بسم الله الرحمن الرحيم
اليوم حبيت شاركم بأكلة المكدوس يلي هي من أهم الأكلات السوريه على مائدة الفطور والعشاء 
الخطوات كتير سهله بس بدها وقت يعني 5 أيام وبتكون الأكله جاهزه
المقادير حسب شو بتحبو تعملو كميه المهم تعرفو ان كل 20 كيلو بيتنجان بدو 10 كيلو فليفله حمراء
ونص كيلو توم ونص كيلو جوز
منبدأبالتحضير منسلق البيتنجان لحتى يطرى ويستوي بس ما مننطرو ليستوي كتير مشان ما يهتري وقت الكبس
بعد ما يستوي مننطرو شوي ليبر ومنعمل شق جانبي بالسكين ومنحشي كل بيتنجانه معلقه ملح صغيره والأفضل يكون الملح خشن وبس نخلص كل الكميه منصف البيتنجانات بمصفايه ومنغطيها بقطعه قماش ومنكبسها منيح بشيء تقيل مشان تروح المي وينشف البيتنجان والملح هو يلي رح يساعد بأن المي تروح بسرعه وهي شكل البيتنجان بعد ما كبسناه
[img]
[/img]
بعدين منجي لتاني مرحلة يلي هي الحشوه منغسل الفليفله الحمراء بعد ما نكون غسلناها ونضفناها من البذر منحطها بالشمس لحتى تنشف
والفليفله فيكون تعملوها حلوة وفيكون تعملوها حاره بزياده الفليفله الحره وهي حسب الرغبه
[img]
[/img]
وبعد يوم أو أكتر لما تشوفو لفليفله دبلت منحضر الجوز والتوم
منقطع الجوز ناعم بالسكين
[img]
[/img]ومنحضر التوم
[img]
[/img]
وهيك بتكون الحشوة جاهزه مقاديرها بعدين منطحن الفليفله بماكينه فرم اللحمه مع التوم ومنحطهم بمصفايه مشان اذا في مي زايده تروح وبعدين منضيف للحشوه الجوز وشوية ملح وهيك بتكون حشوة المكدوس جاهزه
[img]
[/img]
ومنحشي البيتنجان من نفس المكان يلي حشيناه بالملح
[img]
[/img]
وهيك المدوس بيكون جاهز لنصفه بالمطربان ومنغمره بالزيت الزيتون
[img]
[/img]
بتمنى تكونو استفدتووبنصحكم تجربوه لأن كتيرررررر طيب
يمممم يممممم
والله احبه يعطيك العافية يانسنس فعلا شكله شهى بجربه انشاء الله ولك احلى تقييييييييييييييم بس توصلين لى كمية كافية منه اممممممممممممم
.
طريقة حلوة وسهلة بس بدها وقت
~
عندنا بفلسطين بــ نتلذذ بأكل الفلفل الحاااار
وبنعتمد عليه مع التوم المفروم مع الملح فقط في الحشو
وطبعا عمل محلول ملحي
جربيها ~ وراح تدعيلي
^_^
يعطيكي الف عافية حبيبتي نسرين
لكن لازم تكتبي اسمك على الصور لانو من قوانين هاد القسم
وهاد الموضوع رح يسهلك الشغلة
لكل من تريد طريقة تصغير الصور والكتابه عليها…. تفضلى هنا
تستاهلي احلى تقييم وشعار
اللهم صل على محمد وال محمد
شكله بيشهي ..شهيتيني
لك ودي وتقيمي