السلام عليكم
مرحبا
مشكلتي اني اتزوجت واحد
خدعوني فيه اهله
وعشت في عذاب معه واهانات لاتعد ولا توصف
وحاولت اتأقلم معه قدر المستطاع لكن مافيه فايده
طيب خلاص طلبت اني اتطلق لااني مو قادره استمر معه
مايبون يطلقوني ولا يعطوني حقوقي
وبالغصب تطلقت لااني ماحسيت نفسي متزوجه ابدا
وماتطلقت الا علشان اتزوج واحد احسن منه واعيش
حياة تانيه افضل
اتوقعت ان الطلاق سهل
ارتحت من زوج وعايله ظالمه
والحين الناس قاعده تظلمني وتحتقرني
وانا مظلومه اساسا
ومايتقدم لي الا اللي بيني وبينهم فروق كبيره بالعمر
او اللي عندهم عيال ويبوني اكون مربيه لعيالهم وبس
واسمع منهم الكلام الجارح زي
خل تحمد ربها اللي تقدم لها واحد
من يبيها وهي مطلقه
طيب وش ذنبي وش ذنبييييي ؟
وفيه وحده تقول لي
كيف تبين ياخذك زؤج ماسبق له الزواج وعنده مواصفات
ومؤهلات ممتازه
راح ياخذ بنت زيه لاان اذا اخذك بيحس نفسه مظلوم
طيب واناا ؟؟
وماعندي عيال ولا شي
وحتى المطلقين يقولون احترنا اختيار غلط
مانبي مطلقات وش ذنبنا نبتلش فيهم ؟
علموني ياجماعة عن هالمجتمع المتخلف
وشلون اواجه اللي يحبطوني
ويعذبوني بكلامهم الجارح
اهم شي انج ارتحتي من الزوج والعيلة الظالمة مثل ما تقولي
فكري بشي يشغلج عن الزواج
مثلا دوري على وظيفة او فكري في مشروع تسوينه
واذا الله كاتب لج الزواج بتتزوجين سواء واحد متزوج ولا لا
والكلام اللي ينقال بكل بساطة طنشيه لانه محد بياخذ غير نصيبه اللي الله كاتبه له
ويا ما شفنا مطلقات عايشات حياتهن ولا كأنهن تزوجن وطلقن وشافن مستقبلهن
اللي كملت دراسة واللي اشتغلت و حالات واااااايد شفناها
موفقة
استغفر الله العظيم الذي لا إله إلا هو الحي القيوم و أتوب إليه 
وماترحم احد واذا عطتيهم اذنك بتتعبين الله خلق لنا عقل واحاسيس
عقل عشان نحكم فيه ونختار الصح ونتحكم باحاسيسنا
واحاسيس عشان نعيش بسلام وامان مع انفسنا اذا حبيناها وطورناها
كلام ناس السلبي والمحبطات ونظراتهم انتي استقبلتيها وسمحتي لعقلك يتشربها وكثرتي تفكير بالمشكله ومازادك الاتعب
ع فكره الي خلقك هو الله والي خلق رجل هو الله
موناس الناس لو على كيفهم منو عليك وذلوك حتى بالهواء
لكن من رحمه الله كل شي بيده
اختي انتي تشوفين ناس مشوهين معاقين لكنهم رضو بقضاء الله وقدره
واحبو انفسهم وتقبلوها وطوروها ماعد تاثر فيهم نظرات ناس ولالمزهم
انتي محتاجه قووه ايمان وسكينه وثقه بالله لازم تطورين نفسك وتقرين وتلعبين رياضه وتتاملين وتصلين وتستغفرين ةتقرين قران
الناس بيوم الحساب محد بينفعك حياتك كلما حبيتها بتحبك وتعطيك الجميل
وان كرهتيها كرهتك
خلي شعارك اعيش لربي ثم والديي ثم نفسي
انتي راح يتقدم لك واحد راتبه على قده موظف في شركه او ما شابه لان مهرك 20 الف ويقدر يدفعه بسهوله أو شخص عاطل عن العمل أو شخص كبير بالسن او متزوج او مطلق وعنده اطفال أو شخص عنده مشاكل صحيه مثل ضعف السمع او اعاقه حركيه او ما شابه يكاد من المستحيل أن تجدي شاب اعزب صاحب منصب يتزوج من مطلقه مالم يكن اجنبي لو مصره على ان يكون اعزب وشاب فكري في الاجنبي ولا تفكري بالسعودي
ولكن ممكن تتنازلي وتقبلي شخص معدد وللأسف حتى المعدد أحيانا لا يريد الزواج من مطلقة
وهذا مجتمعنا للأسف المطلقة لا تساوي شيئا
فالأفضل إن البنت من البداية تختار شريك حياتها بعناية
فما صار لقب مطلقة يشكل مشكلة بلعكس كثيرات من اقاربي مطلقات واغلبهم صغيرات في السن
ووحدة منهم تزوجت في المتوسط والحين عندها ولد وعمرها 18 مطلقة !!
صدقيني حبيبتي ماتخذتي قرار الطلاق الا وانتي عانيتي وتعبتي ولو ان ربي كاتب لك الاستمرار مع هذا الانسان ماكان قدرت قوة في الارض تمنعه عنك انتي قرارك صحيح والي تمرين فيه شي طبيعي لان الكل كان واقف ضدك يمكن وكلهم حسسوك بانك الخسرانة هذا مجتمعنا المتخلف حتى لو كان معاك الحق من وجهة نظرهم المفروض تسكتين وتتحملين وتضحين مع رجل ممكن يكون مايستاهلك او انك غير سعيدة معاه وتحسين بداخلك انك تستاهلين الافضل …الخ انتي الوحيدة الي تقدرين تحسين بقرارك وصوابه كلام الناس وتعليقاتهم لا تأثر في قرارك بكره اذا انسرقت منك سنين العمر محد نافعك
بالنسبة للزواج اكييييييييييييييد من حقك تتزوجين وتحلمين وتفرحين ومو شرط يكون مطلق او امتزوج او ككبير لا حبيبي انتي ونصيبك يمكن ربي يكتبلك رجل من خيرة الرجال وافضل من زوجك بملايين المرات ماتدرين النصيب بيد الله سبحانه وظنك بربك هو الي بيصير ترى اللي يحيي العظام وهي رمميم مايعجزة يرزقك بالزوج الي يفرح قلبك وتكوني سعيدة معاه ويعوضك عن كل شي والله مايعجزه وربي !!
شخصيا اعرف كثيرااات مطلقات اتزوجو شباب ماسبق لهم الزواج ووحده منهم اخذت واحد بطران وغني ونصيبها من الجمال قليل لكن سبحان الله النصيب انا مااكذب عليك عشان اعطيك امل لااااا والله العظيم اني صادقه في كل حرف اقوله ووحده ثانيه مطلقه مرتين وعندها اطفال وربي رزقها بزوج غني وكل سنة في ديرة يمشيهاا لا تيئسين من رحمة الله
كل ما انتي فاتحه قلبك واذنك لكلام الناس عمرك مابتوصلين لشي الي راح منك مو نصيبك وهو الخسراااان اكيددد مهما كان الرجل هو الخسران دائما لا يغرك المجتمع الي يفرط بانثى ولا ييعرف يداريها ويكسب حبها وقلبها فاشل فاشل امام نفسه وبيجي اليوم الي يندمون كلهم ع الي سووه فيك
مرة اخوك الي مستعزة بنفسها وهي مضيقة عليك لا تنزلين لمستواها خليك انتي غير واحسن منها طنشيها ووبينيلها انك بديتي حياه جديدة ولا هااااامك شي خليها تموت بغيضها وربي انها غيرانه ولا وش الي يخليها تسببلك مشاااكل وتجري وراك لين خربت بيتك هي وغيرها
وصدقيني الا خراااب البيوت رب السماوات مايرضاه شي محرم ومقدس وفضل الي يجمع بين الناس بالحلال عظيم فما بالك الي يفرق بيجي اليوم الي تندم فيه بعد سنه سنتين مصير ربي يذوقها الضيم الي ذوقتك والله ماتروح من بين ايادي رب السماوات
انتي انسيها واتناسيها ولا تشغلين نفسك فيها خلي عندك اهتمامات ثانية عشان لاتمرضين فيها وهي لها رب يتولاها صدقيني مابيتعب الا انتي طنششششششششششششششششششششششششششششششيهم
لا تفضضفضين لاحد حتى اقرب الناس لك بيطفشون منك ولا عاد يبغون يتكلمون معك خلاص لك رب السماوات
سورة البقرة سحححححححححر حلال والله انها سوتلي المعجزات في حياتي عليكي بها واقري قصص ناس التزمو فيها وكيف فرجت عنهم الاستغفار كمان روعهههههه ودعوة ذي النون ودعاء الهم والله العظيم اني اتفاجات من اشياء كثير في حياتي بسبب هذي الامور التزمت فيها عليكي بها
الله يفرج همك ويشرح صدرك ويفرح قلبك بالزوج الشاب القريب من سنك الي يخليك تذكرين هذي الايام وتموتين ضحكككك ياااااااااارب
لا اله الا الله العظيم الحليم لا اله الا الله رب العرش العظيم لا اله الا الله رب السماوات ورب الارض ورب العرش الكريم .. رددية كثير