فى البداية ازيكم يا قمرات هقولكوا على تجربتى فى تطويل شعرى لما طبعا اتهبلت فى عقلى وقصيت شعرى خااالص بقيت بجرى عشان يطول عملت من نفسى خلطه زيت هقولكوا عليها ووالله دى طولت شعرى باذن ربنا طبعا اكتر من زيت جدايل
المكونات
زيت زيتون
زيت خروع
زيت اللوز المر زيت الجرجير
جل الصبار
الزيوت دى بنفس النسب
وكمان اربع معالق زيت توم
واربع معالق زيت بصل
ومعلقة زيت ورد
طبعا انا مش هقولكو الريحه هتبقى عامله ازاى الريحه صعبه جدا بس انا كنت بتحمل
كل ده فى ازازة ولازم تترج طبعا قبل الاستعمال عشان الصبار والزيوت بترسى تحت
معلش انا طولت عليكم بس الوصفه دى بجد طولت شعرى
بعدها جبت زيت جدايل من السعوديه قلت ممكن يطول شعرى فى يومين ولا حاجه لقيته بقالى تلت اسابيع بستعمله اهوه ولا اى حاجه حسه بيها
المهم يا بنات انا بحط الزيت ده على فروة الشعر والشعر نفسه بالليل مثلا وبعملها مساج والصبح بعملها مساج تانى من غير زيت وكنت بحطه كل يوم او يوم ويوم حسب رغبتك
انا قلت اقول تجربتى عشان اللى عاوز يجرب ويستفيد والله اعلم
يعطيك العاااااااااافية
تحيااااااتي