مشكلتي يابنات مضايقتني وتسببلي مشاكل كتيرة مع زوجي
اهل زوجي من النوع اللي يحب المشاكل ويحبوا دائماً يحكوا على الناس ويعلقوا وينقدوا كل شي في الناس .. وفي نفس الوقت يشكروا في نفسهم ويقعدوا طول الوقت وهم يمدحوا نفسهم مع العلم وبعد مخالطتي وعشرتي بيهم عرفت ان كل الاشياء اللي يعيبوها في الناس موجودة اصلاً فيهم .. طبعاً حتى انا واهلي ماخلونا في حالنا .. مرة صاروا يتكلموا على اخويا ومرته قدامي انا واختي والسبب كانت اخت زوجي حامل وولدت واخويا جابلهم هديه بسيطة لان ظروفه شويه صعبه ماعملوا حساب لوجودنا وصاروا يعلقوا ويستهزئوا .. صدقوني حسيت باحراج وغضب وكره ليهم بشكل كبير لان هادي مش اول مرة يسسوها معاي ودائماً يمدحوا في نفسهم ويذموا فيا بطريقة غير مباشرة ..
حتى ابني ماسلم منهم ومن لسانهم يوم اللي ولدته ام زوجي الله يسامحها ما قالت غير (( مش حلو مش طالع لينا .. واحنا ما نجيب اعيال بالشكل هادا ..(( استغفر الله العظيم )) والله قعدت ابكي يومها من حرقتي وانا كنت والده ماكملت اسبوع .. والحمدلله معاملتي ليهم احسن من معاملتهم مية مرة وعمري ما رديت عليهم بكلمة بس اكتم في صدري واضايق واحياناً يبان على وجهي
طبعاً كل شي يصير يحكوه لرجالتهم ومنهم زوجي والمفروض هادا كلام نساوين وما يحكوه للرجال .. فلانه قالت فلانه جابت ويستهزوا بالناس ..
لما اقعد انا وزوجي نتحدث هو ما يقولي عن كلام اهله لكن احياناُ كلام يجيب كلام ويقولي عن اشياء قالوها بصراحة في نفسي اتضايق لاني عارفتهم واعرف نص كلامهم تبلي على الناس … احياناً الكلام يكون عن اهلى أو اختي او اخويا .. الصراحة ما امسك نفسي واتكلم واقوله فيهم كذا وفيهم كذا طبعاً زوجي يزعل ومايعجبوا كلامي (( اكيد مافي احد يرضى بأي كلام عل اهله ))
المهم يابنات انا اللي اريده كيف اتخلص من الكلام مع زوجي عن اهلى واهله والله احاول قدر الامكان اتجنب الموضوع وحتى هو نفس الشيء …. لكن يجي يوم ونرجع نتهاوش……… قولولي ايش الحل اعطوني نصيحة كيف امسك اعصابي واحاول ما التفت لكلامهم …. صدقوني ما احب المشاكل وما اسويها بس والله يقهروني
انا في مشاكل انا وزوجي والسبب هم (( حسبي الله ونعم الوكيل ))
انقلك ماقريته عن اخت لنا في الله بسبب مشاكل زوجها واهله
تقول /زوجي يسمع كلام اهله في كل شئ واهله يكرهوني ومسببين لي مشاكل مالها اول ولا تالي وهكذا عايشه في دوامه مشاكل اخيرررا طقيت مليت انفجرت وما ادري كانت اظن بتطلب الطلاق او لا مش متأكده
المهم قالت بجرب حل اخير طبها جربت كل الحلول ما فادت وهي ماتتكلم الحل الاخير هو
تقول /قلت ما في إلا سهام الليل لاأنها ماتخطئ
تقول كل يوم اقوم اصلي الليل وادعي بالفرج وانحلاال مشاكلي
واستغفر في اليوم بدون قدر وانا موقنه بالله بيفرجها ولم استعجل ابد
تدرين وش اول شئ تحسين فيه الراحه الثقه الطمأنينه
وتقول والله انهم الأن يبوسو الارض الي امشي عليها وزوجي يقدرني ويحترمني بشكل فضيع واهله يموتون فيا وتقول كل هذا إنقلاب مفاجئ
سبحان الله سهام الليل لاتخطئ
والله هذا تقريبا ماقريته وش رايك فيه
تحياتي لااريد سوى الدعاء لي بالذريه واختاي وكل محروم
انا مش بقوللك الكلام ده عشان اتفه من مشكلتك والله ابدااااا
انا حاسه بيكى جدااااااااااااا ومحدش يحس بالنار زى اللى انكوى بيها ادعى الله وقومى الليل تقربى من الله على قدر المستطاع استغفرى الله وتأملى قول المولى عز وجل" ولا تألوا ولا تحزنوا وانتم الاعلون"
واعلمى ان الله معك
واسمعى كلامهم واضحكى فى سرك او ادعى الله يهديهم مع ان الهدايه خساره فيهم
اختك ام بيدو
وربي يرزقك الذرية الصالحة انت واخواتك وكل محروم
اختي العزيزة شوكولاته بالفراولة انا بعد احبكم واحب كل الاعضاء الطيبين في هذا المنتدى الرائع
ومعاكي الحق الشكوى لغير الله مذلة ومافي غير رب العباد يشوف ويعرف الظالم والمظلوم
وشكراً ليكي على النصيحه
اخواتي شرود قلب وام بيدو ..اكيد بيوت الناس مليانه اسرار ومشاكل ومتل ما قلتوا اللي يشوف بلوة غيره تهون عليه بلوته
الحمدلله على كل شيء واستغفر الله العظيم واتوب اليه