السلام عليكم ورحمه الله وبركاته
بختصار شديد ما اعرف ممكن مشكلتي تافه او مالها معنى او او بس هي مأثرة فيني نفسيا
الحاصل ..
كنت بالثانوي والمتوسط عندي صدقات عاادي وبالثانوي كانت صداقاتي قوية مع بعض البنات لحد 3 ثانوي بعدها نقلنا من البيت بس كملت السنه بنفس المدرسة وبعد ماخلصت خلاص طبعا بين بيتي ومدرستي ثلث ساعه الى نص ساعه المهم كانت بيني وبين البنات زيارات على طول قبل ما انقل يا انا عندهم ياهم عندي او كل مره نتجمع خلصنا الثانوي عزمتهم جو ماقصرو اللي قدروو بعدها عزموني للاسف ماقدرت واهلي مايساعدو على الطلعات مره واثنين وانا اتعذر الاولى تزوجت حضرنا فرحها وسافرت لامريكا كل ماتجي تعزمنا وانا للاسف ما اقدر اروح الثانية اللي هي اقرب وحده ملكت وللاسف ملكتها اساسا ماقدرت اروح بعدها انا توظفة واسرت انشغل بعملي وكذا لان دوامين وصعب اطلع طبعا عمري 24 الان بعدها سجلت بالجامعه صار وقتي كلو جامعه وعمل في العمل صارت علاقتي مع وحده من البنات قويه ومرت سنه وبعدها البنت بطلت شغل وراحت تدرس استمرينا سوا فترة وبعدها انقطعت علاقتنا نوعا ما احيانا بيقولوو انتي ماتسالي وانا وقتي كلوو رايح بالدوام المهم مرت في دي الفترة وهنا اساس الموضوع كنا على ايام الفيس بوك كنا 4 بنات تعرفنا ع بعض المهم صارت علاقتي قويه مع وحده فيهم 24ساعه نتكلم سوا لو مو جوال واتس لو مو واتس بالتانقو او اللاين المهم نتكلم
مرت علينا السنين وعلاقتنا تقوى ونشكي لبعض ونهون لبعض كانت هي لها علاقات انا احاول امنعهاا مدري ليه كانت لمن تحكييني اقولهاا لاتكلمي بيلعب وكدا بس ماكانت تسمعلي وبالاخير يصير اللي قولتوو بس ماتتوب يعني تنسى علاقة بعلاقة تانيه … وطبعا اغلب معلوماتها لهم مش صح ,,
الحاصل انو في واحد من حكتني عنو واناا كارهتوو كره العمى صارت المشكله الاولى بسبب وزعلت منها وتتصل ما ارد لين جات لدوامي وتراضينا وانتهى الموضوع بعدها وعلى اساس علاقتهم كانت متزعزعه وانها خلاص ماحتكلمو وانا طلبت من ماتجيب سيرتو المهم بعدها
بشهر طلبت مني فلووس وكان تلح بشكل مش طبيعي وانها لصحبتها والخ الكلام وجاتني من دوامها لبيتي وكان يومها جمعه عشان تاخذ الفلوس جات وجلست شوي وتاخرت وعلى اساس جايا بسواق المهم بعد مانزلت شفت الشباك على اساس انو خفت يكون السواق راح عليهاا
وقت ماشفت انصدمت اتاريها جايا مع اللي مايتسمى انقهرررررررت وكان نفسي وقتها انزلهااا واسبهم
المهم خليتها تحرك واتصلت عليهاا تعطيني بيزي مره واثنين بعدها رسلتلها مسج وقفلت جوالاتي تحاول تتصل فوق 30 مكالمه موجود جاتني وغير الرسائل وانا ماني قادره اسمع صوتها
بعدها ارسلتلها كل اللي عندي وقفلت جوالي ورفضت اتكلم معاها جلست يومين تحاول تتصل وانا ما ارد ف رسلتلي متى ما تروقي كلميني ..
مرررررررررررررررررررررررررررررررت الشهور بالاصح وصلناا سنه احيانا افتكر كل اللي صار احن عليها او اشتاقلها بساتذكر اللي عملتو اكرهها حسيتها استغفلتني طبعا بعد فترة حولت الفلوس ورسلتلي رساله انها حولتها بس مارديت احيانا افتكرها ارسلها كم كلمه لين مره جات اتصلت اكتر من مره ماترد
لحد قبل شهرين تقريبا
دقت مره واثنين الثالثة رديت قالت بس كنت حابه اسلم وبعدين قالت انا ما ابغى افتح الموضوع بس حابه اقولك كلامك جدا ماكان له داعي والله يسامحك
((في فترة الانقطاع مره اتكلمت مع اختها اني اتصلت عليهاا ماترد فقلتلها ايش تبغى تردلي الحركه وصار نقاش طويل وقلت اللي بقلبي واعتقد وصلتو لها ودا اللي خلاهاا تقول الله يسامحك )
وبس لين اليوم مابيننا اي تواصل تقريبا ,,
خلال دي الفترة انتقلت عمل تاني وطبعا كانت علاقتي زي الفل مع الاولى مع الايام قوية علاقتي مع وحده من البنات في العمل الجديد وكانت علاقتنا مره حلوه مايقولو فلانه الا ويقولو اسمي معاها وكدا مرت الايام جاء موظف جديد وهي من النوع اللي رقمها بكل مكان مره كان بيداوم لوحدو بالقسم وبما انو جديد اعطتو رقمها عشان لو في شي يتصل وشوي شوي صاروو واتس وكانت تقولي كل شي اول بأول واحيانا كنت انتقد كلامو او اسلوبو ومرت الايام صارت ماتخليني اشوف او اقراء وانا مازلت على حالتي انتقد دا الادمي وكنا لمن نتجمع البنات بيتكلمو بموضوعهم وانا زي زيهم بنتقد الموضوع خصوصا انو العمل كلوو بيتكلم بعلاقتهم وهي تقول كل ماجاء موظف قالوو بيننا علاقة مع انها هي السبب لين مره ما اعرف ايش صار اتهمت اني اطلع كلام عنهااا البنات ما اعرف لفو الموضوع عليا انهرت وزعلت وكنت بترك العمل وكنت كل شوي اطلع لدكتورة الله يسعدها كانت هي تخفف عني ودي الفترة قويت علاقتي معااهاا وممع ممرضتها
بعدها خلاص هديت وصرت اسوي شغلي مع انو كنت بضغط نفسي لان الكل وقف معااهااا طنشت خلاص وطلبت نقل من القسم وعلاقتنا هنا انتهت وشفت عيوبها اللي ماتطاق وكنت اقول لصحبتي الاولى يارب مايصير بيننا شي زي اللي صارلي معاهاا .. ودارت الايام وصار نفس الشي بخلال كم شهر بس ,,,,,,
الان علاقتي مع ممرضة الدكتورة لفترة قريبا جدا حلووه نتكلم على طول خصوصا ان هي متغربه من اهلهاا مع زوجها واهلوو بس وقفنا مع بعض كتير لين حملت وولدت وانا معاها بكل مافيني يوم ولادتها كان المفروض يوم اجازتي للأمتحانات ببس داومت عشان بس اكون قاعده معاها بالمستشفى لحد ماخرجت بنتها هي بنتي صورها ماليا جوالي ما اقصر عليها بشي اروح لهاا دائما بحكم اني ما اقدر اطلع كنت احيانا من 9 لحد 1 الظهر بدوام المفروض بعدها ارجع البيت عشان ارجع لشفت التاني من 5 لحد 9 في فترة من 1 لحد5 اروح لعندها واقعد معاهاا ..
لحد ربي قدر وصار لزوجها حادث وكان يحتاج عملية حاولت اخفف عنها ماهم عارفين وين يعملوو العملية يبغو دكتور مضمون افتكرت انو في مستشفى دكتورها مره كويس والبنت اللي انتهت علاقتي معاها اخوها مدير الموارد بنفس المستشفى قمت قلتلها يفلانه فلانه اخوهاا هناك كلميهاقالت هاتي رقمها واعطيتها وماقصر دخلوو لدكتور مع انو بمواعيد المممهم مالنا بدا كلوو
عمل العملية وخرج بسلامه صارت تمدح في هذيك وغير الكلام اللي بينكتب بالقروب تبع الواتس حق العمل قلتلها مره دا كلوو عشان ساعدت بموضوع زوجك وين كلام اول انك ماتحبيها ,,
نسينا الموضوع قبل شهر من الان قلتلها تعالي عندي مره طفشانه قالت لا بروح لاخت زوجي وزوجي قال خليها مره تانيه عشان اخوه اللي بييوصلهم بما انو صار عليه حادث ومايسوق قال حرام امشي مشوارين خليها الاسبوع الجاي يوم الجمعه قلتلها الجمعه رايحه لعمتي قلتلها خلاص مش ضروري كل ماكلمتك جهزتي عذر مع انو اهلي متشفقين يبغو يشوفو بنتها وحشتهم ,, قلت خلاص اكيد حتكلمني الاسبوع الجاي او اللي بعدو مره الاول والتاني والثالث ماكلمتني ابدا كانها هي الزعلانه مش انا الاسبوع اللي فات قالو بيروحو لوحده من البنات ولدت وقرات بالقروب انها رايحه امس اللي هو الجمعه كلمتني قالت بنت حتروحي لفلانه قلت لا قالت ليه قلتلها مافي مواصلات قالت تعالي كلنا رايحين قلتلها اشوف في مين يوديكي اسبوعين ورا بعض قالت بالقوة اخو زوجي وافق قلتلها لانك تبي تروحي ما استحيتي تكلمي زوجتو اسبوعين يوصلك بس عندي الظاهر ماتبي تجي عشان كدا مافكرتي طول دي الفترة تكلمي وتجيني قالت انا دائما اقدر ظروفك بس انتي ما تقدري قلتلها اي ظروفي اللي تتكلمي عنها ماقد قلتي تعالي الا وانا مدبره عذر لامي واجيكي من الدوام و حتى لمن اختها توفت كان برمضان وكان جمعه تخاصمت مع اخويا عشان يوديني ومارضي تاني يوم والله من الدوام خرجت ورحتلهااا
ومررره زعلت منهااا ’’’ ياناس قووولولي في مشكله فيني
تعبت جددددددددددددددددددددددا نفسي بصديقه تكون زي اختي واكتر اختي بيني وبينهاا 7 سنين ودلوعه ما احب تصرفاتهاا الغبيه وماني قادره الاقيه صديقة وفيه بمعنى الكلمه ,,,
اذا شايفيني فيني مشكله قولووووها … واتمنى تسامحوووووووني طولت الكلام
الله يسعدك ويوفقك ويحقق لك كل امانيك
لانه الكمال لله وحده
حبيبتي سوي الخير وارميه ورا ظهرج … امممم يعني لا تسوي الخير عشان فلانة تبقى معج ولا عشان تمنين عليها ترا سويت لج وسويت
في هالزمن صعب تلقين صديقة مثل ما تبي للاسف لانه كلن همه نفسه
عشان جيه صادقي لكن خلي في بالج انه ممكن تنتركين في اي وقت و بدون أسباب
وامشي على قاعدة اللي يبي صداقتي حياه الله واللي ما يبي فيه مليون غيره
موفقة
استغفر الله العظيم الذي لا إله إلا هو الحي القيوم و أتوب إليه 
لأننا حنا من النوع اللي نقدس العلاقات بس بالأخير ما نستفيد شي
وربي وربي كل كلمه قلتيها انا مريت فيها وتعبت بفترتهآ لين م خلاص
صار كل همي دراستي ومابي أفكر ب حاجه ثانيه ولا ابي أكون صداقات
عشان كذا ي قلبي اللي صار معكِ شي طبيعي لان هذا طبيعة البشر اذا قدرتهم ما يقدرونك اهتمي بدراستك وبوظيفتك وخلي علاقاتك سطحيه مع الكل أريح لك