السلام عليكم اخواتي
حبيت اليوم اقدملكم ملوخية خفيفة وطيبة طتير وتنفع كتير للي عاملين دايت متلي 
نبدا
جبت اولا صدر دجاج وقطعته قطع وحطيته بالطنجرة ومع شوية زيت لا تذكر بديت اقلبه على النار لاني ما احبه مسلوق
ونكون حاطين بمقلاة شوية زيت زيتون وشوية صغنتوتة نباتي
نحط فيها توم مطحون وكزبرة ناعمة يابسة وفلفل احمر مقطع
بعدها نفرم الملوخية بالسكين انا شخصيا اخزنها بالفريزر ولما احتاجها اطلعها واقطعها
ونضيفها فوق الدجاج
ونضيف الماء فوقها بس لازم تنتبهوا ان الماء يكون قليل يعني هي راح تكون بمرق قليل جدا يعني ما تغمروها بالماء كتير
وبعد ما تكون الكزبرة والتوم والفلفل صارو جاهزين يعني الكزبرة صار لونها دهبي فاتح نضيفها فوق الملوخية
كمان نحط ظرفان بودرة ماجي بلا المكعبات لان فيها دهون
ورشة قرفة مطحونة ورشة بهار ابيض مشان النكهة
ونحركها شوي حتى تتجانس المكونات ونتركها حتى الاستواء
راح تلاحظو لونها صار غامق معلش هاد دليل استواء الملوخية
وبس صحتين وهنا ولا تنسوا تقدموها مع الرز والشطة او الليمون
صدقوني مارح تندمو لانها طيبة كتير وخفيفة
وقليلة الدهون تنفع لاهل الريجيم
نحن بسوريا نعملها بطريقة تانية وهي انو نقلب الملوخية بالسمن قبل ما نطبخها وكمان طيبة كتير بس انا متل ما قلت هي خفيفة للدايت
وهاد هو الشكل النهائي
وصحتين وهنااااااااااااااا
لا تنسوني من تعليقاتكم الحلوة وتقيماتكم ان اعجبكم طبخي
اكلة بيحبها زوجى وانا مااحبها
هههههههه ابعتيلى شوى حتى اذوقها له
يقيم بالنجوم
انا بموت بهل الاكلة
يعطيكي العافية اختي امنية
شكلها كتير طيب
صحتين على قلبك وقلب زوجك
والله يعطيك الف عااافية
تسلم يدك
وطريقة جديدة وغريبة بالنسبة لي
يممممممممممممميي
مااطيبها
انا بموت فيها
بس طبعا بقلبها بالسمنة
مافي اطيب من الاكلات السورية مو هيك
هههههههههههههه
|
المشاركة الأصلية كتبت بواسطة بيلسان
 يسلمو حبيبتى
اكلة بيحبها زوجى وانا مااحبها هههههههه ابعتيلى شوى حتى اذوقها له يقيم بالنجوم |
لعيونك الحلوة اكبر واحلى صحن ملوخية
تشكري يا غالية على مرورك وتقييمك الغالي على قلبي