام ؟؟شخبارك ؟؟؟
وجدي حبيبتي اي اسأله انا في الخدمة حبيبتي
اما بخصوص المشكله الثانية ما عندي حل اتمنى البنات يساعدوج
ولا تنسي تتدعيلي بزوج الصالح و الذرية الصالحة والتوفيق و البعثة لبنت خالتي
وقوليله يبه شرايك فيها؟؟ انا مسويتها
اشتريله شي يحبه يعني مثلا دهن عود
وان شاء الله تصيرون مثل اول واحسن
كل ماجاء ابوك سويله عشا اوكيكه او حلى واضحكي وقولي يبه هذا عشانك مسويته
حاولي تسولفين معه وسويله شاي وقهوه خليك مقابلته اساليه عن زوجته واولاده من زوجته قوليله يبه نبي نشوفهم وجيبي لاولاده هدايا افتحي مواضيع معه شاوريه بكل شي لو تافه بس عشان تفتحي مواضيع
اما جسمك تقولين حلو فيه بنات نحيفاااااااااااااااااااات وفيه بنات سميناااااااااااااااااااااااات
احمدي ربك اذا جسمك يمشي الحال خخخخخخخخخخخخ
ادعيلي بالرزق
يارب يسعدك دوم والله انك عسل
وبعدين وش تبغين بابوك انا اتبناك واصير ابوك
ههههههههه
امزح الله يخلي لك ابوك وامك وكل احبابك
والله وانا اقرا خشيت جوك وحسيت احساسك حتى انا ابوي متزوج على امي ومريت بتجربتك
وكنت شبه مدلعه يعني مو مرة مرة بس كان يشتريلي هدايا اذا سافر ولما كثروا بزارينه يعني وراعينه يعني
اطفاله بطل يجيبلي شي لاني مرة طلبت منه يجبلي حصان حقيقي!! شرهتي ماهي هينه هههههههه!!!!
وقال طيب لكن ما جاب لي مدري ايه السبب ؟؟؟؟بعدين اكتشفت بعد ما صرت كبيرة ان الحصان غالي مرة
وابوي فاتح بيتين ومايقدر يصرف علينا زي قبل وصار كل ريال يطلع محسوب علينا هههههه !!يعني
صار بخيل شوي بس مو كثير ههههههههه ربي يطول لي بعمرة ويخليه
وكلام الاخت لاريما عين العقل سوي زي ما قالت
اوكيه ياقلبي
وسالفة الخفسة هذه ما اعرف عنها شي واذا على الخفسات تقدريت تعبينها فيه ملابس لانجري محشوه تقدري تستفيدي منها اذا حبيتي وتلبسيها في الزواجات هههههههه فهمتي قصدي !!!!!
وربي يسعدك ويوفقك يابنتي ويحنن قلب ابوك عليكم
|
المشاركة الأصلية كتبت بواسطة بـــحـــــر
 حاولي تسوين كيكه ولا اي شي
وقوليله يبه شرايك فيها؟؟ انا مسويتها اشتريله شي يحبه يعني مثلا دهن عود وان شاء الله تصيرون مثل اول واحسن |
رائع كلام الاخت