*لعنبو قصة غرام
كل ابوها كلمتين..
ابتدينا عند"احبك
وانتهينا عند"باي"..
تونا مابعد مشينا في الهوى لو خطوتين..
و انتهى الموضوع فجأه…
حتى مدري وش خطاي؟؟
انتهى الموضوع كذا وبكل سهوله تحكمين..
وين احبك؟؟
وين اريدك؟؟
وين ساكن في حشاي؟؟
يمكن انك ماوفيتي يوم جيتي تعشقين..
ويمكن انك تحسبيني بتبعك من دون راي..
ويمكن اصلا ماعشقتي بس كنتي((تلعبين))..
ويمكن انك ماوصلتي في هواك لمستواي..
ويمكن اني ماعرفتك في الحقيقه وش تبين..
ويمكن اني خنت نفسي يوم عطيتك وفاي..
علميني في الهوى ياجاهله وش تعرفين؟
تعرفين انك غديتي شي يجري في دمي..
علميني في العطا والتضحيه وش تفهمين؟
لعنبو حبك عشانك نسيت أقرب اقرباي..
كنت احطك في عيوني تسرحين وتمرحين..
كنت اشيل هموم قلبك وارمي همومي وراي.. كنت اطير من السعاده يوم اشوفك تضحكين..
كنت ذايب في هواك مثل السكر وسط ماي..
كنت نايم في العسل وارسم من الفرحه سنين
ماوعيت الا وسيفك في الحشا رايح وجاي..
كل شي فيني جريح
الا فخامة كبرياي..
<<ماتأثرت بغيابك>>
وش يعني دمعتي؟
بكره انسى صدقيني..
وارجع بكامل قواي.
ادري ان احنا افترقنا بس ابي افهم حاجتين!
علميني وش كسبتي
وعلميني وش خطاي
رايكـــــــــم؟؟؟؟؟
طرح راائع ياقلبي
دمتي بود
هذا من ذوقك والله
على مرورك (عزوف)
نورتي موضوعي بردك يا حبي
الله يعــــطيـــــج .. ألف ألف .. عـــــــــااافيــــــة ,,,