اهلين حبيباتي
من ماتحبش تكون انيقة ؟
الكل يحبوا يكونوا في احلا طلّة في المناسبات الكبيرة .. الصغيرة ..
المشاوير والطلعات الخفيفة
حتى #البيت
من هلبااا نواحي ..
الشعر
الميك اب
وفي اللبس
الاسلوب
الكلام التصرف ..و . .و
.. كلنا يجينا دافع قوي وحماس .. ان بنهتموا بانفسنا من ناحية المظهر .. لطلّة اكثر انوثة وجاذبية
…
المشكلة ان الحماس هذا يبهت ويتلاشا .. مجرد تغيير ف المزاج والضغوط النفسية وخاصة المتزوجات .. ماعندهاش وقت .. بين تطييب الغذاء والعشاء وتلبية متطلبات الزوج.. والاهتمام بالاطفال وخاصة لو كانوا يدرسوا
امتحانات و و و و
بشكل عام المسؤوليات ماتخليش مجال الصراحة انك تهتمي بنفسك حتى في البيت !!!
#نظمي وقتك ..وهذا اهم شي ..
حاولي بقدر الامكان ..
الصباح: تنوضي من نومك قبل زوجك يعني قبله وهو قاعد راقد تجهزيله فطوره وملابسه تبع العمل .. لو كان يخدم و يشتغل من الصبح بكري ,
تنظفي حاولي قدر الامكان انك تحافظي ع نظافة الفم والاسنان ..
واستعملي معطرات الفم ولو ماعندكش كولي وريقات نعناع اخضر لانه يزيل رائحة الفم الكريهة وخاصة في صبح ..
طبعا بعد ما تفرشي سنونك..
البسي لبسة مرتب متع بيت .. وتجنبي اللباس اللي ملمسه خشن ..
ديما مفروووض يكون اقتنائك لملابسك متع البيت وخاصة في الاوقات اللي تكوني فيها قريبة منه لازم تكون ذات ملمس ناعم ..
لان هذا يأثر في نفسية زوجك .. وديما الحاجة لناعمة وذات اللون الفاتح تشعر بالرقة والانوثة ..
………………………………………
الغذاء: طبعا معروفة كلنا النساء بعد تحضير الاكل وخاصة لو يكون فيه البصل .. تصير ريحتنا مش حلوة ابدامن رائحة الطبايخ والتطييب ..والرائحة هاذي تخلي زوجك يقرف منك .. لذا بعد ماتحضري الغذاء رتبي نفسك والبسي اللي يناسبك سواء فستان او بطلون وتيشرت او تنورة وبلوزة ويكونوا دات الوان زاهية تفتح النفس وتعطري بعطر يحب يشمه زوجك عليك والافضل يكون من اختياره لم بتشتريه .. وحطي الغذاء انتي وياه من نفس الطبق ..ولو عندك طفال وتخافي انهم مايريحوا زوجك ع الاكل .. وكليهم وشبعيهم ورقديم وخليهم يناموا يقيلوا قبل ليجي على البيت ..لان الراجل ينظر للبيت هو مكان لراحة وهو المكان اللي يبعده عن ضغوطات العمل وخلي ديما الابتسامة ع وجهك لم تستقبلي زوجك من باب البيت .. خليه ديما يستنى الدوام متع العمل امتى يتم بش يروح لمكان الراحة .. كوني ليه الحضن وقت التعب والزعل ..
ولم يكون في العمل مرة مرة اخلعيه بمسج رومنسي وفكريه انك تستني فيه وانك تحبيه و.و.و. لان الراجل يبي من يحسسه بوجوده..
………………………………………….. ….
العشاء :خصصي يوم انتي وزوجك واطفالك وتعشوا برا البيت ..
في مطعم .. او حتى عند اهلك مرة مرة او اهله ..
وعند العودة خبريه ان كان يوم حلو بوجوده معاك وبجود اطفالك انكم ملتمين .. وعيلة وحدة ..الكلمات والاشياء هاذي تأتر في نفسية الزوج هلباااا وتغير حتى من طبعه معاك ويزيد ليونه في تعامله معاك
……………………………..
اهتمي بمملكتك #بيتك ..
اطفالك .. خلي الاولوية لزوجك واطفالك .. ساوي بين حق زوجك عليك وحق اطفالك عليك ..
…..
ويااااااارب يسعد كل بنية مقبله ع لزواج ويهني كل زوجة بزوجها وتعيش كل وحدة متهنية ..#نصيحة :ماتسمعيش كلام الناس ع زوجك الييييييييييين تتاكدي ومن تم ناقشيه بهدوء .. فكري في اطفالك وفي ربي قبل كل شي
تحيــــــــ♥ــــــــــــاتي أم حـــــــــــــ♥ـــــــــــلا
