الكتاب باين من عنوانه يايبة لكم طريقة (مموش ربيان طري)
بسم الله نبتدي
أول شي تنظفون الربيان و تشيلون الخيط الاسود اللي بظهره وتغسلونه …
بعد ما تنظفون الربيان راح نحط جدر فيه ماء +(هيل – مسمار – دارسين – ورق غار – لومي حب – فلفل أسود – ملح ) الى أن يغلي ونفوح فيه الربيان نصف ساعة تقريبا .
نحمس بصلة مفرومة
ونضيف الربيان المفيوح ونخليه ينحمس 10 دقايق
ونحمس عدل ( ونضيف مكعب ماجي + كركم + فلفل أسود + لومي )
ثم نضيف الماش (المنقوع )
نصب لتر ماء فوق الحمسة ونضيف الملح , ونقطع 1 حبة طماطم الى اربع أرباع ونقطها مع الماي , ونخليه الى ان يستوي الماش (نصف ساعة تقريبا)
نكت العيش( المنقوع ساعة تقريبا) على الماش بعد ما يستوي ويقل الماي ونحرك بلطف ليتداخل العيش مع الماش ونخلطهم عدل ونخليه يطبخ على نار هااادية مع وضع الحديدة تحت الجدر
لما تسكر العيش …
وننجب ….
والمموش طبعا ما يكتمل الا مع وجود الاجار والمعبوج وأجار المنجا والصبار ودقوس البيديان وصباااار يمم
ماصدقنا نجبنا وهجمنااااا
وعوااااافي على قلوبكم .. وهالله هالله بالردووووود لا تطلون وتطلعون
روووووووووووووعة
ميرسي يا عســــــــــــــــــــــــــــــــــــــــــــــل
|
المشاركة الأصلية كتبت بواسطة طائرالوئام
 تسلم ايدك
روووووووووووووعة ميرسي يا عســــــــــــــــــــــــــــــــــــــــــــــل |
والله انت أروع من الموضوع
ماشاء الله