كيفكم صبايا 
هالمرة سفرة فطور خفيفة ولطيفة هههه
هي صور للسفرة
التوست المحمص
بما انوا ما عندي توستر وانا احب الخبز المحمص ، اجيب قلاية تيفال واحميها شوي وبعدين احط كل قطعة لمدة بسيطة تقريبا دقيقة وبعدين اقلبها
طعمه بشهي
بلوبيري مفن ( مفن بالتوت البري الأزرق)
طبقت طريقة نسمة للمفن على هالرابط
بس الفرق اني اضفت البلوبيري بدل بوردة الكاكاو
لبنة مبهرة بالثوم
نجيب اللبنة الجاهزة ونضيف ثوم مهروس وفلفل احمر مطحون او بابريكا ونضيف نعنع ناشف او اوريجانو ونضيف ملح وطبعا الزيت
وتقدم باردة
سلطة الحمص
نحمي ملعقة كبيرة من زيت الزيتون ونضيف بصلة صغيرة مفرومة وثوم مفروم وزنجبيل طازج مبشور او مفروم ونتركهم شوي
وبعدين نضيف الحمص وعصير ليمونة ورقائق فلفل احمر او مطحون وشوي ملح ونتركه شوي لما يتنشف
وبعدين نشيله عن النار ونضيف كمان زيت الزيتون ونضيف الكمون والبابريكا ونقدمه بحرارة الغرفة
حلوم مقلي
نحمي الزيت ونضع الحلوم ونتركه لما يتحمر على الوجهين وبس ههه
وطبعا لازم الزيت والزعتر (صنع ماما حبيبتي )
وقطع الزبدة والعسل وكمان كراميل جاهز
وإلي مغ شاي كبير وزوجي عصير توت جاهز
ان شاء الله تكون عجبتكم السفرة
وإلى لقاء آخر
كالعادة سفرة بسيطة لكنها جذابة
عجبني المفن نفسي يوم اجربه
سفرة عامرة
تسلم ايديك
فطور جدا رائع
يفتح النفس
اللبنة حلوة…وما في بعد الزعتر البيتي الله يخليلك الماما,,,
والمفن اممممم بيجنن
وكوب الشاي حلو ومبين انو الك….مع هلوووكيتي :))
ماشالله على النشاط الحلووو موفقة ياالبي
بصراحه فطور خفيف وشكلو كتيييير زاكي
انا كل شي عجبني
ورح اجرب المفن شكلو بيشهي
يسعدك ربي ويوفقك
وخفيف وبشهي
الزيت وزعتر وجبة اساسية عندي على فطور
ولبنة يااااااي شو بتشهي عنجد كتيييييييييييير سفرتك روعة
موفقة
والله خجلتوني كتير
هادا انا بحب الأكل كتير وبهمني الفطورو بهتم فيه وبحب يكون مرتب وبسيط
وتفضلوا عندي بعملكم أحلى فطور :))))