السلام عليكم ورحمة الله وبركاته ..
عمري 28 جامعيه لا اعمل حامله لمرض لا يمنعني من الزواج .. والبعض من التخوف يرفضني
مب عارفه من وين أبتدي .. انا فتاه على قدر من الجمال ظروفي العائليه صعبه عشت لفتره حياه قاسيه ويوم كبرت تغيرت الظروف للأفضل امي وابي يعجز عنهم لساني عن الوصف دايما معاملتهم قاسيه دايما أسلوبهم فالكلام يجرح .. احدى اخواتي تزوجت هربا من المعامله السيئه واختي الثانيه تزوجت غصبن عنهم وغضبوا عليها وقاطعوها لفتره وبعدها رجعت الامور لطبيعتها عندي من الاخوان خمسه امي تفضلهم علينا بكل شي وطلباتهم اوامر اما نحن البنات الفلوس علينا بالحسره .. المشكله مبين انه من التفرقه اللي صايره ولدو بين الاخوان والخوات الحسد والغيره والكره .. وبيتنا ما يمر يوم بدون مشاكل ضرب صريخ سب قذف فالناس يطلعون اسرار فضايح انغرست فينا من يوم كنا صغار اساسها امي وابوي .. في اي مشكله تصير اتعرض للطرد وانا بنت آخر مره انطردت فيها شهر ونص ومحد سأل فيني وبعدها انا اللي رجعت وتأسفت .. وانا عارفه اني على حق بس عارفه ان امي وابوي لو شو ما كان محد يعترف بالغلط رجعت وكللي حسره وقهر ما عدت اطيقهم ولا ابيهم .. كل ما احد يتقدملي يطلعون عليه ألف سبب ويرفضونه ﻷسباب تافهه امه فيها اهلهم فيهم شكله غلط نحن مب اي شي يقللون من شأن الناس كثير ويضحكون على اشكال الناس وتعبت اتكلم ومحد يسمعلي .. إلى ان انحرفت وصرت اكلم شباب ومن واحد لواحد وكنت بعدها اتحسر واندم ونفسي اترك هالطريق ابي ارجع للحلال ولكن اهلي يمنعوني بتصرفاتهم إلى وصل عمري 28 تعبت نفسيا وجسديا لا انام الليل وحالتي النفسيه تعبانه خايفه يضيع عمري وبعدها محد يبيني واقعد عاله على اهلي وفأي وقت وﻷي مشكله انطرد من البيت .. قررت اترك طريق الحرام و لﻷبد وما ارجعله واني اوقف فويه أهلي وأجبرهم على قراري وفعلن تركت هالطريق ويوم انخطبت ورفضو وبقوه وعاملوني بقسوه واذا ما عجبج عندج المحكمه وان لازم انساهم وما راح يسامحوني ولا راح يرضون علي وما نبي نشوف ويهك بعدين بصراحه انهرت بغرفتي وبكيت بحرقه مابي ارجع لطريق الحرام ولا ابي اعيش معاهم لا تقولولي اصبري خلااص صبرت بما فيه الكفايه مااا ابيهم ولا ابي اعيش معاهم ابي حل ابي اتخلص من هالطريق ترى بديت احس اني راح أرجع اواسي نفسي بطريق الحرام (الحرام اني اكلم وبس عمري ما تجرأت وطلعت ولا ارتكبت الزنا بس ابي احد يواسيني)
ابي حل ؟!
رايي من راي اﻻخت "نتعلم من حواء"
حاولي بالاقناع
لاتبكين لانه ماراح ينفعك
الجئي لله صدقيني هو اللي بينفعك
والله اعرف وحده لفت ودارت وطلعت للناس ومافيه فايده
بس مجرد لجوئها لله والحاحها بالدعاء ربي وفقعا ويسر لها امرها
اطلبي من الصالحين يدعون لك
وتذكري الحديث ولو اجتمعوا ان يضروك بشي لن يضروك الا وقد كتب عليك
وانتي واضح حساسه بزياده
في الف طريقه وطريقه عشان ترتاحين لكن انتي تختارين الاسهل
مثلا عندك القران عندك صلاه عندك الله الي خلقك وخلق امك وابوك بلحظه يقدر ياخذ ارواحهم ! وتصيرين يتيمه !اكيد هالشي بيضايقك لانك ماتبين يموتون
المهم حاولي هالفتره تنتظمين بصلاتك وكل صلاه بوقتها واستغفري بعد كل صلاه حول ال500 مره واقري كل يوم قران وشغلي سوره البقره اذا جيتي تنامين واستمري ع هالحال
وحيااتك بتتغير من جوا ومن برا