السلام عليكم ورحمة الله وبركاته
بنات المنتدى العزيز اضع تجربتي بكل شفافية
اسأل الله العلي القدير ان يجعلها في ميزان حسناتي وحسنات جميع المسلمات
حبيت الكل يستفيد من هالتجربة
فائدة 1: الواسطات بهالديرة = امنيات تتحقق
سبحان الله فيه من يتقي الله فيها وفيه من يستقلها بشكل خاطئ
فائدة 2: مااعم ولكنها تجرتي فقططط الكل فيه الزين والشين
فائدة 3: كل العاملات لازم تحطين شروطك من البداية وتلتزمين بتنفيذها
نجي للعمالة
جربت تقريبا جميع الجنسيات اللي تحتاج تفاصيل تكتب سوالها هنا او على الخاص
السعوديات
كوفيرات :
الزباين يثقون فيهم خصوصا بشغل المكياج والتشقير والاستشوار
يبي لهم تدريب واذا صارت شاطرة طلبت زيادة فلوس
اذا بتدربينهم خذي عليها استقطاع من راتبها او سعر الدورة
لها ظروفها بحكم اهلها هنا ودايم في الويكند ينكبون مع المواعيد
اكثرهم دلوعات ويشتكون على طوول مواصلات او اخواني او اهلي او بنسافر او مااقدر اطلع خدمة منازل وبعدين تكتشفين انها تروح من وراك او بزاريني وهكذا سلسلة من الاعذار الا ماشاء الله ولكل قاعدة شواذ
الفلبينيات
كوافيرات
الناس تثق جدا فيهم بالقص والبدي كير والمنكير والاستشوار بس تخاف منهم بالمكياج او التشقير
لازم تشدين عليها من البداية
راعيين كرف
ماتحاتين انهم يهربون
ممكن تجلس عندك سنين طويلة
تفرق معها لو تزيدينها 100
قويات ودايم اسلوبهم مع الزباين سيء اذا مافيه رقابة عليهم
الاندونيسيات
كوافيرات
الناس تخاف منهم بشكل عام واذا شكت الزبونة تسألاذا اندونيسية مستحيل تخليها تسوي شغلها
سريعات تعلم
بس مايجونك شاطرات لازم تدربينهم زين
رواتبهم قليلة مقارنة بغيرهم
مهم مكالمة اهلها على طول
اجتماعيات تحاول تثبت وجودها
خدم
تجربتي معهم كخدم متنوعة فيه الزين والشين
الاثيوبيات
كوافيرات
الناس تخاف منهم في التشقير والمكياج والقص
تحبهم في الحمام المغربي والدلكة والحف والاستشوار والفير
الاطفال يخافون من اشكالهم في البداية
يجونك غير متعلمات المهنة على اصولنا
يبي لهم تدريب
سريعات تعلم بس لازم تصيرين على راسهم
الراتب يهمهم حيل
خوااااااااافااااااات من الدم والروبيان ومن الابواب المفتوحة
الحمدلله وصلوني في فترة تعتبر قصيرة واول ماجاو ركزت كل وحدة تتعلم بس شغلتين وتركز عليهم مع الاستشوار
وبعد المواسم كل وحدة تدرب الاخريات على شغلها وهم فاضيات
يتعلمون اي شي حتى الحناء اهم شي فيه فلوس
اكثرهم يجوون بزارين من 14 وطالع
يعتزون حيل بدياناتهم ولازم تحترمين هالشي
استقدامهم خذ 20 يوم تقريبا
ومبالغ التنازل من 18 الى 30 الف للشاطرة
خدم
كسولات
عطيهم نوم وتلفزيون وتصير مطيعه
كانهم سيرلانكيات لازم وراهم علشان ينظفون زين
تختلف تجربتي معهم فيه الهميمات وفيه الباردات
اول اسبوعين لازم تعلمينها على كل شي حتى الحمام وانتو بكرامة
يجون في فترة قصيرة ورواتبهم زينه
المغربيات
كوافيرات
الناس تثق فيهم في كل شي تقريبا
اكثر الزباين مايرضون تكون خدمة المنازل مغربية
يهمها تكون مو اقل من غيرها
شاطرين في تخصصاتهم بس مو سريعات تعلم في كل شي
لازم تخصصين لها كم شغله مثلا 6 شغلات وتبدع فيهم
اللي موجودين في السعودية رواتبهم غالية
واللي استقدام ياخذون وقت على ماتوصل وشروط السفارة السعودية بالمغرب
كثير منهم مترددات ويخافون من المجتمع في البداية
تقريبا 4 شهور مدة تقديمي او اكثر
هم الوحيدين اللي خذتهم تقديم وليتني خذتهم تنازل
لان بحسبة بسيطة
الفيزه ب 12 الف تقريبا
التقديم ب 5000 عن طريق بنت معنا بالمنتدى ولولا اخلاقها وتعاملها الراقي ولا مااتوقع صبرت هالمدة الطويلة
التزامات تفويض 1600
نقل الكفالة للحين ماتفقنا مين بينقلها بس نقوول 2000
وقت تقريبا 4 شهور انتظار كل شهر قولي 1000 او اكثر
20600 ومع الانتظار 24600
يعني 25 الف تقريبا
اما التنازل هنا في ديرتك للمغربيات الشاطرات من 25 الى 30
نفس الحسبة وتاخذينها بنفس الوقت كم موسم بتستفيدين منها
انعرض علي كثير من نفس الجنسية بدون ولا ريال بس تكون معاي بشغلي تتعلم الصنعه
خدم : ماجربت بس لي تجربة قريبة ان شاءالله
العرب اللي بالنسبة :
العرب اللي موجودين ومقيمين ابا ماانصح فيهم لان اكثرهم ماعندهم انتماء الا نفسهم ياخذون الزباين ويمشون دربي عاملاتك وشدي عليهم ودللي في نفس الوقت احسن لك وعلى كفالتك ولا تجيبين من كوافيرات الشنطة اللي اكثر شغلهم غير نظامي اساسا
واللي تجيك تطلب 2000 واللي 3000 وحدة قالت لي بدي 10 الالاف وبيبي سستر لبنتي خيررررررررررررر
والشرهه مو عليهم على صاحبات المشاغل اللي معطينهم وجه
فائدة 4: الاستخارة مهمة جدا جدا جدا
فائدة 5: الحمدلله من هالمجال الصعب تعلمت كيف اصبر واعتمد على نفسي وكيف اساعد زميلات المهنة
فائدة6: كونت علاقات اكثر وتوسعت في مجال البزنس
فائدة 7: من اصعب الاشياء كانت علي العمالة في شغلي وكثير من اللي يبيعون مشاغلهم علشان العمالة غير متوفرة
فائدة 8 : صرت اشتغل في هالمجال بفايدة اوفر لصاحب العمالة زبون او للمشاغل عمالة
فائدة 9 : الكوافيرات اذا كانو صغار افضل لان تعليمهم يكون اسرع
فائدة 10: لازم تتعلم صاحبة الشغل الصنعة كاملة واذا بتدخلين عمالتك دورات لازم تختارين مشغل مو معهد علشان اسرار المشاغل عند المشاغل
العمالة هم لابد منه اذا مسكتي العصا من النص كانو لك خير معين 
اي تفاصيل زيادة اطلبوها وانا في الخدمة
اتمنى اني وفقت بالسرد
دمتم في حفظ الله ورعايته
والله يسعدكم ويوفقكم
تم الرد على كل من استفسر على الخاص
ورفع لتعم الفائدة
والله يوفقك ويرزقك من حيث لاتحتسبين
وكل من راسلني تم الر عليه