أنا مخطوبة وعندي ظرف طارئ جداً . ساعدوني أرجوكم حبيباتي -مع الجواب 2024.

أنا مخطوبة وعندي ظرف طارئ جداً……. ساعدوني أرجوكم حبيباتي

السلام عليكم ورحمة الله وبركاته:
ياسيداتي المحترمات أنا حابة آخذ رأيكم في موضوع ضروري مش حطول عليكم وحدخل بالموضوع مباشرة. بسم الله الرحمن الرحيم وبه نستعين

أنا بنت عمري 21 سنة تعرف على شاب ابن حلال وهو على خلق ودين ، والحمد لله تقدم لخطبتي وتمت الموافقة بين أهلي وأهل الشاب وانخطبنا والحمد لله .
هو شاب سوري يعمل بمطعم وجبات سريعة (طعام)،اتفقنا انا وخطيبي أن يكون الزفاف بعد سنة حتى نقدر نركز وضعنا المادي بس حصلت ظروف عنا ومانقدر ننتظر سنة وبدنا نتزوج بعد رمضان هذه السنة مباشرة إنشاء الله تعالى.(صرلنا شهرين تقريبا أو اكتر شوي مخطوبين)
لكن احنا ماجهزنا أي شي من الملابس ((جهاز العروس)) وظروفنا المادية مو كتير منيحة بس الحمد لله نحنا دايماً نتوكل على الله .
المهم بدي تقولوا لي أهم شيء أشتريه من الملابس يلي أجيبها وتكون كويسة وعلى قد حالنا ((يعني شي من قريبو)) بتمنى انو الكل يدخل ويقول شو رأيه ويضع الأغراض الضرورية يلي تلزمني بجدول عشان أستفيد من خبرتكم ياسيداتي المحترمات وشكراًلكم ولكل من سهم في مساعدتي.
وشكراً خاص لمنتدى سيدتي

اهم شىء اللى ظاهر امام الناس واللى الناس بتشوفه عدا كده ماتشغلى بالك

شوفي حبيبتي اهم شي تجيبي لبستين مرتبين مشان الناس يعني شي عرايسي مشان اذا انعزمتي يكون في شي مرتب تلبسي ولا تجيبيهم رسمي كتير جيبيون سبور شيك مشان تقدري تلبسيهم عشي تاني وفي كم محل بتقدري تلبقي عندهم لبسة بسعر رخيص كتير اول محل بشارع بغداد روحي عند كازية الازبكية اول شارع بغداد الكل بيعرفها و اسألي عمشفى الأمل هو جنبو تماما بس توصلي هناك قطعي الشارع اللي نقابلو رح تلاقي بوجهك محل اسمو 555 في جنبو محل السماح هاد المحل /555/ عندو شغلات رخيييييييصة و حلوة وقوليلو بعتتني عندك ريم اللي بتشتغل هون قريب هو بيعرفني و رح يراعيكي كتير و في محل تاني بالجسر الابيض هو ستيفانيل مواسم عامل دائما رخصة 70% اسالي عنو بدلوكي لانو هو بالحارات صعب دلك عليه و اخيرا في محل بالحميدية تالت دخلة عايدك اليمين اللي بين الحميدية و الحريقة محل كبير كتير وفي طابق تاني بجيب شغلات حلوة و رخيصة هي من ناحية اللبس الخارجي اما الداخلي جيبي كم تفريعة حلوة و بسيطة المحل اللي قلتلك عنو 555 عندو تفاريع و قمصان نوم كتيييييير رخيصة ممكن تجيبي كم واحد و بس و باقي المصاري جيبي فيون الضروريات متل برانص عرايسية و ازا بدك ايا مساعدة اساليني انا اختك بدلك عالمحل اللي بدك اياه لتلاقي احسن الاسعار و انتي حاولي تقسمي المبلغ اللي عندك حسب اولوياتك و الاشياء اللي لازمتك وازا بدك ابعتيلي عالخاص وانا بساعدك تكرم عينك و نشالله الف مبروك الهي بتتهني يا رب

عنجد كتير استفدت من خبرتكم مابعرف كيف بدي أشكركم ((شكرا جزيلا))
الله يوفقكم يارب ويحقق أمانيكم .شكر خاص ياسيدة ريم.

الله يووووفقك يارب

الله يسهلك امييين

ليس لدى علم ان شاء الله البنات تفيدك
موفقة

الله يوفقك