سؤالي
لماذا الكنة دايما مكروهة عند العجوزة مهما ادير؟؟؟؟؟؟؟ و اعلااااااه؟؟؟؟؟
نصيحتي لك :1- اذا كنت ساكنة معها بنفس البيت هاذي صعبة شوي لازم تتعاملي معها كبيبي صغير والله صدقيني لانهم كي يكبرو عقلهم يصير كالبيبي فلازم تعامليهم على قد عقولهم يعني لا تعلي صوتك عليها وقدريها و اذا كانت تقولك كلام يسمم ويوجع القلب ديري روحك وذن سمعت ووذن ما سمعتش وبيضي قلبك ديما ومرة على مرة اتفكريها بهدية*تهادوا تحابوا وتفكري انها ام زوجك ورضاها من رضاه واياكي اياكي تشكي لزوجك من امو صدقيني مهما طال بيك الانتظار يجي يوم وينفجر في وجهك تبقى الام ام ومهما كنت على حق بشوفك دايما على باطل ويقولي *هاذي راهي يمى*
وراح تكوني انت الخاسرة2-اذا كنت ساكنو وحدك المشكلة ساهلة واذا كانت بينكم حساسيات ومشاحنات زوريها من مرة لمرة ولا تكثري الزيارات واذا جات لعندك اكرميها واصبري ديري ديما فبالك وقت ويروح ما هيش راح تعيش قد ما عاشت وكلش يبقى هدرة*تقبلي مروري
la gentillesse pour eux c’est une faiblesse
كاين toujoursهذيك لمعاني و الحكايات على جال ماجبتش اولاد والله حرام لو كان جات بنتها هي اللي ما عندهاش لولاد راح تعاملها كيما تعاملني ؟ اواه ما ظنيتش
و كل مرة نفووتها على جال ربي و زوجي……………
|
المشاركة الأصلية كتبت بواسطة نانا سعدي
 و الله ابكيت علابالي باللي الواحد يدير الخير و الاحسان على وجه الله بصح يخلوك تندمي انك كنتي مليحة معاهم الواحد قيس ما يعاملهم مليح قيس ما يعفسوه و يحطوه والو؟
la gentillesse pour eux c’est une faiblesse كاين toujoursهذيك لمعاني و الحكايات على جال ماجبتش اولاد والله حرام لو كان جات بنتها هي اللي ما عندهاش لولاد راح تعاملها كيما تعاملني ؟ اواه ما ظنيتش و كل مرة نفووتها على جال ربي و زوجي…………… |
حاسة بيك لاننا كامل نعانيو من نفس المشكل انا والله نعاملهم احسن معامله والله شاهد بصح نلقى العكس بصح درك ماعاش نكسر راسي بيهم حاكمة داري وفمي
نسمع كلام عجبني نتبسم نسمع كلام ما عجبنيش نحقرهم خاطر تعايبيهم تطلعي واعرة وبنت مش متربية احسن حل الحقرة 
والله الحمد لله لقيت نتيجة نروح مرة فالشهر او شهر ونص حتى يشتاقو وجهي مع العلم بيناتنا 500 متر وبالنسبة للاولاد اخر مرة وصلتلي لنيفي قلت لعجوزتي بظرافة طبعا
هاي كرشي قدامك اللي يقدر يحطلي بيبي يحطو احسن حل هو طنش تعش تنتعش
لكن مثلما قابلتها تقابلك الحسنة بالحسنة وادا قابلتك بالسيئة قابيليها بالحسنة لان رضاها عليه يساوي رضاه عليك وبالتالي رضا الله عليكم
|
المشاركة الأصلية كتبت بواسطة شيماء89
حاسة بيك لاننا كامل نعانيو من نفس المشكل انا والله نعاملهم احسن معامله والله شاهد بصح نلقى العكس بصح درك ماعاش نكسر راسي بيهم حاكمة داري وفمي
نسمع كلام عجبني نتبسم نسمع كلام ما عجبنيش نحقرهم خاطر تعايبيهم تطلعي واعرة وبنت مش متربية احسن حل الحقرة والله الحمد لله لقيت نتيجة نروح مرة فالشهر او شهر ونص حتى يشتاقو وجهي مع العلم بيناتنا 500 متر وبالنسبة للاولاد اخر مرة وصلتلي لنيفي قلت لعجوزتي بظرافة طبعا هاي كرشي قدامك اللي يقدر يحطلي بيبي يحطو احسن حل هو طنش تعش تنتعش |
انا يا شيماء ساكنة وحدي بصح راجلي يحب يديني معاه malgré que
هو يفوت عندها كل يوم هيا يماه il est libre يحب يروحلها كل يوم ولا كل ساعة مانسالوووووش بصح ما يحتمش عليا نروح كل جمعة والله من خوفي من ربي ومن حبي لزوجي نروح ونندم بعدها كيما chaque fois لمعاني , تفرح بنساء اولادها اللي عندهم اولاد, ما عندها هدرة معايا ………
ما لقيتش الحل نروح عدت ما نحملش مانروحش يبدا زوجي يتشنف و كيما جبتش الاولاد نخاف انه يتغير عليا
المهم ربي يهديني و يعطيني القوة من عنده و يرزقني الذرية الصالحة انا و جميع المؤمنات
تعرفو يابنات القضيه سهله سوغتوا لعجايز تلقاي كايين اللي يعمر فيهاا ،وأنتي كوني ريلاكس متنفعليش ولا تتحسي جاوبيها بأسلوب فكاهي معلاباليش أسكوا فهمتو عليه ولا لالا.
ربي يوفقكم حبييبااتي