مشكلتي..كتالي ..
زوجي مهدد بالفصل من العمل(الله يجازي كل واحد يظلم)وانا ابحث عن عمل يناسبني قدر المستطاع كزوجة وام..حتى احافظ على كيان الاسرة..وبعد تفكير توصلت اني اطرح مشكلتي في المنتدى لاني متاكدة انكم راح تساعدوني حتى احصل على عمل..
ولكم مني الدعاء..
شوفي حبيبتي انا اعرف وحده تعمل على الكمبيوتر وتسوي هدايا للمواليد والافراح وتطبع مطويات وهدايا للمناسبات للمدارس وماشاء الله عليها الطلب عليها كثير وكمان الناس اللي تجي عندها وتاخذ اغراضها
واعرف وحده تسوي بوفيهات الحفلات للمدارس ماشي الموضوع معها لدرجه انه تسوي باليوم خمس بوفيهات ومانلاقي عندها حجز
كمان فيه البيع عن طريق النت شوفي وتعلمي
واذا انتي شاطره بالخياطه تعلمي تسوي اطواق بكلات ربطات شعر غطاء للوجه والله اعرف وحده تفصل الغطاء وتبيعه بالجمله على المحلات والله تقولي احصل احيانا 15 الف
ممكن تسوي بهارات الاكل او البخور او خلطات القهوه وتبيعيها
كمان اعملي لحالك كروت ووزعيها على حسب الشغله
ولو في مجال ممكن تفتحي صالون او تسوي في بيتك تفرغي غرفه وتعملي فيها او تروحي عند البنات في بيوتهم حمام مغربي او مكياج او تسريحه والله اني كنت اروح عند وحده تزين البنات بمحل وطلعت منه وصارت ترين بالمجلس تبع بيتها وبعدهافتحت مشغل صغير والحين عندها فله تبعها ماشاء الله وماتلاقي مكان فيها من كثر الزبائن وماصارت تشتغل وجابت عاملات مثلها شاطرات
وربي يسعد قلبك ياعمري
وفيها رزق كبير باذن الله
بس ادعي ربي واسأليه واستعيني فيه ولن يخذلك ابدا
اذا انتي جيده بالطبخ عندك المحاشي وصواني الحلى
اذا عندكراس مال جيبي بضاعه بالجمله من المورد وبيعيها مفرق
وفيه برضو تقدري تشتغلي مندوبه للتاجرات اذا بالمره مااعندك راس مال
ممكن تشتغلي تمسكي اطفال الصباح (عيال الموظفات ))
او دروس خصوصيه اذا عندك وقت وتفرغ
وفيه برضو تغليف الهدايا
وفيه التوزيعات للاعراس
وفيه افكار كثيره اذا تعرفي للكمبيوتر والطباعه تقدري تسوي اوراق للمدارس ووو الخ
الأفكار كثيره شوفي شي يناسبك واشتغلي فيه
والله يووفقك اتمنى اني اكون افدتك
والله كلام جميل طيب انا اعرف اسوي فطاير والسمبوسة كيف استفيد من هشغلي وكيف اسوقها..
ساعدوني. |
المشاركة الأصلية كتبت بواسطة منون الحلوه
 يعطيكم العافية..الله يعين الكل..
والله كلام جميل طيب انا اعرف اسوي فطاير والسمبوسة كيف استفيد من هشغلي وكيف اسوقها.. ساعدوني. |
الله يعافيك اختي ,, اذا سوويتها صوريها بكاميرا دقتها عاليه بحيث يطلع الشكل حلو
واكتبي اعلان بالمنتديات وحطي ايميلك ورقمك ورتبي لك موضوع كويس 
ثاني شي سووي كروت ووزعيها ,, وخلي قريباتك وصاحباتك يذووقو الأكل ويسوون لك دعايه عند معارفهم وقرايبهم ونسايبهم
جهزي لك صحون خااصه وسوي لك بطاقة صغيره تحطيها على الصحن وهو مغلف (أم فلان لبيع أشهى انواع الفطاير والسمبوسه +الرقم )
روحي منتدى الفراشه تجمع نسائي بالفراشه مول
والله يووفقك
دعواتك لي بالتوفيق