بنآت انا قبل سنتين صابني وسواس بشكلي 
يعني لمآ آشوف وجهي بالمرآيه اقول استغفر الله وش هالوجه .. وكل مايكلمني احد اصد عنه وماحط عيني بعينه 
لأني مو واثقه من نفسي احس شكلي قبيحه 
خشمي افطس وكبير وشعري صح ناعم بس خفيف ويتساقط وجسمي آخ بسس معذبني وزني 81 وكله ترهلآآآت وماقدر اسوي رجيم وجهي مليان شعر وعندي شنب المشكله لاحطيت له مشقر يصير شكلي يضحك وكلهم يلاحظو ههههههههه 
واذا خليته يصير شكلي شين عندي سواد خفيف تحت عيوني واعاني من ضعف نظر واكره النظاراااااات حييييييل ,, احس نفسيتي تعبانه ماحب اطلع ولا اشوف الناس لاني مو واثقه من شكلي 
والله تعبت كل شوي اشيل المرآيه واطالع بنفسي حلوه ولا مو حلوه احس اني ماراح اتزوووووووووج اسألكم بالله تنزلو الموضوع وشوفو لي حل هل هذا مرض وسواس الشكل ويحتاج دكتور وقولو لي شسوي عشان اعزز ثقتي بنفسي واغير من شكلي
وش المانع ؟ لا تسوينه عشان اللي حوليك
سويه عشان نفسك وصحتك !
وبخصوص الشنبآت , برائي انك ماتخلينه كذا
شيليه شعر وجهك بـ الحلاوه أختي , او الخيط !
مو حلو ان البنت تروح مناسبات او حد يشوفها بهالمنظر
انتي عن نفسك اكيد مو رآضيه , حتى لو امك ماكان راضيه
لآزم تقنعيها من باب نظآفه حبيبتي
وبتشوفين كيف وجهك بينّور
الله يسعدك يارب ويرزقك بزوج الصالح عاجلاً غير اجل
موفقه
قال تعالى.:{لَقَدْ خَلَقْنَا الْإِنسَانَ فِي أَحْسَنِ تَقْوِيمٍ } .. ثقي دائماً ان الله قد خلق الانسان في احسن تقويم !! .. ولكن المشكـله قد بداءت منذ ان اهملتي نفسك .. فأنتي انثى ويجب عليكي ان تحافظي على نفسك منذ ان اصبحتي كاملـه الانوثـه .. فالخطاء خطاءك ويجب ان تحليه بنفســك ولنفــسك .. فمثــلاً .: اذهبي الى نادٍ رياضي .، اتبعي ((ريجيــم)) خاص من اخصاءيه تغذيه .. اهتمي ببشرتك ضعي عليها وصفات طبيعيه مثل ((القشطه)) و((الخيار)) لتخفيف الهالات السوداء .. عززي ثقتك بنفسك من خلال العبارات التفاؤليه مثل((انا جميله .. انا سوف انجح)) .. اعتني بنفسك وستفاجئين بالنتائج !! .
تحيااااااتي.: ~ ضوء القمـر ~
علي الفكره تري الريال يحب البنت الذكيه والواثقه من عمرها اكثر شيء مب الحلوه !!!
ثقي في نفسج وحبيها وصدقيني بعدها بتحبين نفسج اكثر واكثر واكثثثثثثثر
الله يوفقج ان شاءالله اقري عن الثقه في النفس !
ان اللي يتزوجوا هما القبيحات واللي يعنسوا الجميلات
انتي ممكن شايفه نفسك بشعه لأنك أعطيتي نفسك هالفكرة واترسخت في رأسك خلاص
على فكرة مافي بنت بشعه
كل أنثى جميلة اذا ماكانت في الشكل تجملها أخلاقها
ولعلمك فيه كثير رجال متزوجين و مطلقين مايمدحوا الجمال يقولك الجمال يزول وتبقى الأخلاق
بالنسبة للشنب شيليه واهتمي في شعرك حطي زيت وصبغات
وكل فترة غيري من اللوك شويه
وجسمك سوي رياضه شد نص ساعه كل يوم
وحاولي تقللي من الجلسه في البيت تحركي واشتغلي
لأن الجلسه هي اللي تخلي الوحدة توسوس
وموفقه يارب
بس بيوم خلاص تحطمت قلت لازم وزني انزله وجد بديت اسوي رياضه كلها موجوده باليوتوب وصرت انتبهه للاكل الي اكله ولا اكل خرابيط المهم لما نزل وزني وربي احساسي حيل تغير اتجاهه نفسي صرت حيل واثقه صار يهمني كل شي فيني ولو بسيط صرت اهتم بانوثتي اكثر واكثر انتي بيدك حبيبتي تغيرين روحك للافضل ..