السلام عليكم ورحمة الله وبركاته انا متزوجه من تقريلآ اربع سنوات ومن اول ماتزوجت وانا مشاكل مع زوجي مايوديني لاهلي الا بعد مايطلع روحي يقول لاتقولين ودني انا على كيفي متى مابغيت وديتك لو بعد شهر وامي وابوي يشتاقولي ويدقون علي يقولون متى تجين يقول ليش يدقون عليك يقولون تعالي وانتي تتغيرين اذا جيتي من اهلك ومره بكيت طبعآ دايمآ ابكي بس هالمره تأثر شوي وقال خلاص بوديك كل اسبوعين تجلسين يومين مع ان اسبوعين كثير بس وافقت اهم شي ان يكون فيه وقت محدد يوديني فيه وانه مايغلط على امي وابوي لانه يغلط عليهم كثير قلتله ماراح اصدقك الا تحلف على القرآن لانه يحلف كثير وماينفذ ووافق وحلف على القرآن وصار يوديني كل اسوعين بس لاصار عند اهلي مناسبه ماوديني والحين صار مايوديني لي يومين متآخرخ عن موعد روحتي ورافض يوديني وامي وابوي يتصلون يقولون متى تجين مشتاقين لك وانا قلبي يتقطع ولو يدري انهم متصلين فيني سوالي سالفه بس ماقلتله ومايبيني اتصل فيهم واقول ابجي باليوم الفلاني لو قلتله اني اتصلت قال ليش تتصلين بعدين مايوديني يأخرني وطبعآفيه اشياء كثيره انا متحملتها بس انا اهم شي عندي امي وابوي والحين اختي بتزوج وماباقي عندهم احد اقوله خلاص امي وابوي ماعندهم احد بروح اسبوعيآعشان اخدمهم يقول وش معنى انتي عندهم ست عيال وثلاث بنات غيرك وانا ودي ابر فيهم والله اني ندمانه اني تزوجت وودي اتطلق بس اللي يخليني اتردد عندي بنتين ولو تطلقت من بيوديهن للمستشفى لو تعبن اويجيبلهن اغراضهن لو احتاجن وبعد ماودي احرمهن من ابوهن ولا لو علي ماهمني اتطلق ولا علي منه اللي بيحرمني من امي وابوي تخيلو من صباحية الزواج يوصيني على امه وانا قلتله امك بعيوني ومن اول اسبوع زواج يسب ابوي ودايمآ يسبهم ويقولي اطبخي لامي وانزلي لها والله اني كل شي اسويه لها حتى اني اذاكر لها واحل لها واجباتها تدرس بمحو الاميه ومو مبين بعينه حتى هي متغيره علي اذا جيتها مكشره مع اني مأنزل الا معي القهوه وعندها شغاله والله اني تعبت نفسيآ شورو علي تكفون وفيه اشياء كثيره ماذكرتها بس مثل ماقلتلكم انا ماابي الا اني اكون قريبه من امي وابوي وابر فيهم اعذروني يمكن فيه شوي لخبطه بس انا اكتب بسرعه
اختي اصبري شوي امكن يتغير
انا عندي اختي نفس حالتك وزوجها
يقول ماتروحين لامك وابوك الابعد شهر او اربعين يوم
وهي صابره عشان عيالها
اتكلمي معاه وناقشيه وليش يسب ابوك وقفيه
عند حده كلو الا الوالدين
ربنا يصبرك ويفرج همك
اطلبي من رب العباد ان يهدي زوجك ويحنن قلبه عليكي
ولاتنسي قوله صلى الله عليه وسلم : ( أَيُّمَا امْرَأَةٍ سَأَلَتْ زَوْجَهَا الطَّلَاقَ مِنْ غَيْرِ مَا بَأْسٍ فَحَرَامٌ عَلَيْهَا رَائِحَةُ الْجَنَّةِ )
اصبري على زوجك وادعي له في قيام الليل واثناء سجودك وباذن الله ربنا يبدل احواله
ويهديه لكي