بنآت انا بدون مقدمات ولا شي بقولكم مشكلتي 🙁
انا زواجي بعد اسبوع المهم انا خايفه مره اصير شينه مع ان ملامحي جميله وجسمي ازين خواتي وطولي ..
بس عندي اختي الكبيره متزوجه من نفس العايله الي اخذت منها المهم يوم خطبوني هذولي قامت تطلع اشاعات عني اني اشين خواتي واني السمراء الوحيده واعتبر ولاشي بالنسبه لاختي الي اصغر مني . طبعا ام زوجي قالت لا والله انها زينه وجميله ولاتقولون على زوجه ولدي انها اشين خواتها ..
انا سكتت واختي تحلف انها بريئه وماقالت عني الا الزين ..
المصيبه انهم خطبو اختي الي اصغر مني لاخو زوجها وهي واختي الكبيره صارو ضدي ويحشوني كل وحده عند زوجها تذم فيني وتقول اني اشينهم .. والكلام يوصل للرجال حتى زوجي انهبل يكلمني يقول اختك غريبه تتكلم فيك بكل بيت وانا شايف اختك الي اصغر منك يوم الملكه والله ماشوفها ربعك خصوصا بالملامح .. لان هي بيضا مره وانا حنطيه
انا يابنات مسويه واثقه ومسويه اني زينه وكل شي وما اهتم بس ضايق صدري من داخل مرررررررررررررره وزواجي بعد اسبوع واهل زوجي كلهم واهل ازواج خواتي بيجون واغلبهم اول مره يشوفوني ويشوفون خواتي وفيني خوف يقولون اي والله خواتها احسن منها؟؟ اقسم بلله الفرق الوحيد اني حنطيه بس وهما بيض مره بس ملامحهم مو زيي ومليانات يعني مزاج الحريم تعرفونه اذا شافو بيضا ومليانه قالوا وااااااااااو ..
واختي مطلعه كلام ان الي اصغر مني صاروخ واجملنا بالصيت وكل شي يعني انا ولاشي ولاشي بعد الاشاعات الي طلعت عني ..
تكفون ساعدوني بادعيه وكلام يريحني تراني مهمومه وخايفه من احلا يوم بحياتي ..
ومابي ازود كلام احس طولته
لا حول ولا قوة الا بالله وليش كل هالحقد والكره والغيرة؟
انا اقول يلسي ويا خواتج وكلميهن ليش يتصرفن بهالطريقة
واذا هن خواتج جيه شو خلو للغريب
قوليلهن احنا خوات والمفروض نكون على قلب وااحد مب عدوات و انتو مالكم غير بعض
استغفري وااااااااااااايد وادعي انه الله يصرف شرهن عنج
الله يتمم لج على خير
موفقة
استغفر الله العظيم الذي لا اله الا هو الحي القيوم واتوب اليه 
يعني عادي يطالعون لبعض ويشوف الملامح وكذا ياارب لك الحمد والشكر
طيب انتي تاكدتي ان خواتك هم الي مطلعين الحكي اخاف يكون احد منهم وغيران منك مايبونك كزوجه لولدهم ينقلون الكلام على انها اختك او خواتك
او انك حسااسه جدا لانهم مليانات وهذا المطلوب عندهم وانتي نحيفه وكذا يبيك زوجك
هذا كله يهون عند شفتها وملامحها ماهي مثلك عجيييييييييب
نقول محجبه وكذا ليش التدقيق وعدم صرف النظر
شكلهم عارفين طبايع الرجال عندهم مررره عييونهم زااايغه الله يهديهم
ولاتنسين هذا الدعااء
(اللهم اكفنيهم بما شئت)
ردديه بين وقت ووقت..وحاولي تكثرين منه
ولاتخافين
ولايضيق صدرك
خلك طبيعيه
مو بس طبيعيه قداام النااس
خلك طبيعيه حتى قداام نفسك
نسيت اقووولك
مبرووووووك
الله يوفقكم ياارب
بس هم بحاولو يغطو عليكي بثقتهم بنفسهم وببياضهم
ليش ساكتة ؟؟!!!!
انتي اللي مفروض تكوني الواثقة بحالك مو هم
انتي صاحبة الجمال والاخلاق !
واكبر دليل اعترافك بذلك وكمان كلام ام زوجك عنك
ترى الحريم الكبار مايعرفو المجاملة
ما عليكي منهم
ولا تسكتي عن حقك
ولازم تبيني للجميع ولهم خصوصا انك انتي الواثقة من جمالك واخلاقك وهي الاهم
واي شي تتضايقي منه ترى زوجك هو اقرب الناس اللي رح يوقف معك
فضفضي له
ومهما صار بيضلو خواتك
الله يهديهم
الله يوفقك ويتمم كل شي على خير
ترا ماعندك سالفه اسمعي من هنا وطلعي من هنا لايهمونك
ثقي تماما انك راح تطلعي ملكه جمال(( لاتقذف الا الشجره المثمره))
الله يوفقك ومبرووووك حبيبتي