نصائح بسيطه للحامل لأول مره من تجربتي وشاركونا مواقفكم الحلوه بالولادة – للحمل و الولادة 2024.

اهم شي اول ماتعرفين انك حامل
لازم تعرفين باي شهر انتي وتبدين تحسبين الاشهر

لازم تاخذين الفوليك اسيد
والمقويات اللي بيوصفها لك دكتورك

طبعا لازم تختارين دكتور او دكتوره ترتاحين له لانه لو ما ارتحتي للدكتوره بيصير كل مرة تروحين فيها لموعدك بتضطربين
ولاااااازم تداومين عندها عشان مراجعاتك تكون بملف واحد بمستشفى واحد
اكلك لازم يكون متكامل فطور وغدا وعشاء

الشهور الاولى يمكن تتعبين شوي من شهيتك وبتكون مسدوده وبيكون جسمك على طول خامل وكسلانه لكن لاتستسلمين للكسل ولوعة الكبد وهي فترة وبتروح وتسترجعين نشاطك بشكل رهيب

داومي على المشي للنساء اللي حملهم ثابت اما اللي ياخذون مثبتات لا لازم لهم راحه

علاقتك بزوجك استمري عليها زي ماهي ماعدا الشهرين الاولى

اذا بدا بطنك يكبريعني من الشهر الرابع تقريباً ابدي دهني بطنك وصدرك وفخوذك بزبدة الكاكاو او زيت جونسون او جل جونسون للاطفال عشان ماتضهر لك خطوط بيضاء وتشققات

مع الوقت بتصير تزعجك الحموضه وماتقدرين احيان تنامين منها
قبل تنامين اشربي حليب سعوديه وكلي خيارة

ممكن مع تحليل البول تقولك الدكتوره عندك التهابات في البول وتعطيك علاجات تسبب لك استفراغ ممكن تشربين بيرة وكثري مويه ومع الوقت اللتهاب يزول

مع الوقت بيصير بطنك يضغط على مثانتك احذري تحبسين البول لانه يضرك حتى لو كنتي بمكان عام دوري اقرب دورة مياه

كثري من شرب السوائل وخصوصا الماء عشان مايصير عنك امساك ويتسبب لك بالبواسير لاتقولين عجزانه اروح الحمام كل شوي الماء ينفعك مايضرك

في الشهور الاخيرة كثري المشي وهو بيكثر لانك بتبدين تشترين اغراض البيبي
وبتجهزين للنفاس
في التاسع انتبهي لنفسك وجهزي شنطه المستشفى واغراض البيبي ولاتخافين اذا حسيتي بشي او شفتي شوي دم

يسلموا حبيبتي على المعلومات الرائعه والمبسطه لكل حامل

وما شاءالله على ولادتك يا رب يسهل ولادة كل حامل وتكون مثل ولادتك

ويرزق كل محرومه بالحمل السليم عاجلا ليس اجلا