السلام عليكم ورحمة الله وبركاته …
أنا اليوم كتييير حزينة وحاسة حالي محتارة بأمري وما بقول غير حسبي الله ونعم الوكيل …
المهم وبدون طول سيرة محتاجة وبشكل كبير لنصيحة طيبة وصادقة من العضوات الحلوات لأني بعتبركن متل أخواتي
أنا مخطوبة لإنسان من الناحية المادية ممتاز
ومن الناحية الدينية جيد بصلي وبيعرف الله
ومن الناحية التعليمية مثقف ووضعه الإجتماعي ممتاز
والأهم أنو حبيتو لخطيبي كتيير وكان الأول بحياتي مع أنه عمري 25 بس أنا برفض كل علاقة مو شرعية
وببداية الخطبة كان ممتاز وفهمته منيح وعرفت اتعامل معه وكنا أحلى خطيبين
وبعد شهرين اتغير علي وما بيعرف شو السبب وكان هالشي عم بآلمه كتيير لحد ماقررت أنه حط حد للأمر فحاكاني وكان صوته كأنه عم يبكي بس ماحسسته أنه عرفت أنه عم يبكي وتأثرت كتيير وقلتله طول بالك وفكر وقرر شو السبب !!
المهم بعد أسبوع بتنحل القصة على خير … وبيرتاح وتشكرني على صبري وبيقلي أنه اليوم أنتي جننتيني باللوك الجديد وريحتيني وبقدرة قادر ارتاح بعد عذاب شهرين ما كان عم بحاكيني فيهن غير كل 3 أيام مرة أو كل أربع أيام وبدون سبب أبداً مع أنه ببعتله مسجات متل " حابة أسمع صوت حبيبي قبل ما يسافر "
" حبيبي اشتقتلك حاكييني "
وكل هالشي ما فادني وكان تبريره أنه " نسيت …!"
" أنا مأمن أنك مرتي …!!!! " كيف ما بعرف يمكن لأنه حس أنه ملك قلبي
وهاد كتييير غلط يعني نحنا مو كاتبين على بعض لأنه ما بنكتب الكتاب لقبل العرس بكم يوم…
المهم بعد ما ارتاح الإخ وانبسط ضل الوضع على حاله ما حاكاني 3 أيام وبعدها أسبوع وهون أنا نفجرت بعد ماصبرت شهرين وإنت مانك مرتاح لما ارتحت ليش ما ريحتني ؟ قال والله أنا ما افتكرتك زعلانه ولا كأنه في شي
فبعتله مسج بما معناه أنه "رح أنهي هالعلاقة يلي مابتهمك وبظن أنت مع هالشي "
وماااااا كان في ولا ردة فعل لا مسج ولا تلفون ولا شي !!!! ومرق 6 أيام وشو بدي أعمل معه ما عاد أعرف
ملاحظة : 1- بقلي أنه كتييير مقتنع فيي 100 ب 100
2- بقلي أنه إذا بتتركيني أنا بتدمر تماماً وما بقا بتزوج بعمري ( قلتله ما بهمني !!)
الأخ كتييير أناني كتييييييييير يعني بضل نايم ومو سائل على شي وإذا حس الطرف التاني قصر معه بتقوم القيامة بس هو بصير يقصر ! واعترف بهاشي وقلي أنه من عيوبه أنه مهمل وأناني
انصحوني ياحضرااات لأنه أنا وبكل ذكائي عجزت حل هالمشكلة لأنه ما عندي فكرة كيف بدي عالج نرجسيته وسمعت من دكتور مختص أنه أكبر جريمة بترتكبيها بحق نفسك أنه ترتبطي بإنسان نرجسي !
انصحوني بس ياريت النصيحة تكون صادقة وحطو حالكم محلي ودلوني شو بعمل ؟ بفسخ الخطبة ولا دقله بخاف إذا دقيت يعتبرني كسرت وتنازلت عن كلشي لأنه بيعرف حاله غلطان بحقي بس ما عم يعمل شي !
آسفة إني طولت عليكم ! بس أنا كل يوم عم بدعي ربي وبستخير وببكي لأنه كتييير بحبه بس ما عم خلي عواطفي تلغي كرامتي .
انك تتركية هكذا ولا تعودى الاتصال بية اذا كان لا
يستطيع العيش هكذا وسيموت بدوونك ومقتنع هكذا 100%
لن يترك وسيحاول الاتصال وويعادوو الاصلاح
صدقنى ان كان يحبك سيشتاق اليك ولو لكلمة بسيطة
سمعها من قبل او رساله او حتى صورتك
ام ان لم يتصل بيكى فلا تحاولى الرجوع او مجرد التفكير
اتمنى لكى كل السعادة
وان شاء الله ربنا يقدم الخير
|
المشاركة الأصلية كتبت بواسطة °|| shΐḾỠ ☃~☃
 براى الشخصى
انك تتركية هكذا ولا تعودى الاتصال بية اذا كان لا يستطيع العيش هكذا وسيموت بدوونك ومقتنع هكذا 100% لن يترك وسيحاول الاتصال وويعادوو الاصلاح صدقنى ان كان يحبك سيشتاق اليك ولو لكلمة بسيطة سمعها من قبل او رساله او حتى صورتك ام ان لم يتصل بيكى فلا تحاولى الرجوع او مجرد التفكير اتمنى لكى كل السعادة وان شاء الله ربنا يقدم الخير |
مشكورة حبيبتي وبتمنى يكون رأيك صحيح ولاقي نتيجة وما أندم لأني كتييير عقلانية وأول مرة بحب من قلبي بس مافيني أتنازل عن كرامتي بهالشكل وبصورة دائمة كرامتي بالدنيا كلها نحنا السوريين هيك !
المهم رح أعمل بنصيحتك وطنشه لشوف آخرتها معه !
المهم في نظري اعطية فرصة يعني اصبري عليه شويا بس من دون لاتتصلي لا شئ يعني لاتفسخي الخطبة وانتظري شو راح يصير بس لاتتصلي وولا شئ يمكن يتغير ويندم ويعرف قيمتك
وادا ضل مثل قبل يعني لااتصل لااعتدرلك وولا عبر يبقى ربي يعوضك باللي خير منو ويعرف قيمتك ويقدرك
ولاتنسي تطمنينا وايش حيصير معك
|
المشاركة الأصلية كتبت بواسطة جوهرة حبيبي
ربي يكون في عونك غاليتي اكيد موقفك صعب وربي يهديه خطيبك
المهم في نظري اعطية فرصة يعني اصبري عليه شويا بس من دون لاتتصلي لا شئ يعني لاتفسخي الخطبة وانتظري شو راح يصير بس لاتتصلي وولا شئ يمكن يتغير ويندم ويعرف قيمتك وادا ضل مثل قبل يعني لااتصل لااعتدرلك وولا عبر يبقى ربي يعوضك باللي خير منو ويعرف قيمتك ويقدرك ولاتنسي تطمنينا وايش حيصير معك |
الله يجزيكِ الخير عزيزتي , والله كتيير فرحت بكلامك , حلو الإنسان يتلاقي مين يسمع همومه ويرد عليها لوجه الله …
الله يسعدك وينور دربك … وانشالله الله بيسر الخير لكل البنات .. اللهم آمييين.
أو في حد تاني في حياته
إنتي قبل ما تخطي أي خطوة لازم تفكري بكل منطق وعقلانيه
هذه عيشه عمر مو يوم وإتنين
أنا لاني ما بريدلك الاذيه عم بحكي لك هذا الكلام
الوضع السياسي حبيبتي ما بتخلينا نكره الي إلنا
كان كل بنات فلسطين إطلقوا
حبيبتي فكري وأنصحك تصلي الاستخارة
لانه وضعه مش مزبوط قبل الزواج
كيف بعده
ديري بالك على حالك
تحياتي
خبريني شو بيصير معك
وإذا حبيتي بيناسبك إبعثي لي إيميلك وبنحكي وإن شاء الله الامور بتمشي
حبيبتي انا حسيت فيكي وبمعاناتك وربي شاهد وبتمنالك كل خير بس نصيحتي لك ما تستعجلي بقرارك ومتل ما قلتي بمشكله سابقة قراتها بموضوعك السعادة .. انه خطيبك مدلل واي شيء ممكن يكون عنده بدون تعب وهذا الشي الي جعل منه شخصيه انانية لانه كل شي واصل ليه والدلال الزائد من الاهل يولد شخصيه مهمله بالاخرين لانه اكيد اعتاد عحياة الاعتماد عالاخرين
وحسب مشكلتك استنتجت انه خطيبك انه اعتمد عاهتمامك واهمل انه يعطيكي حقك كحبيبة
بايدك تغيريه ومع الصبر انك تكوني قوية وما تخافي واذا بحبك فعلا مهما صار بالدنيا ما راح يتركك واكيد ما اقصد انك تكوني قوية ومع جفاء لا اقصد تزرعي فيه انك انسانه ولك حق عليه
واصبري بس وراح تلاقي نتيجة انا عانيت متلك والله والله لما قويت وصرت اهمله وانتظر منه االاهتمام ما شاء الله هلا هو غير ما يسترجي يبعد عني ولاا يوم مع انه قبل هيك كان بالايام يبعد ويقهرني تقريبا متل خطيبك
انا بتمنالك التوفيق والسعادة والفرج من عند الله عن كل همومك
وبتمنى ما تتضايقي من اي شي كنت غير قاصده فيه مضايقتك
تحيتي لك معطرة بالحب والتقدير
