مساااا الخير يا أحلى عضوات
يوم الخميس اجاني نسوان سهروا عندي وكان عندي خبر قبل بيوم انو يمكن يجوني فحبيت أعمل عشااا وساوي حالي شيف ههههه 
وقلت انزلها لحبايبي بالتفصيل
وهاد كان المنيو
المقبلات ::
ورق عنب بالزيت (يالنجي)
ططربرك
فطاير خضار بالكريمة
سبرينغ رول
السلطات::
فتوش
سلطة الملفوف والجزر
الطبق الرئيسي:
برياني
الحلا
كان حلى كاسات سميتو على اسمي ههههههههه
كاسات وئام
نبدااا بالتفصيل
ورق العنب
المقادير
ورق عنب,,,بصل ,,بندورة,, بقدونس,,دبس رمان,,,نعنع اخضر,,,زيت زيتون,,,,رز ,,ليمون,,, ملح
الطريقة
نقلي البصلة بزيت الزيتون ثم نضيف الرز وبعدها البندورة ونقليهم سوا
بعدين نضيف باقي المقادير عدا ورق العنب طبعا ونقلبهم قليلا
ريحتها بتطلع بتجنن
بعدين ناخذورق العنب ونلفو مع الحشوة بهل الطريقة
نلملم الاطراف ونلفها
ونصفو بالطنجرة وانا حطيت تحته بطاطا شرحات
منحط الماء وزيت زيتون وملح
بس يستوي منحطلو ليمون حسب الرغبة
الططر برك
هاد سيداتي سادتي ابن عمو للشيش برك
العجينة عبارة عن طحين معجون باللبن ورشة ملح
الحشوة:: بصل صنوبر لحمة مفرومة ملح وفلفل
تقلى البصلة ثم يضاف اللحم والملح والفلفل والصنوبر المحمص
ويحشى بالعجين بعد فرده وتقطيعه دوائر صغيرة
وانا كنت عملتو وحطاه بالفريزر
هيك بيطلع شكلو
تخذيه وتسلقيه بماء وملح لينضج تماما مولينفتح
تخلطي لبن زبادي وثوم وشوية ملح وتسقطي البرك فيه
جربوه كتيرطيب وخفيف
فطائر الخضار بالبف باستر
هي الفطائر عملتها العزيزة نمسه ولذيذة كتير
بس انا اضفت لها البصل عملتها بصينية الكب كيك الصغيرة
المكونات
خضار مشكلة مسلوقة بصل كريمة خفق زيت زيتون بقدونس بف باستر
جبنة مودزريلا
قلي البصلة بزيت الزيتون اضيفي الخضار
والكريمة وانتظري الى ان تنشف الكريمة واضيفي البقدونس
قطعي مربعات البف باستر كل واحد الى اربع حطيه بالصينية وحطي من الحشوة ورشة مودزريلا على الوجه وسكريها بمربع صغير
وادهني الوجه بالحليب ودخليها الفرن
انا بصراحة ضيفة مفاجئة صرلي فترة ما شفتها فنسيتهم بالفرن 
واحترق الوجه
فشلت الوجه وحطيتهم بكاسات الورق وقدمتهم مع السبرينغ رول المحشي بالجبنة وقلبتو بالزعتر
الرجاء عدم الرد لاكمال الموضوع
السلطات
سلطة الملفوف والجزر
هي كانت من اقتراح حبايبي دودو وكول الله يعطيهم العافية اعطوني خيارات حلوة
الطريقة قطعي الملفوف وابشري الجزر
الديرسينج
لبن ومايونيز وملح وعصير برتقال
اخلطيهم مع بعض وحطي على الوجه اناناس او خوخ بس انا مالقيت عندي فقطعت برتقال
جربوها يابنات طعمها بيجنن ولا سلطة كنتاكي
الفتوش
بندورة خيار خس بقلة زيت زيتون ثوم خل ليمون نعنع بقدونس
اعمليه كالمعتاد وجربيه بخبز التوست المحمص بيطلع جدا رائع
صورتو تحت مع البرياني
البرياني
نظفي الدجاج وتبليه بالبهارات الثوم اخلطي زبادي مع حبة ماجي وضعيها فوق الدجاج واضيفي الهيل والقرفة والبهارات واتركيه لينضج
اقلي الخضار بالزيت :بطاطا فليفلة جزر واسلقي بازلياء وحطيها معاهم
بطنجرة تانية اعملي الرز المشغول ,,,, بسلق الارز بالماء مع ملعقة سمنة وقرنفل وورق الغار والملح
صفيه واضيفيه لخلطة الدجاج مع الخضار واتركيهم على النار لعشر دقائق
لوني كمية من الارز بالكركم او الزعغران وانثريه على الوجه
وهون مع الفتوش
منجي هلق للحلى
الحلو هاد اخذت كل طبقة من مكان وطلع بيجنن شكل وطعم وسميتو حلى كاسات وئام هههههه
الطبقة الاولى
بسكوت مكسر مع ظرف كريم كراميل وعلبة قشطة وكاسة شاي ماء
اخلطيهم وحطيهم بالكاسات
الطبقة الثانية ذوبي ثلاث حبات سنيكرس مع نوع ثاني تحبيه انا حطيت ماكنتوش وشوية نستله وشوية قشطة اضربيهم بالخلاط وحطيهم فوق الطبقة الاولى
الان حطي بكسوت اوريو او كيك انا حطيت من بسكويت المعمول اذا بتتذكروه (موجود بموضوع اهلا بالعيد)
الطبقة الاخيرة 6حبات كيري وعلبة نستله اضربيهم بالخلاط وحطيهم فوق البقية
وانا زينته بالهرشي
وصحة وهنااااااا
خلصنا واخيرا
ان شاء الله يكون اعجبكم موضوعي 
نسيت اقولكم انو ما اجو كل النسوان بس2 مع 6اطفال والباقي اعتذروا مشان هيك ما عملت المتبل والشيخ المحشي
لاتنسو التقييم ((اكيد اذا حبيتو))
مع السلامة ياحلوين
ايه المنيو الخطير ده يا وئومه
بجد كل الاكل يجنن
جوعتينى وانا لسه متغدية
بجد تسلم ايدك انتى استاذه برافوووووووووو عليكى
وطبعا لازم اقيمك
بتستاهلى
وعسى بيتك دائما عامر
تستاهلي احلى تقييم
تسلم ايدك عى هالاكلات الطيبه يا وئام
يعطيكي الف عافية يالغلى
ربي يخليكي ويسعدك
حلى ام علي