هاي بنات
كيف حالكم
اليوم صورت لكم طبختي
على الغداء
سويت رز أبيض مع خضار مقليه
نبدأ بإعداد أول شيء الدجاج والخضار
المقادير
طبعا الكميه حسب أفراد الاسره
ارز مغسول ومنقوع ومسلوق
دجاجه مقطعه الى ارباع
زيت تقريبا نص فنجان
بصل مفروم ناعم
طماطم مفرم ناعم
بهارات مشكله
ليمون أسود
خضار مشكله
صلصه طماطم
الطريقة
نحمس البصل مع الزيت والبهارات والليمون
ونضيف الدجاج مع التقليب المستمر وبعده الطماطم ونستمر بالتقليب
ونسكب عليه تقريبا كاس ماء حار ونضع ملعقتين صلصله طماطم
ونتركه على النااار لمده نص ساعه ولانزيد الماء حتى لو نشف لان احنا نبي ينشف
في هذه الأثناء نجهز الخضار
أنا مستخدمه
بطاطس وجزر وكوسه وفلفل اخضر واذا حابه اي خضاار ثانيه
تقلينها بالزيت واذا انتهت ونضجت طلعيها واتركيها على جنب
ونرجع نشوف الدجاج بعد نصف ساعه
نطلع الدجاج من الصلصه وننزله فوق الرز الابيض المسلوق
ونضع الخضار المقليه فوق الصلصه ونقلبها ونتركها على نار هاديه الرز والخضار لمده ثلث ساعه
طبق السلطه
نحتاج الى
خيار مقشر ومقطع نصف دائره
جزر مقطع نصف دائره
جرجير مفروم
فلفل اخضر مفروم
نعناع للنكهه
بطاطس مقطع صغاار ومقلي
بصل اخضر مفروم ناعم
خبر مقطع صغير ومقلي للزينه
وملح وعصير ليمون وقليل من زيت الزيتون
وسويت عصير
نعناع وليمون
3 ليمونات تعصرينها
في الخلاااط
وتضيفين نعناع الكميه على حسب رغبتك
وسكر ايضا حسب الرغبه
مع نص كاس ماء وثلج
وتخلطينها وتنزلينها في الجيك وتضيفين لها 3 كاسات ماء
وبس هذا شكل سفرتي النهائي
وهذا طبق الخضار
وهذا الرز مع الدجاج
وبالعافيه
ما احلل احد ياخذ موضوعي بدون ما ينسبه لي
تعبت لعيونكم
يا حلوين
ما شاء الله تبارك اللله شكله روعه
بس حبيبتي اكتبي اسمك على الصورة اضمن لك
يعطيك الف عافيه لمرورك
وكتبت اسمي على الصور
ويسلموو لتشريفك
طباخه ماهره…
يسلمووووووو…
يسلمو هالايدين يا عسل
الله يعطيكي الف عافية
لا تحرمينا جديدك
يعطيك العافية ع الأكلات الطيبة
دمتي بكل الــــود
دمتي بكل الــــود