االسلام عليكم ورحمة الله وبركاته
خواتي اريد اعرف وين المشكلة فعلاقاتي مع الناس, انا الحمدلله انسانة اجتماعية مو كثير بس اقدر اندمج مع الناس وابدا اتكلم معهم من أول مرة… واحب اتعرف على البنات وعاادي ندردش من اول مرة كأنا نعرف بعض,,بس مو احتك كثير معهن او طول الوقت اركض وراهن لا والف يعني عالخفيف ومن بعيد لبعيد,, بس الي اشوفه ان البنات يوم يومين وينفررن او يبتعدن او يحاولوا انهم مايحطوا عينهم بعيني وفي بعض البنات احسهن مايريدوا يتكلموا معي يعني ردودهن تكون باردة ماعرف شنو المشكلة أحيانا أقول يمكن انا فيني شي غلط مع اني مو شايفة حالي او مغرورة بالعكس احب ارحب فالبنات واسأل عنهم..أنا تعبت يابنات الله يخليكم ابي اعرف شنو المشكلة..
ياعزيزتي انا ابدا ماا اشوف انه فيه مشكله اصلا
هذه هي طبيعة العلاقات بين الناس والتي عمرها قصير
او لنقل التي لم يمضي عليها فتره طويله
انت فقط كوني على طبيعتك وخلي اللي يهرب يهرب الله وياه واللي يبقى وياك اهلا وسهلا
من وصفك لطبيعة شخصيتك اراها شخصيه طبيعيه جدا ومستقيمه
ربي يكملك بعقلك ويوفقك في حياتك ويسعدك
امين يارب
تحياتييييييييييييييييي
إن راضيتهم عادوك……………. وإن عاديتهم طلبوا رضااكالزمن ماتغير
بس اهل الزمن متغييرين والله يعين بس
ياقلبي أنتي انا ثاني وحده اقولك انتي مثلي
ومثلي بالضبط
وكنت مثلك اشك بحالي ان فيني حاجه غلط او لا
لدرجه اجلس مع نفسي افكر بهالموضوع مرات يوصلني للبكاء
دورت فيني حاجه تشفع لهم ينفرون لكن مالقيت
أنا اللحين بالكليه وعرفت قيمتي مع رفيجاتي
لأن شخصيتي كانت نفسها بالضبط ماتغيرت
يعني البلى مو فيك ولا فيني وانهم ينفرون هذي مشكلتهم وراجعه لهم
بس انتي خليك على شخصيتك الإجتماعيه
الله يوفقك ويسعدك
أشكركم على ردودكم الي تثلج الصدر لكن والله من القهر الي فيني ماتوصل الى هالدرجة انا كثير مصدوومة وهالشئ مو من يوم يومين من زماااان أحاول أكون صداقات بس ماكو فايدة الى متى بظل اطنش البنات مثل ماتقولوا تعبت من الحالة كله قاعدة مع حالي وثقتي بنفسي انعدمت صرت أكره اطلع واتمنى حد يكون معي خاصة هالايام صعب الواحد يعيش وحده..
اتمنى انكم فهمتوني,,
وزي ما قالوا البنات المشكلة مو فيك
موفقة حبيبتي
يعنى مش بالشرط تكونى مش محبوبة بالعكس اكيد فى اصحاب كتير يحبون يتعرفون عليكى ركزى فى نقاط القوة و التميز عندك و خليكى من نقاط ضعفك علشان شخصيتك تكون فى تطور
ارجو اكون قدرت افيدك