مشكلتي ~ هل أجد لها حل ؟! 2024.

السلام عليكم ورحمة الله وبركاته ..

عجبني هالمنتدى كثيير وخصوصاً هالقسم

أمم مدري من وين ابدأ .. أخاف اكتب الموضوع وبعدين ما القى رد بس كلي أمل فيكم أخوواتي .. أنا مخطوبه من شخص يكبرني 12 سنه ،، طبعاً متفاهمين الحمدلله السبب مو هنا .

بسس كثير يبغى يوديني إلى اهله يوم في بيت أخوه ويوم في بيتهم يومييا .. وكل يوم أشوف نفس الوجوه

بس حريم أخوته ما أشوفهم ، وإذا قلت يوم ما ابي اروح يزعل ، والله كرهت نفسي أنا مو من النوع الاجتماعي واذا رحت اسولف على خفيف و أوقات استمع مو قادره اختلط معهم ،، ويوم ثاني يقولو له بنات اخته اني جلست ساكته !! مدري كيف اتصرف ، الظاهر يبوني طول الوقت أهدر وأنا احب الصمت حتى لو اجتمعنا مع أهلي ابقى ساكته بس استمع واذا صار فرصه لنقاش اتناقش طبعا خطيبي هو أختارني بقرارة نفسه بس خواته ماكانو يبوني والحين اذا رحت ازورهم احس باقي مايبوني واني مو شيء في نظرهم ، لا واذا طلعنا بنروح بيت اخووه اخته قدام عمرها 35 سنه وين مانروح لازقه ! واذا قلت له راح نقعد في بيت اخوك شوي ومانطول نطلع نتمشى شووي يقول وين نروح لاا واذا رحنا وجلسنا اخته وقت ماتقول يلا نروح يقوم بس انا اقول له يلا بنمشي مايجيب خبري والله تعبت أحس مأساه ..!!

شكلي بقضي حياتي كلها زيارات إلى اهله وبسسس ،،

أتمنى ألقى رد على مشششكلتي

شكراً لكم مقدماً

مشكووره عزيزتي على الرد ،، بس مو كل يوم نروح على الاقل خميس وجمعه بس هو كل يوم ههه ، انا ما افكر اني افصخ عنه بس مو قادره اتعود مع اهله وهذا الي مضايقني احسه اذا قلت له مابي اروح يضايق ويحس ماحبهم .

والله يا اختي مشاااكل الدنيا واجد والي يشوف مصيبة غيره تهون عليه مصيبته ،،

مشكوره مره ثاانيه ،، يعطيكِ ألف عافيه

والله زين في ناس تعاني مثل معاناتي ههههه ..، الله يكفيك الشرر

انا من بعد الملكه اسبوع كامل كل يوم اروح بيتهم وأطفش الحين من ملكنا ماكملنا 20 يوم و هم اخواته اكبر مني بكثثير ماحس اذا سولفت معهم أخذ راحتي ،، يعني اذا رحت اكون جنب بنات اخوه و بنات خواته وأسولف قليل اسأل عن الدراسه واسمعهم .

والسكن راح يكون مستقل عن بيت اهله بس هم الزيارات عندهم مستمره يعني مايمنع انت ساكن بعيد قريب تجي . الله يعين بس لوو نقعد ساعه ونطلع كان اهون بس هوو يطول ووقت ما اخته تبي تمشي يقوم بس أنا اذا قلت له ابي امشي يقول ازهقتي اقول له لا عادي بس طولنا يقول خلينا . عالعموم

مششكووره أختي على الرد

والله ريحتي قلبي ،، أنا قاعده اسوي الي تقولي عنه ابين له قدامهم اني مبسوطه حتى لا يضايق بس اذا قلت مابروح يوم يقلب الدنيا زعل حتى جواله يقفله ومايعطيني فرصه افهمه .

أهلين فيكِ أختي ،، سعيده لردكِ علي ..

يمكن يكون السبب مثل ماقلتي لأنه تصرفاتي مع البقيه طبيعيه أما مع أخواته مدري احس بارتباك ودي أعرف وش سبب رفضهم زواجي من أخوهم ، هل هو عيب في شكلي أم ماذا ؟! تخيلي حتى لما اخوهم قال ابي اتقدم الى فلانه اخته قالت ماراح تجي تخطب ويشوف له ناس يخطبوني طبعاً كل هالكلام علمني وياه بعد ملكتنا ، أو يمكن فارق السن بيني وبينه وأني صغيره ماراح أسعده أو لن أفهم الحياه الزوجيه . الله يهدي الجميع بس والله أفكاار واجد ادور براسي .

أحنا عاداتنا عادي فترة الخطوبه يشوفني لانه بينا عقد وأعتبر زوجته خلاص ، بس بحدود يعني صحيح كل يوم بس ماتوصل الى النوم معاً .

غاليتي ،، أشكركِ من الأعماق على التعقيب وعاادي مازعلت بالعكس أرتحت فيه أحد يسمعني ويرشدني

يعطيكِ العاافيه قلبوو