السلام عليكم اخواتي … ان شا الله الجميع بخير..
متضايقه مرررره لأن اختي حبيبتي رح تتزوج وتخليني 
انا قصدي يوم كتبت محد واقف معي يعني قصدي يدعمني بحبه لي
لاني انا ماقدر اعيش بدون مايكون فيه احد جنبي ..مافيه احد يقدر يعيش كذا بدون محد يهتم فيه والا يسأل عنه عالاقل لو شخص واحد ..
وانا كان هذا الشخص اختي .. بتتزوج وبتروح ديره ثانيه حنا بالرياض وهي بتروح جده 
انا اصغر وحده بأهلي عندي اخ وعندي هالاخت بس
عندي صديقات الحمد لله بس مو قريبين مني مثل اختي يعني بس يكونو معي وقت الدراسه وبعدين بالإجازه خلاص مانشوف بعض
وكل وحده تنشغل مع اقاربها وحتى اذا حاولت اطلع معهم والا يزوروني اهلهم مايخلوهم ..
انا حظي مو حلو في صديقاتي لانهم يجيبون لي الهم بس جالسين بالبيت ..
حتى بزواج اخوي اناديهم ويقولو مانقدر وانا ابيهم يوقفون معي..مابي اكون لحالي .. يارب انكم فهمتو علي
والله كل ماتذكر ان زواج اختي قرب تنزل دموعي لاشعوري .. كل شوي وانا اصيح بس ما اعلمها عشان ماتتضايق..مدري وش بسوي بالزواج احس اني بنهار ..
انا فرق بيني وبينها 3 سنوات ودايم معها من يوم انا صغيره وناشبتلها كل مكان تروحه اروح معها ..
صدق هي تكرهني وتقول انتي تبثريني وناشبتلي ومرات تتضارب معي وتضايقني وتتريق علي
بس انا احبها غصبا عني مدري ليه..حاولت اكرهها بس ماقدر..
بس تدافع عني اذا احد ضايقني واخذ شورها بكل شي .. مدري كيف اقولكم ..
بس تعبت كل شوي وانا ابكي خلاص ابي اتعود اعتمد على نفسي وش فيها اذا جلست مع اهلي مو لازم تكون معي اختي ..
مو انا بس اعتمد على اختي كل البيت يعتمدون عليها عشان كذا رح نفقدها مررره..تعبت انا محد معاي غير اختي بعد الله طبعا.
نسيت اقولكم عن باقي اهلي امي ماقدر اكلمها كثير لانها تعبانه واذا فضفضت لها بس تتضايق معي وانا مابي اضايقها
وتقول تعبتوني بمشاكلكم والصدق الله لايلومها خلاص الى متى الواحد يستحمل عشان كذا ماعلمها عن مشاكلي ,,
وابوي دايم يطنشني لانه يرجع من الدوام تعبان,,واخوي بس جالس عالنت 24 ساعه,,
لحد يقول عني نفسيه بس صدق الواحد ماينبسط بحياته الا بهالناس وجمعتهم ..
حتى اقاربنا كل واحد في ديره لا وزعلانين من بعض بعد ومشاكل..
صرت افكر بالناس كثير اقول محد بيوقف معي بفرحي محد بيوقف معي بحزني .. الله لايشغلنا الا بطاعته بس ..
انا احب اكون اجتماعيه بس الوضع مايسمح خصوصا اذا كانو اقاربنا مايسألو مره ..حتى بالعيد امي اللي تعيد اخوانها والله قلة ادب اخوانها اصغر منها ماعايدوها ..
ادري ان ربي وحده اللي يحل المشاكل بس ارتحت كثيييير يوم كتبت لكم لحد يتريق علي الله يخليكم والله يتمم لاختي على خير ياااااااااارب 
عآدي غلآتي توآصلي معهآ بآلوآتس كلميهآ مآفيه مشكله
وآلحيآة كذآ تتعودي وربي يتمم لهآ على خير
بكرآ تتزوجين وزوجك يملآء حيآتك سعآدة آن شآء آلله
وآلف آلف آلف مبروووووووووووووووووووووووووووووووك
بس مو معاناها انها كل الدنيا ! وحكايتي غير عنك انتي هذي اختك وتحبون بعض ومافرق بينكم
إلا الزوااااج.. طب الي فرق بيني وبين بنت عمي الخيانه والطناش والبرووده … ؟؟
يعني اختك مو كل الدنيا يا قلبي … فاهمه شعوورك وهذا شعووور مرة حلوو وخصوصن راح تشتاقون لبعض أكثثثثثثر وراح يصير بينكم كلام وكذا.. الشيء إلي راح يفرقكم "الزواج" يعني لما تجي عندكم بعد الزواج راح يصير جلوسها مع امك اكثثثثثر منك وانا ما اقولها عشان اجرحك بس انبهك عشان لاتفتكريه انها نستكك ! … بس جلوسها مع امك لانها راح تاخذ فكره عن الزواج وي كذا كلام .. فهمتيني ؟؟
<< تراااااا اواسيكك أنا 🙂 … عشان لاتقولوين وش فيها اختي نستني وذأ :")
والله يوفقها ويوفقك ويسهل حياتكم … وعقبآآآآآآآلك d:
لا تضايقي حالك ، الزواج سنه الحياه اليوم هي تزوجت وبكرا انتي تتزوجي انشالله
تعتمدي على نفسك هالوقت محد بيدري عنك الا اهلك حتى الصديقات كل شي بمصلحة وبمقابل
اختي تزوجت وكنت انا وياها مرررره مع بعض ونفسك بالضبط مشاكل وناشبه فيها
ومومستوعبه انها بتتزوج وتزوجت بوقتها بكييت بالزواج كل شوي ابكي وحتى يوم رجعت البيت اصييح
وبعد كم يوم خلاص تعودت
صح اذا شفت خوات مع بعض اشتاق بس يالله هذا حال الدنيا
وانتي تتكلمين حسيت انك انتي انا هههههه
الله يفرج همكك ويكون بعونك عقباالك يارب