بدي منكم تجاوبوني ولو بدعوة هلأ انا صارلي سنتين وشهرين متزوجة
حقولكم قصتي من طأطأ لل سلام عليكم
طأطأ
^
^
قررنا نروح انا وزوجي للطبيب لنشوف شو القصة
لأنو كل شهر استنى اكون حامل واااااااء وتيجيني الدورة اخس عليها ما بدها تروح وتفرح قلبي لاني مليت من حكي الناس وصار نفسي أصير ماما هئ هئ هئ
رحنا للدكتور وطلب منا قبل كل شي انو زوجي يعمل تحليل سائل منوي المهم سوى زوجي التحليل وكانت النتيجة
,
,
,
صددددددددمة
تعور القلب ما في ولا حيوان منوي ( يعني صفر)
وهيك النتيجة
الكمية=2.5 ml
اللون= رمادي-ابيض
العدد=صفر
كرات الدم البيضاء=5-3
كرات الدم الحمراء=3-2
pH= ألكان
فطلب منو الدكتور يعمل فحوصات لل fsH و التستستيرون و الحيوانات المنوية كمان مرة و ال R.B.Glucose
يا كتر هالغلبة
المهم زوجي عملهم وطلعت الفحوصات كالتالي
fsH= 7.3 mIU/ml
التستستيرون= 3.50 ng/ml
الحيوانات المنوية= صفر
R.B.Glucose= 94 mg
والحمدلله على كل حال رجعنا للدكتور وورجيناه نتائج الفحوصات السابقة طلب منا نروح لدكتور تاني نعمل عندو عدة فحوصات واللي هي كانت
1- فحص لوجود الدوالي أم لا..؟؟
2- فحص لحجم الخصيتين..؟؟
3- فحص للأنابيب الناقلة لتحري وجود تسديد أم لا..؟؟
المهم عملناهم وطلعت النتيجة بعد 5 أيام وكانت نتيجة الفحوصات كالتالي:
1- لا يوجد دوالي للخصيتين ( ألف حمد وشكر يكفي تعوير للقلب )
2- حجم الخصيتين كان 2*1.2 سنتيميتر ( كانو صغار ولكن في الطور الطبيعي)
3- لا يوجد تسديد في الأنابيب الناقلة ( الحمدلله )
بعد هاذي النتائج قرر الدكتور انو يعمل لزوجي عملية فتح الخصيتين وأخذ عينة المهم بعد أسبوعين تم تحديد موعد العملية وتم أخد عينة من الخصيتين من عدة مواقع ( أعتقد من 3 مواضع من الخصيتين)
وطلعت نتيجة العملية بعد 8 أيام وكااااااااااااانت الكارثة
يوجد خلايا أم وانو انو الخلايا في الخصيتين 25% منها يعمل و75% منها تالف
ولا يوجد حيوانات منوية العدد صفر أيضا ( دخيلك يا الصفر وراي وراي وين ما اروح )
وانو الخلايا اللي موجودة ومش تلفانة اللي هما 25% ما بيوصلو الحيوان المنوي لمرحلة النضوج والمرحلة الموجودة عند جوزي الابتدائية
وبناءأ على هاذي النتيجة الدكتور أحبطنا نفسيآ ومعنويأ وكل كل شي تدمرت حياتي وانكسر خاطري وقلبي وغاصت عيني بدمعتها واااااااااء
بس الله كريم وما بيسأل لما يعطي ,, رجعلي الامل والحمد لله ويا رب أصير ماما عن قريب
وقام الدكتور باعطاء زوجي بعض الادوية واللي هي كانت:
nolvadex & zince & folicacid
وطلب منو اخذ هاذي الادوية لمدة 4 شهور وبعدها يسوي فحص للحيوانات المنوية
مر شهر ………..
مر شهرين……….
مر 3 شهور……..
مر 4 شهور……..
وجى موعد الفحص دعيت ربي يكون في تغيير صليت ناجيت ولكن
صدمة اخرى ما زال صفر ( منا قلتكم وراي وراي هالعدديحبني)
رجعنا للدكتور بهالنتيجة فقام واعطانا كمان كورس علاج وأدوية اللي هي كانت
nolvadex & zince & folicacid & andioxone & proviron & فيتامين هـ قوة 1000 mg
لمدة 3 شهور وان كان نفس نتيجة التحليل الصفر رح يرجع يعمل عملية اخذ عينة من الخصيتين لعلا وعسى يكون شي تغير من الأساس
هلأ هون التحليل طلع صفر قمت انا وجوزي سافرنا ع مصر للعلاج مع د. مدحت عامر المهم
وصلنا الدكتور وحكينالو كل اللي فوق قام طلب من جوزي يعمل فحوصات للجسم كاملة والحمدلله كان جسمو سليم ما في أمراض وبرضو طلب منو يعمل تحليل سائل منوي وكانت برضو النتيجة صفر (( يا لهوي منو لازق فيني هالصفر))…!!
المهم طلب انو نتجهز لعملية حقن مجهري وانو أنا أتابع مع الطبيبة وكان جسمي سليم وتابعنا التبويض بهالفترة جوزي أخد كورس علاج لمدة شهر مسافة ما يصبح التبويض جاهز كان عبارة عن 4 حقن اسمها {{chomieron}}
المهم جهز التبويض وأجى موعد عملية الحقن طبعآ جوزي دخل قبلي العمليات لأنو بدهم يعملولو عملية فتح خصيتين من جديد
والمصييييييييييييييييييييبة
انو نتيجة عمليتو كان لا يوجد حيوانات منوية … ي رب رحمتك يا رب الطف بحالي يا لطيف يا جبار
وانو الخلايا الموجودة صارت 95% تالف و 5% فقط يعمل ومرحلة النضوج أيضآ خلايا أم ثم المرحلة الابتدائية
انا هون دموعي ما جفت من عيوني ربنا يعوضني خير يا رب بتعبي ان مش بالدنيا بالآخرة
وهلأ كتبلنا الدكتور كورس علاج لمدة 6 شهور عبارة عن الحقنة {{chomieron}} مرتين بالأسبوع
وهي
^
^
السلام عليكم
حبوبات مين فيكم متل هالحالة بتعاني أو سمعت او أو او أي شي بس فيدوني الله يجازيكم كل خير يا رب ولو ما عندكم اي شي يفيدني دعوة منكم
رح تفرح قلبي
آسفة لأني طولت عليكم
بالتوفيق
ادعيه والحي عليه ,,
وان شاء الله مايخيبكم
……………………………..
انا سمعت عن فتامين اي وحمض الفوليك وفتامين بروكسيد
وكمان خليه ياكل مكسرات وعسل كتير وطلع النخيل وغذاء الملكات
وتمر واالماكولات البحريه
بجانب العلاج الطبي..
وان شاء الله ربي يرزقك بالذريه الصالحه
اكثري من الدعاء والاستغفار بنية الانجاب
الله يرزقك من اوسع ابوابه بالذرية الصالحة انه على كل شئ قدير