مساء الخير حبايبي
ابي حل حق مشكلتي
مشكلتي وبكل بساطه سببها زوجي وامه . يمكن تستغربون لو قلت لكم انهم طيبين وحلوين بس بجزائها لكم عشان افهمكم بشكل صحيح :
اولا زوجي :
انسان طيب وكريم ومرح مع الكل بس عيبه شي واحد يقول ما لا يفعل ..
لانه من قبل الزواج شرطت عليه مسكن مستقل وان يوفره لي بحال صارت مشاكل بسكني مع اهله ووعدني ان محد له شغل فيني من امه لين خواته ولكني اكتشفت ان العكس صحيح . كل ما تصير مشكله بيني وبين امه حتى مع وجوده يسكت وما يرد ويقول لي هاي امي للعلم انها هي اللي تبدا المشكله وثاني مشكله معاه سالفة الانجاب . كل ما فاتحته بالموضوع يقول لي مو وقته ويسبب لي مشاكل مع امه اللي تلح علي انا .. لدرجة ان لما كلمته ان مر علينا اكثر من سنة بدون اطفال هددني بالطلاق ..
الثانية امه :
عبارة عن امراة طيبة وما انكر بس شنو عيبها .. انها تخنقني وتلح علي بالحمل والفحص .. سويت فحوصات ما خليت مستشفيات ولا عيادات كلهم قالو اني بخير بس ما تصدق وما تقتنع وجا ذاك اليوم اللي عملت لي مشكله بها الموضوع قدام الضيوف وقلت لها بدون خوف ان ابنك رافض وقلت امامه وقال لها صح انا رافض قالت لي انتي كذابة ولدي يتستر عليكي وانتي الي فيكي العيب ..
ما اكتفت بها الشي انما قالت لكل الموجودين ومن غير النقزات والملاحظات اللي ترميها علي .. مثلا تقول انا اللي زوجتها ولدي وتكبرت واللي يقهر ان زوجي ساكت وما وفى بوعده وتحملتها سنة و ست شهور وتحملت تصرفاتها وبرود زوجي .. بعدها قلت له خلاص ما ابي اقعد اكثر معاك لان امك تدخل بحياتي وانت ساكت .. وانت خربت حياتي بسكوتك ووعودك الكذابة ان محد له شغل بحياتنا وقررت اني اقعد ببيت ابوي مع انه يلح علي اني ارجع بس انا تحملت ما فيه الكفاية منهما …
اولا زوج ما يبي يعالج وثانيا ام زوجي تكذبني وتقول العيب مني للعلم انها شافت كل تقاريري .. وعارفة اني سليمة .. وانا شاكة ان زوجي فيه شي وما يبي يقول لي دليل انه هددني بالطلاق لو فاتحته بموضوع الانجاب وبنفس الوقت ما يمنع تدخل امه بمسالة الانجاب يخليها تغثني وهو يسكت ..
صراحة يا بنات ما ابي ارجع طول ما امه موجوده هناك للعلم ان امه ندمت على الحركه لان من يوم انا في بيت ابوي صار حال ولدها سيء بدوني وهي ما تحب تشوفه بها الحال .. وطلبت من الكل انه يكلمني عشان ارجع .. بس انا ما اقدر اسامحهم لاني صبرت وايد عليهم وما عاد اقدر اصبر اكثر .. وانا ابي استقل بحياتي بس ظروف زوجي ما تسمح ان احنا نسكن لحالنا ..
عطوني حل شاسوي ؟؟؟ سامحوني على الاطاله وجزيتم خيرا
مسالة الانجاب مساله جدا حساسه وتاثر كثير بكلا الطرفين
اذا كانت المشكله امه بسيطه ياعزيزتي خذيها معك للدكتوره وخليها تكشف عليكي قدامها بتقولي شافت نتايج التحاليل ومن هالكلام هي بالاول والاخير حرمه كبيره ومقهوره خاطرها تشوف عيال ولدها والام مهما تشوف ولدها على غلط بتقول من زوجته لانه ولدها وماترضى عليه العيبه
والكلام اللي تقوله صدقيني من قهرها وحرقه قلبها انتي خليكي كبيره وقدري موقفها شوي
ومن ناحية زوجك
لما امه تتاكد انك سليمه صدقيني راح تقلب عليه هو وتحن على راسه على شان تتاكد من النتيجه
وحاولي تجلسي معه جلسه هادئه وتكلمي معه كلام وحده عاقله فاهمه
قوليله ياقلبي انت زوجي وانا مالي غنا عنك ومهما يكون فيك انا مستعده اتحمل واصبر بس انا لما اكلمك عن العيال من اللي فيني نفسي يكون عندي ولد يشغلني عن كل شي العب معه اسليه ويسليني ومن هالكلام
وانتي باين عليكي ماشاء الله عاقله
ترى ياعزيزتي الرجال مثل الطفل عطيه وخذي منه مابيحس
ولما تجين تتكلمين معه بصريخ وهواش وابي عيال وروح اكشف وامك قالت وامك سوت صدقيني بيعاند
خذيه بالسياسه واللطف والكلمه الحلوه
واقولك شي اخير
ارجعي لبيتك شوفي الوضع سوي اللي قلتلك عليه وشوفي اذا تقدري تستمري اولا
ان تغير شي للاحسن فالحمد لله
وان ماتغير ارجعي لبيت اهلك منتي خسرانه شي بس خليكي انتي الكبيره والفاهمه
وربي يرزقك بالذريه الصالحه يارب ويهدي سرك
وصديقني زوجك متى ما تحسنت ظروفه حيحس فيكي ويبغى هوة بنفسه يستقل ويطلع ومحد يبقى على حاله سامحيني لو طولت بالرد بس والله اسمعي نصحيتي وارجعي بيت زوجك وربي بإذن الله يعطيكي على قد نيتك وربنا سعدك ياقلبي .. |
المشاركة الأصلية كتبت بواسطة يا غلاهم
 ياقلبي إنتي والله فكرتيني بمشاكلي بداية الزواج لاني نفس وضعك بس ياعيوني انتي لازم تتحملي هذي ضريبة انو احنا ساكنين عند اهل الزوج وبعدين فهمي زوجك يقول لامه اذا يبغاكي تكملي معاه انو ما يخلي احد يدخل بحياتكم.. وطبيعي ياعيوني يبون عيال يبون يفرحون فيكم ووالله كرررريموباذن الله تفرحينا قريب وصديقني انو زوجك يحبك وامه كمان وبدليل انهم يحاولو يرجعونك البيت وهذا الدليل …ومساله البيت لازم تصبري شويه ولا تكلفي زوج فوق طاقته انتي شايفة كيف الايجارات مولعة والغلا الي صاير بكل مكان .,
وصديقني زوجك متى ما تحسنت ظروفه حيحس فيكي ويبغى هوة بنفسه يستقل ويطلع ومحد يبقى على حاله سامحيني لو طولت بالرد بس والله اسمعي نصحيتي وارجعي بيت زوجك وربي بإذن الله يعطيكي على قد نيتك وربنا سعدك ياقلبي .. |
كلامك صحيح ومنطقي وهذا هو الحال
انا حاسة فيج وانت نفس اي حرمة مغلوب ع امرنا بس الوحدة بالنهاية مالها الا بيت زوجها وحياتها الخاصة وعمتك خذيها بالتراضي يمكن تفيدك بخصوص ولدها تقنعه تحملين او ان يروح يفحص بتشجيعها هي بدون ما تفهمي باتفاق معاها وأحينا زوجك ما تعرفين يمكن عنده مشكلة اصبري ونفس ما قالتلج الاخت خذيها لدكتورة هي تعرفها خليها تقولها انج ما فيج شي وسليمة واااااالللللصبر مفتاح الفرج
حبيبتي نصيحة مني لا تتركي بيت زوجك ماللك غيره هو سترك وغطاك
الله يوفقج ويسخرلج زوجك وتفرحينا بخبر حملج اميييييييين انت وكل محرومة **
ماادري ايش المطلوب من زوجك ؟
يزعل امه اللي جنته تحت رجولها عشآنك ؟؟؟؟؟؟؟
واذا مايبي يكشف اكيد هو عارف ان فيه شي
الله يهديكِ ويوفقك