ورق العنب على طريقتيـ لذيذ 2024.

ورق عنب من قودي
لحم مفروم
شبت+ كزبره
بصل مفروم ناعم او مقطع صغير
معجون طماطم +مكعبات ماجي بالخضار
بهارات +ليمون +زيت زيتون
ارز مصري صنوايت احسن شي

الطريقهـ

اول شي نكون مطلعين اللحم المفروم برى من بدري

وناقعين الرز المصري بعد غسله طبعا

قبل البدء بالحشو نحط ورق العنب بزبديه عميقه اشوي

نحط عليه مويه دافيه شوي وانتبهي تخلينه لوقت طويل

حتى مايذبل الورق ويتقطع بهذا الوقت نحط قدر

على النار ونحط الزيت او سمن ونحط البصل نقلبه شوي

الىين يحمر اشوي وبعدين الماجي واللحم المفروم نقلبه اشوي

ونحط الرز ونقلبه ونضيف معاه معجون الطماطم والبهارات طبعا انتي

تحددين كمية المعجون حسب كمية الرز واللحم انا احط نصف علبة

المعجون وبرضو نقلبه اشوي ونضيف الكزبره والشبت ونرفعه عن النار

الآن نبدا بالحشو
قبل الحشو نكون مجهزين قدر عميق ونحط بالقدر لحم شرايح

او اضلاع بس صراحه الاضلاع تخلي طعمه خيييال بس اللي متوفر عندك

حطيه مو اشكال انا مرات احط شرايح بطاطس برضو روعه

ترصينهم بالقدر بترتيب وتبداين الحشو تفتحي ورقة العنب على الجانب

الخشن يكون هو الجزء اللي تحطي فيه الحشو تحطين شوي من الحشو

بالنص وتبداي باللف من المقدمه تلفيها على الحشوه وبعدين من الجوانب

وتكملين لف بعد ها تضغطي اشوي على ورق العنب بس ضغطه وحده

عشان تتماسكـ وترصينها بالقدر بالضغط عليه حتى ماتتفكك بالطبخ

وبعد مانخلص نعصر ليمونتين او حسب الكميه ونصبها

على المحشي وربع كوب زيت زيتون وكوب ونص ما او حسب

الكميه اللي عندكـ ورشه ملح ونحط غطا اصغر من القدر عشان يضغط

على المحشي ونقصر عليه النار ونخليه تقريبا نص ساعه على نار هاديه

ملاحظهـ

اذا بتحطين لحمه حطي مويه بس تغطي اللحم اول شي وخليه يطبخ

10دقايق وبعدين ازيد الكميه

ادري طولت عليكم بس تحملو لان النتيجه اكثر من رائعه

طريقه ررئعه ولذيذه 0000000000

الله يعطيك العافيه يامبدعه

ننتظار جديدك بشوق

دمتي بخير