يابنات وش احسن محلات بالشرقيه تبيع الفساتين الجاهزه للعرايس وش احسن خياطين وياليت اللي تعرف احلى كوفيره مكياج وشعر او مشغل للعرايس او وحده تطلع للصاله ياليت اللي عنده معلومات يفيدني وش احلى محل للزفات بليز ساعدوني جزاكم الله خير
وتروحي سوق سويكت يلي بالخبر
في كتير مصممين وبنسبة للصالون
الشعر روحي يلي بالكرنيش الخبر او
الدمام وبس لك بحث على الاسماء
الصوالين وبرد عليكي بتيسير انشالله
ساعدونا جزاكم الله خير
أهلين أختي سلطانه نجد….. بداية ألف مبروك والله يتمملك على خير وتصيرين أحلى عروس
إن شاء الله اقدر افيدك بما أني من سكان الشرقية ولي خبره كبيره شوي بالاعراس والتجهيزات فتونا خالصين من زواج أخوي والعام كان زواج أختي فانا الآن أعتبر خبيره وانفع منسقه افراح<<< أبو الثقة
يالله نبدا
أولا أفضل محلات فساتين الزفاف " بعد ما درنا السويكت وكل الخبر ومارينا والدمام " ….هو شارع الحب اللي مقابل اماره الدمام هذا افضل سوق لأغلب تجهيزات العروس باستثناء البدل والبلايز.
طبعا أفضل محل لفستان العرس هو العمودي <<< والله بتحتارين بالاختيار لان كل فستان احلى من الثاني واسعاره معقوله بس ما يأجر
وفي خلف محل العمودي مباشرة محل أصايل وبرضو فساتينه فوق الروعه ويأجر كمان وعموما في كذا محل بجنب هذين المحلين فساتينهم حلوه مما اشوفها من برى بس العمودي شرينا منه فستان فرح اختي وكل انهبل عليه وأصايل شرت منه اختي ثوب الملكه وكان مميز ومرت أخوي أجرت منه فستان فرحه … يعني أن شاء الله إذا رحتيلهم يعجبونك
في نفس شارع الحب خياط فيروز وهو اللي دايم نخيط عنده فساتينا في زواج اخوي واختي هو فلبيني غالي شوي بس اخياطه مرررره مرتب بس انت جيبي مقاسك صح وهو بعد يسويلك بروفا على البطانه قبل لا يخيط
ثالثا: بنسبه للكوفيره اذا انت تحبين المكياج الناعم بس يطلع شكلك حلو فانا انصحك بهيام اللبنانية مكياجها روعه وتجي للصاله لانه ماعندها محل خاص لها واسعارها تزين العروس بألف واللي معاها كل وحده ب400 ريال
والكوفيره منى تجي دايم مع هيام بس لازم تكلمينهم اثنينهم وتحجزين من بدري
وإذا انت تقدرين يوم زواجك تروحين مشغل فانا انصحك باللمسه الاحيره على كورنيش الدمام ..صحيح في البداية تحسينه مبالغ فيه بس والله مع الاضاءه وبالتصوير طلعنا روعه وثابت مرررررررره وتسريحاتهم تجنن
ولازم تكلمينهم وتحجزين
وإذا انت تحبين المكياج الاوفر يعني الظل اللوان فمشغل اشراقة العنود حلو بحي العنود بس تسريحاتهم مو هكا الزود وطبعا لازم حجز