السلام عليكم ورحمه الله وبركاته
مدري انا قاعده اكتب لكم وعيوني مليانه دموع
اراهن اني اتعس متزوجه بوجه الأرض كله !!!!
ما اعتقد في حل لمشكلتي الا لطف الله لكن حابه اكتب يمكن وحده فيكم عندها حل للمصايب الي عايشه وسطها ….
نفسيتي اتدمرت بسبب زوجي واهله ,,,,
قصتي بإختصار ……
هي طويله بس بحاول اني اختصرها
وانا بعمر 18 سنه جا اخوي الكبير من ابوي وقال لي فلان من العيله الفلانيه اتقدم لك ( تبين لي بعدين ان اخوي الي عرضني عليه )
المهم مثل كل بنت في هالدنيا فرحت وبدأت اصوغ احلامي الورديه لكن للأسف …..
المهم خطبني بأجواء عائليه وتقليديه ، واتفق مع اخواني انه بعد 6 شهور راح يتزوجني …
وانتظرت وانتظرت ،،، ال6شهور ذي صارت سنه ,, سنتين …… وتمت الملكه بالمحكمه
وبعد الملكه بدأ يكلمني تلفونات وكان رائع ومهذب ولبق صراحه تعلقت فيه
وطبعا بعد الملكه ايضا طووووولنا لين صار الزواج ( بعد 3 سنوات ايضا )
يعني مرت 5 سنوات على الخطوبه وبعدين تزوجنا
لكن تفاجأت …..
اول شيء بعد الزواج مارجع للعمل ، وكان يخرج لأصحابه بكثره ,,,
تخيلوا بعد الدخله بيوم جابهم ع الفندق !!
وبعد اربعه شهور من الزواج وبعد معامله سئيه من عماته الي عايشين معنا في نفس الشقه تهاوش مع وحده فيهم وذلك بسبب اهاناتها المتكرره لي ،،،
وعاد هي لهاللحظة ماتطيقني وبالتالي عمته الثانيه ماتطيقني وابوه مايطيقوني لأن زوجي هاوشها عشاني
حملت وطول فتره الحمل محد طل في وجهي حتى زوجي بنفسه كان يسيبني تعبانه ويرجع الصبح واحيانا الظهر كله هذا فينه ( عند اصحابه )
وانا ماغير اصبر واتحمل واصبر واتحمل ،، وضعي كسفه ( في بيت اهله + معامله سيئة + مايجلس زوجي عندي الا وقت النوووووم بس والباقي داشر بره )
قبيل الولاده صارت مشكله بيني وبين ابوه وهي تافهة نوعا ما ( ابوه يبيني اعطي جهاز النت تبعي لولده وانا مارضيت وعاد غصبني ابوه وفعلا اعطيته لولده لكن لمن زوجي دري تهاوش مع ابوه وقال له انتوا تحتقروا زوجتي و و …… )
المهم ابوه طردنا من البيت وانا ولدت عند اهلي وجبت ولد زي القمر ،،، ولكن …… بعد الولاده بدأت تعاستي
اول شي ابوه اقنع زوجي اني انا انسانه سئيه جدا وطيحت بينه وبين اهله واني انقل كل اسرار بيتي وبيت اهل زوجي لأهلي وزوجي بعدها ارسل لي مع خواته بإني ( لا ترجعي البيت ومعاد ابغاك )
طبعا ابوه انتقم مني لأني شكيت لزوجي عن موضوع جهاز النت الي غصبني اعطيه ولده الصغير
جلست عند اهلي وحيده وانا نفاس ،،، وانا نفاس اركض بولدي في المستشفيات تطعيمات ومواعيد وحتى طهوره انا طهرته وزوجي مايدري عني ولا عن ولده اي شيء بس كل ماجات سيرتي صرخ ( ما ابغاها .. ماابغاها )
وانا ارسل له مسجاااااااااااااااااااات واتصالااااااااااااااااااااااات بإني بريئه والي ابوه قاله عن كذب في كذب وبعمري ماطلعت اسرار زوجي وبيت اهله لأحد
وزوجي بس طناااااااااش
فتره رمضان جلستها عند اهلي وانا كل يوم ابكي داخل لحافي عشان محد يشوفني ،، يشوفوني يقولون لاتبكي ولدك يرضع منك لكن شييء فوق الإحتمال
بالعيد كنت اتفرج ع البنات كل بنت يدها بيد زوجها وعيالها وسعيده وانا احضن ولدي وابكي بقووووة زوجي الي رماني بعد كل اللي تحملته منه ومن اهله …..
بعد العيد بـ 3 ايام اتصلت ع زوجي من رقم غريب ورد اخيرا ( لأن الرقم غريب )
وقلت له هالحال الي انا فيه لين متى ؟؟؟ انا مو معروف وش وضعي معاك
بعد دقايق رجع اتصل ع رقمي وقال لي لمي عفشك وعفش ولدك وارجعي … وانا فعلا رجعت رغم ان اهلي واخواني قالولي لاترجعي واستني يجي بنفسه يراضيك وترجعين بشروطك ،،، لكن لاتلوموني وضعي عند اهلي كان جدا كسيف بيتهم ع القد ع القد الكل ينام بغرفه وحده ومو مرتاحه برضاعه ولدي وابوي ساكن فوق هو وحرمته دايما كان يقول عني بيتي يتعذرها وبيتي مايحتوي مطلقاااااات
فكرت للحظه اني اسكن بالحرم بس ماينفع ،، معي طفل رضيع !!!
اضطريت ارجع …….
الله لايوريكم الجفاف والقسوه الي اشوفها لهاللحظه من زوجي ،،،،
اول 3 شهور ماقرب علي ابدا ولا لمسني اطلاقا رغم اني كنت اتكشخ واتعطر واتمكيج واحيانا اتقرب منه بطريقه جريئة جدا ولكن رفضني بكل اساليبي واعطاني ظهره !!!
مافتحت معاه اي موضوع من الخلافات ،، نصحوني بإني اتعامل معاه كانه شيئا لم يكن ،،، بس هو ماتعامل معي وكأن شيئا لم يكن
وبعدين في يوم فعلا نام معي ولكن لامقدمات ولا شيء مثل الحيوانات وهالشيء كرهني فيه بقووووة وصرت انفر منه ومن هالشيء!!!
وعاد كل الفتره ذي الي لازلت اعيشها اهله يعاملوني بجفاء وتكبر واحتقار لايكلموني ولايرضون اشاركهم سفره وحده ولو مديت يدي اسلم على عمته ذيك تصد عني وتقلب وجهها ،،
وزووجي ،، تعود بشكل يومي وخلاص صار بدمه ،، انه ينام بره البيت كل يومين ثلاثه يرجع البيت عندي وينام بالغرفه بدون لاسلام ولا كلام ولانظره حتى بس يلعب مع الولد وينام ،،، اوقات اشك انه متزوج علي لكن هو مو حق زواج ومسؤوليات ،، هذا في حال ماكان متزوج وحده مقتدره تصرف عليه واخذته مني بالكااااااامل !!!
والحين هو بعد بره ،،، ومن اسبوع رجع من جده بعد ماجلس فيها 3 اسابيع ،،،، 3 اسابيع ولا اتصل ولا سأل وبهالفتره ولدي سخن والتهبت حنجرته واذنه وماغير اهلي الي يجون ياخذوني ويرجعوني وهو بس يقول ع الواتس اب كيف الولد وبسسسسسسسسسس
بالحج اشتغل بمكة شغل موسمي ،، وكان سابقا واعدني بإنه اذا اشتغل موسمي بعد الحج يخرجني بيت لحالي بعيد عن اهله
وبعد الحج وبعد ماخلص شغله شراله سياره ماركبتها غير مره وحده والباقي ولا شفتها حتى طول الوقت يفرفر فيها
كذب علي وضحك علي وغشني ،، كان يقول لي بتعيشي احلى ايام معي ، ابسعدك وابدللك وبخرجك كل مكان ،، اهلي راح يحبوك ويموتوا فيكي
كله طلع كذب ،، واهله يااما يخلوني خدامه يا اما تستاهل الإهانات
والحين زوجي سجلته بيدي في حافز ،، هذا ثالث راتب ما اشوف منه ولا ريال وكل ماطلبت منه يقول ما معي ،، وين حافز يقول لي ديون !!!!
انا اردنيه ومامعي شهاده ماكلمت المتوووسطه واقامتي منتهية وزوجي سعودي لكن مانقلني ع كفالته ولا سوى اوراقي واوراق ولده
شلون اشتغل واصرف ع ولدي ،،، زوجي مامنه امل بس دوره بالحياه يروح ويجي لأصحابه لأنه تبع حشيش وسكر ،،، وانا كل المسؤوليه ع ظهري وكل الأبواب قافله بوجهي الا باب الله ،،،
وحده عرضت علي اشتغل بصالون ولكن مامعي فلوس الدوره ولامن يساعد فيهم
ما اقدر اتطلق لأن ابوي مايباني في البيت عنده حتى لو تطلقت يقول تدبر عمرها ،، وهو وولده الي ورطوني بزوجي ،،، كنت ارفض قبل ما يملك ولكن طنشوني !!!
زوجي مايصلي ولا فرض ولايرضى يقوم يصلي ،،، وكل يومياته خارج البيت ،، لايجلس معي بغدا ولا عشا ولافطور غير مره بالشهر والشهرين !!!
تعبانه نفسيا ،، كل ما اشوف وحده تكلمني عن زوجها والمواقف الي بينم اتضايق ودي احكي لها شيء حلو بس مافيه والله العظيم مافيه ،،،
الحمدلله الذي لايحمد على مكروه سواه
الي تقدر تساعدني لو بدعوة لاتبخل علي
يارب فرج كربي وكرب كل متزوجه تعيسه ياااااارب
عارفة المشكلة اني انا عايشة بالاردن
يا روحي انت الله يتكرم عليكي بفضله
يارب يفرجها عليكي من واسع علمه
والله قلبي اتقطع حطيت حالي مكانك ما اقدرت
اتحمل الوضع ثواني ……..
حبيبتي لو بأيدي اساعدك بساعدك بس العين بصيرة والايد
قصيرة ياريت لو اعرفك حابة اعرف مين الي الله مشتاق لسماع صوتها
حبيبتي عزائنا الوحيد ان هل دنيا مزرعة الاخرة
واهم شيء واهم نصيحة لا تكوني ضعيفة لاتكوني ضعيفة
دبري شغل ضروري وأمني حالك انت وابنك بأقامة وزبطي اوراقك ووضعك
وضلك ورى زوجك واضحكي عليه بالتي هي احسن
وبعدين ابتطلبي الطلاق من هل متوحش وبتصرفي على حالك من شغلك
وعلى ابنك كمان والله ما رح ينساكي
وظلم الاب اهون من احتقار الزوج وذله
وحسبي الله ونعم الوكيل حسبي الله ونعم الوكيل
متوحش مو رجال هذا
تبين الصراحه؟؟؟؟؟؟؟؟؟؟
نار ابوك ولا جنـة زوجك
ع الاقل ابوك يمكن يجيه يوم ويحن على بنته ولا اخوانك يحننوا قلبه عليك
وعلى حسب كلامك انهم قالولك لاترجعين له هو راح يجيك يراضيك ( معناها لك خاطر عندهم ومحترمينك)
الله يفرج همك ويرزقك من حيث لاتحتسبين
اللهم اني اسألك باسمك الأعظم الذي اذا سألك به احد اجبته واذا استغاثك به احد اغثته واذا استنصرك به احد نصرته ان تفرج هم صاحبه المشكله
ربي يحفظ لك ولدك ويجعل البركه فيه ويعوضك عن عمايل ابوه حسبي الله عليه
موفقـه غاليتي،، دعواتي لك
ويفتح لك ابواب رزقه ويجعلك من اسعد خلقه
اسأل الله ان يفتحها في جهك ويزيل همك
ياشيخة والله كسرتي خاطر ي
مااقول حسبي الله ونعم الوكيل