هلا صبايا
الموضوع واضح من العنوان
هالشهر تقدم لي ولد عمي وعقب بيومين ولد خالي
لكن اكيد من الذوق اننا مانقول لولد خالي ان ولد عمي تقدم لي
وعاد الحاصل ان ابوي يزين لي ولد عمي عشان اوافق عليه وفوقه يقول هو تقدم لك قبل وفوقه وفقوه ان ولد العم اقرب لك وافضل لك ويبغاني اوافق عليه
وامي مو مقصره بعد كل الصفات الحلوه حطتها بولد اخوها وتبيني اوافق عليه
وانا عارفه اخلاق الاثنين كويسين ويكفي انهم اهلي مو محتاجه حد يوصف لي اياهم ويقنعني فيهم
انا مابي اوافق على واحد منهم واصير ازعل احد الطرفين
قمت افكر جديا اني ارفض الاثنين
بس المشكله ان عمري الحين 24 سنه
واخاف اذا طيرتهم مني الاثنين مايجيني نصيب من بعد هالمره
هذي مشكلة خطبة القرايب يجون بوقت واحد
يعني شنو هالحظ ياما بايره ياما بمره وحده اثنين
والله حسيت اني لعبه بين ايديهم كل واحد يجذبني صوبه
وانا كررررررررهت نفسي وكرهت شي اسمه خطبه و زواج خلاص
مع العلم اني بداخل قلبي اميل لولد عمي اكثر
بس مادري شلون احسم امري
بنات تكفون اللي صار لها موقف مشابه لي او مرت بهالحاله تقول شلون تجاوزتها
الله يخليكم 
الافضل تستخيرين بينهم وان شاء الله ربي يختار لك
اللي فيه الخير ..!!
و بنسسبه تزعلين احد الطريفين ي حياتي لاتشيلين كل هالهم
هم يبون مصصلحتك لا اكثر ؟..!
واذا اخترتي اي احد بينهم صحيح بيزعل الطرف الثاني بس وربك
بيفررررح لك بفرررحك وهالزعل م يطوووول..!!
لاتعققققدين الامور ترا السسسسالفه ما تسسسوى تتضايقين او تفكرين
عشششاااانهاا ابدااا ^^
ربي يسسعدك ويكتب لك اللي فيه الخييير والف الف مبرووك مقدما ^^
وبما أنك قولتي ان قلبك مال لابن عمك
فاستخيري ووافقي على ابن عمك
وشوفيلك طريقة مناسبة تحددي فيها قرارك عشان الطرف التاني مايزعل
والله يوفقك وييسرلك كل خير
ولا ترفضينهم ثنيناتهم احسن لج استخيري
شقتوا لوا البنالت يحلل ليهم اربع جان ما احترتي ههههه بس اعدلي بينهم كل واحد ليلة ههههه
انا من رايي انك تاختاري الي يميل له قلبه وتحسي معاه انه اهو الاحسن لش يكون زوجك والله يسعدك
احسمي امرك وتوكلي على الله كل شئ قسمه ونصيب لكن ابدا لاتضيعي فرصتك وترفضيهم كلهم لأنه الله اعلم هل بيتقدموو لك غيرهم او لا
وربما يجي غيرهم بس مو بنفس مواصفات اخلاقهم ويكفي انه ولد عمك مو غريب
الله يوفقك