مرحبا بالدلع ..والغزل.. والرقه ..
. . . . . . . . . . . . . . . .
تررررن تررررن ترررن " ابونا يتصل بك"
هي : الوه
هو : هلا
هي :هلا هلا
هو : اخباركم..؟
هي : ماعلينا..
هو : اخبار العيال؟
هي : عيالك ذبحوني دحيم طابن في بطن عزوز يالله فكيتهم وهياء متشابكتن مع منيره يالله فكيت شعر منيره من يدها وسعودي طايح من المشايه ومنشق برطمه كله من هالشغاله الفاهيه الله ياخذ عمرها ماانتبهت له ماتشوفني لاهيه اكلم امي 
هو : يالله يالله انا جاي في الطريق تبون شيء ؟
هي : ايه جب خبز ولبن ومر الصيدليه جب حليب ولزاق لسعودي ولا تنسى مر ابو ريالين وجب الوان لدحيم وقص ولزق لهياء وشنطة خياطه لمنيره شكثر طلبات هالمدرسات ورى ماتجيبها هي وشو له تاخذ راتب وش بعد اذا ذكرت شيء دقيت عليك ولا تصيف عشان عقب الغداء بروح لاهلي اختي متهاوشتن مع رجلها و بروح اشوف لها حل يالله قطعتني عن غداي تبي شيء
هو : لا لا يالله 
هي : يالله اجل طراااااااااااااااااااااااخ …طوووط …طوووط
هو : الو ..الو.. شكلها صقعتها
. . . . . . . . . . . . . . . . .
ترررن ترررن ترررن ترررن "حبي يتصل بك"
هي :هلا حبي ..
هو : هلا حياتي .. اخبارك ؟
هي : تمام ياقلبي.. اخبارك انت ؟
هو : الحمد الله .. اخبار العيال ؟
هي : بخير الحمدالله شوي يتزاعلون وشويء يلعبون …:g[100]:
هو: ياحليلهم… الله يعينك عليهم.. انا جاي باالطريق تبون شيء؟
هي :ماعليك امر بس لا تنسى الاغراض اللي ارسلت لك بالمسج..:rose:
هو : ان اشاء الله ..تبين شيءثاني بعد؟
هي :ايه… لا تتاخر.. مشتاقه لك…:g[100]:
هو : هههههههه.. ان شاء الله فمان الله حبيبتي
هي : فمان الله حبي…:g[110]:
.اي من الزوجين متلهف يرجع للبيت بسرعه؟
اي من الزوجين يمشي بشويش بالطريق مايبي يرجع بسرعه؟
اي من الزوجين بيلاقي الراحه والسعاده في بيته؟
اي من الزوجين بيدور الراحه والسعاده في استراحه او غيرها؟
اي من الزوجين بيروي عطش غرائزه ومشاعره في احضان زوجته؟
اي من الزوجين بيروي عطش غرائزه ومشاعره في احضان امراه اخرى؟
الجواب : اعتقد واضح
ابي تشاركوني بارائكم
وزوجك ينسى تعبواا
والحمدلله على كل شي
مشكوررررررررررررررررة حبيبتي بس والله ضحكتيني بالاولى
ذكرتيني لما اكون معصبة على ولادي الله يخليلي ياهم يارب
ويخلي ولادكم
تقبلي تحياتي..
تقبلي تحياتي…
اسأل الله ينور بصايرنا وينفعنا بما كتبنا