بسم الله الرحمن الرحيم وبه نستعين
ليلى زميلة لي عمرها 43 سنة متزوجة ومطلقة من 3 رجال ومن كل واحد منهم عندها اولاد وحاصله على حضانات كل اولادها وتعيش معاهم بشقة صغيرة ونورة مطلقة عمرها 37 وانا عمري 36 سنة من اول يوم دامت فيه صاروا صديقاتي وهم كانوا اصدقاء لكن بعد فترة بسيطة انصدمت اول صدمة كل وحدة تتكلم بعرض الثانية كنت خايفة ليه يعملوا كذا المهم مع الايام كنت انا وزجي وبنتي في احد المولات اتصلت ليلي وسالتني عن مكاني قلت مع زوجي وبنتي وعلمتها انا باي مكان ما وعيت الا وهي جايه لنا وكانت تضحك بصوت عالي واللى زاد المصيبة اكثر انها جلست تكلم زوجي كنه تعرفه من زمان ويوم قمنا اشبكت يدها بيد زوجي وقالتله ماتقص علينا المرة الجاية لازم تعزمني انا معها في فندق خرجنا من المكان وزجي ثار وعصب وقال انا رجال واعرف الحريم هذي مو زينة وما ابغاكي تكلميها ثاني ما اقدر اعصي زوجي قمت شوي شوي اتعذر لها وخليت علاقتي سطحية بس بالشغل وبيوم اتصلت ابغا حاجة منها تخص الشغل اقفلت السماعة بوجهي قلت لزميلتها ليه كذا قالت هي تعرف ايش سوت وانا ما سويت شىء لها ولا قلت لاحد بالشغل عن اللى صار قعدت كم يوم احاول اعرف وش فيها لكنها قامت تتطاول بلسانها عليه قدام البنات قلت احشم نفسي احسن واتركها خلاص لكن نورة استمرت معاي ازورها وتجيني البيت وصار قريبة منى حيل
ورزقني ربي بحمل عقب علاج وتعب وقرروا الاطباء اني ارتاح بالبيت راحة تامة لحد الولادة وكنت بين فترة وثانية ادخل المشفى المهم دخلت الشهر التاسع ودخلوني المشفى لان كان معي ضغط وزلال زارتني نورة وكانت تبغا تسافر
سافرت وولدت انا بعد سفرها بيومين وصار معي شلل مؤقت من جراء ابرة بالظهر ضربت لي عن طريق الخطأ وادخلت العناية المشددة اول ما خرجت كنت ابغا جوالي عشان ابشرها اني ولدت بعثت لها ولخواتها لزميلاتي بالعمل رسايل ابلغهم اني ولدت زاروني كل البنات بالشغل الانورة وخواتي اللى هم اقرب لي من اختى قلت مسافره ومشغوله بعت لها رسايل كثير وايميلات اكثر لكنها ما ترد ويوم ارجعت للشغل بعد انتهاء اجازتها وعرفت انها بخير وطيبة زعلت منها وبعث لها رساله اعاتبها فيها عن عدم اهتمامها بي وانا اطير لها بس يصير لها شىء وبعدها بفترة قلت خلني انا احسن منها بتصل وبكلمها يوم اتصلت الا ما ترد وابعث مسجات ما ترد اتصلت اسال عنها بالشغل ردت زميله لنا وقالت لي ماتبغا تكلمك قلت ليش الصدمة الثانية هي تعرف ايش سوت انا متاكده اني ما سويت شىء وبعمري ما ضريت احد والكل يشهدلي بالامانه والاخلاص بالعمل زعلت كثير وارتفع ضغطي ولا اقدر انام ونحل جسمي ليه كذا ابغاكم تقولوا ليه كذا ووش الحل معاهم انا افكر اني انتقل لمكان ثانيلان نورة معي بنفس الغرفة ما اقدر اجلس معها وحنا كنا ما نتفارق والحين بتحاربني وبدون سبب مع العلم ان نورة محاربة اكثر من بنت معانا بالشغل وله تحارشهم وتسوي مشاكل لهم فما بالكم وانا بنفس الغرفة معها ايش اسوي المدير مره طيب معي ويتقى الله فينا انتقل ولا اجلس وامري لله واذا حارشتني وش اسوي وانا مالي ابد بالمشاكل ساعدني يابنات الحلال وشورو عليه بالحل
من تجربتي الشخصيه علاقاتي بالعمل لاتتعدى العمل
وانت باين انك اعطيتيهم اكثر من حجمهم
اما عن مشاكل العمل فهذه ياما تصير وكل وحده تثبت وجودها بكفاءتها وعسى كل الناس لاتكلمها
وايش يعني؟
ولكن اذا كان ولا بد فانصحك بتغيير مكان عملك وخلصي نفسك من المشاكل
واذا انتقلتي لعملك الجديد حاولي تجعلين علاقاتك مع الناس علاقة عمل وبس
لانوره ولا ليلى ولا زيد ولا عمر
خليكي بعملك وبيتك وزوجك واطفالك
العمل مصدر رزق وفقط
هذا رأيي الشخصي
ربي يسعدك ويهنيك
اذا انتي قادره تتحملين وجودهم
فااسستمري بشغلك ولكن لاتكلمين احد منهن الا بحدود العمل فقط
واذا تبين الراحه انتقلي مكان ثاني اريح لك علشان ماتفكرين بحركاتهم
ولا يستفزونك
وبس .,‘
و لا تصاحبي الا الخيرات….
لاتعلمين اي وحده…وين تروحين او تجين…. مفروض ما أحد يدري عن زوجك او عيالك او
بيتك …
هالحين …هالمدارس مافيها خير مثل اول ….تلقين الحسد… و الغيرة ….والنفاق
حريم كيدهن عظيم …
خليك رسميه… انا ياما انصدمت من صديقاتي …
وهالسنة قلت ابتدي بشي جديد …ما أعطي عني معلومات ..كأني بالبيت
ماطلعت … وما اعرف اسواق…. وارتاح… خلي الغيرات يمتن مايعرفن
عني شيء
بس ….خليك مع الخيرات اللي يخافن الله…..وبعدين الخفيفه معروفه وواضحة مهما
دارت نفسه….