مشكلة العادة السرية والعادات العائلية -تم الرد 2024.

والصلاة والسلام على اشرف الانبياء والمرسلين سيدنا محمد وعلى آله وصحبة وسلم اجمعين اما بعد

اخوتي واخواتي امهاتي وصديقاتي

السلام عليكم ورحمة الله وبركاته
انا فتاة في العشرين من عمرها متعلمة جامعيه وعندي مشكلة كبيره ما ادري ايش اللي اسويه فيها اولا مشكلة العادة السرية وانتهيت منها الحمدلله ولكن بقي عندي مشكلة في اهلي وعاداتهم

اولا اهلي ناس لهم عادات متخلفه مثل اننا ما نتزوج الا من ناس تكون من قبيلتنا
او يكونوا اغنياء او انه بيسفرني للبلاد الفلانية
اناحبيت شخص حاله مو طيب ولكن قلبه كبير وانا حبيته بس من كلام الناس عنه الناس كيف تتكلم عنه تتكلم بطيبه واخلاقة اهله مبسوطين منه امه واخواتهم واهله كلهم امي درت اني احبه حاصرتني من كل الاتجاهات من كل طريق ضيقت علي جميع السبل اني احب هالانسان حتى انه ما يدري اني احبه او لا
لانه في حاله انا حبيته بس هو ما يدري عني
وكنت احلم انه يجي في يوم ويخطبني
مرة سألتني اخته اللي كانت تماشيني وتدرس معايه قالت كيف طريقة الزواج عندكم
قلت لها الطريقة فقالت الله يوفقك ان شاء الله
جا في بالي انها كانت بتخطبني لاخوها
ولكن لما سمعت العادات اللي احنا نمشي عليها بطلت تفتح معي الموضوع
امي تحبني وانا ادري وانا احبها اكثر من اي شي في الدنيا
ولكن معاملتها معي ما تعجبني
يمكن لاني البنت الوحيده وخايفه علي او يمكن لاني الوحيدة اللي في بيتنا شاطره وعقلي متفتح وافهم بسرعه
دققت في كل شي في شي انا اسويه لدرجة انها صارت تشك فيني
اوقات ادخل لدورة المياه وابكي واطول في البكاء هي تدق علي الباب وتحسسني انا جالسه اسوي شي
في يوم خطر في بالي اني اشوف ايش فيني خايفه امي عليه وليه تقول لي دايم يا بنتي لو في حياتك شخص قولي كيف تبغاني اقول ان في حياتي انسان هو بنفسه ما يدري انه في حياتي
خوفي من غضب امي وابويه منعني اني اكون صريحة انا اخاف الله واخاف بشدة ولكن محبتي للشخص هذا مو بيدي ولا انا عصيت الله فيها
بالعكس انا احبه حب طاهر شريف عمري ما فكرت اني اخدع اهلي معاه او اني اكلمه رغم انه سهل الوصول له وقال رب العباد ان كيدهن عظيم
يا جماعة انا انسانه طيبة والله العظيم واخلاقي ما تسمح لي اني اسوي شي يزعل اهلي بس محاصرتهم لي راح تخليني اجن واسوي شي ما يرضيهم وبالسنبة للشخص هذا
انا احبه ومستحيل انساه حاولت صمت وتوكلت على الله صليت الاستخارة وارتحت للشخص هذا
حبيته من غير ما يدري ادري الكل بيقول لي انتي لسا صغيرة وهذي من وساوس الشيطان وبيجلس ينصحني سوي وصلي
الصلاة انا ما اتركها ابدا وصيامي منتظم ومتسمكة بديني وهذا الشي اللي مخليني ما اوقع في غلط اكبر من اني امارس شي بيني وبين نفسي
بتقولوون مو اسباب تخليك تسوي كذا معاكم في هالشي مو اسباب
بس لما تكون امي مهملتني وكل شي عندها غلط وحرام وكل ارائنا ما تساوي عندها شي بيخليني هالشي افكر الف مره في اشياء ممكن تزعلها بس انا بعقلي ولا راح اسويها بس ابغى حل كيف اتعامل مع امي
ولما اكون احب انسان بعيد عننا وابغاه واتمناه من الله وخوفي اني اصارحها بالشي هذا عشان ما اطيح من عينها او تقول لي كلام يجرحني او انها تضربني
الضرب مقدور عليه بس اذا كان ما توثق فيني وانا ما قلت لها شي ومجرد بس انها حست اني احب اخو صديقتي اللي هو اساسا محترم مع نفسه قبل لا يكون محترم مع غيره
فكرت كثير قبل لا اكتب فكرت وفكرت ولا لقيت حل
ما ادري بلقى الحل والا لا ..؟؟
ما ادري المشكلة الاولى وتخلصت منها وهي العادة السرية بطريقة انا اخترعتها لنفسي وهي اني كلما حسيت اني ابغى اسوي هالشي اشغل نفسي في شي بعيد عنه او اني اكلم صديقتي وبالمناسبة انا كنت اعرف وحده وبرضه امي منعتني اني امشي معاها ثاني برغم ان البنت محترمة يمكن عشانها في سني وتزوجت امي خافت اني اتعلم منها شي طيب انا اقدر اتعلم من غيرها بس امي الله يهديها ويخليها لي ما ادري كيف اتعامل معاها

بنتكم