مراحب كيفكم بنات مشكلتي هي الصلاه بقولكم قصتي ما عرف شي اسمه الصلاه كنت اشوف اهلي يصلون بس ما اعرف وش الصلاه عرفت الصلاه من المدرسه يعلمونا كيف نصلي حبيتها و صرت اصلي اصلي حتى لو مافي وقت صلاه كنت اصلي احب الصلاه كثير اهلي ماكانو يقوموني لصلاه اني نايمه او صغيره او مو دارين عني كنت اصلي وبعض الاحيان اقطع بصف الرابع لا كنت اصلي صح صلاتي عشر دقايق تقعد وبالمتوسط ربع ساعه لكن جت فتره اهلي يتمسخرن علي كثير كانو ماخذين الموضوع مزح بس كنت اتحسس كانو يعلقون على خشمي عشانه طويله ويضحكون ولا تلبسين جلال خشمك طويل كنت استحي واروح اصلي بغرفة الضيوف لكن فجأه ومدري ليش ماعاد صليت ابدا ابدا والا ابي اصلي واحس بضيقه من الصلاه وبالم مابي اصلي واسوي نفسي ادخل الغرفه اصلي او اكب على نفسي شويت مويه اني متوضيه اسوي هالتمثليه لفتره طويله حتى في المدرسه تخرجت من المدرسه خلاص صار الشي علني وامي طقاق معي عليها ومسبات عشان الصلاه وصار عندي تفكير غريب ان الكفار مايصلون وربي موفقهم ليش اصلي واتعب عمري وتفكير غريب وافكار مو معقوله استغفر الله افكار سيئه حيل وغريبه هذا وداريه اني ربي مخليهم ياخذون راحتهم بدنيا وفي الاخره لهم عقاب بس مستمره بالغط قبل سنيتن صرت اصلي بس متقطع بسر بعدين تزوجت والحمدلله صرت اصلي كل يوم السنه والفروض زوجي طول وقته في الشغل ماعندي تعليقات او اسمع مسبات من احد عشان اقوم لصلاه وقوم على الاذان من دون منبه لكن زوجي خذ اجازه شهر ونصف مدري وش قصته في الشهر ونصف انت صليتي ماشفتك انت قمتي لصلاه ماشفتك رجعت بعد اذان لقيتك نايمه متى صليتي ماشفتك قمتي ليل ليش ماتصلين عندي بالغرفه ليش تروحين الغرفه الثانيه تصلين اقوله كذا اريح اركز بصلاتي اكثر مابي اقوله اني متعقده من الصلاه قدام الناس بسبب تعليقات اهلي من بعد ما تكلم معي مابي اصلي خلاص ما ابغى اصلي اهملت الصلاه كثير كل ما جيت اصلي اروح الهي نفسي باي شي عشان يروح موعد الصلاه وزوجي رجع لدوامه ماخذه راحتي لا صلاه والاشي لكن بداخلي الم فظيع اني ماصلي ودي اصلي ماصدقت التزم بصلاه تركت الصلاه بسبب تعليقاته ادري مو حجه بس مادري ليه ان انتقدني احد في الصلاه اتركها
قال رسول الله صلى الله عليه آله وسلم : (بين الرجل وبين الكفر ترك الصلاة )
قال رسول الله صلى عليه وآله وسلم وهو يلفظ أنفاسه الأخيرة : (الصلاة ، الصلاة وما ملكت أيمانكم ).
قال ابن القيم الجوزي رحمه الله( الصلاة : مجلبة للرزق . حافظة للصحة دافعة للأذى ، طاردة للأدواء ، مقوية للقلب ، مبيضة للوجه ، مفرحة للنفس ، مذهبة للكسل ، منشطة للجوارح ، ممدة للقوى ،شارحة للصدر، مغذية للروح ، منورة للقلب ، حافظة للنعمة ، دافعة للنقمة ، جالبة للبركة, مبعدة من الشيطان, مقربة من الرحمن )
قال رسول الله صلى الله علية وسلم
من ترك صلاة الصبح فليس في وجهه نو
من ترك صلاة الظهر فليس في رزقة بركة
من ترك صلاة العصر فليس في جسمة قوة
من ترك صلاة المغرب فليس في اولادة بركة
من ترك صلاة العشاء فليس في نومة راحة
وقال ( لا بارك الله في رزق يلهي عن الصلاة )
اعتقد هاذ كافي اختي تعرفين شنو يعني تارك الصلاة ؟؟ يعني كاااافر
عزيزتي كثير صادفنا مشاكل بحياتنا لكن ماتركناها تأثر علينا خصوصا بشئ من أمور الدين ..
يمكن هالشئ خارج عن ارادتك بس صدقيني لك يد فيه دام تركتي الصلاة وبعد ماتزوجتي رجعتي تصلين
وبعدين تركتيها .. هالشئ عزيزتي كفرر اللي تسوينه .. الصلاة هي عمود الدين واول مايحاسب عليه الشخص بعد وفاته .. اختي لاتخلين الشيطان يلعب عليك وتقول انا مااقدر اصلي بسبب انتقاد الناس او من الكلام انتي خليك قوية بالله .. وفكري بنفسك اذا كنتي تحبين نفسك راح تخافين عليها من عقاب الله لك بالدنيا والاخره .. حافظي على الصلاة وكل ماسمعتي الاذان رددي معاه وادعي بصدق ان الله يقربك للدين وللصلاة احفظي صلاتك وتذكري ان من حفظ الصلاة حفظ دينه وعرضه ومن ضيعها فهو لما سواها اضيع ..
حاولي تقرين كثير عن حكم تارك الصلاة " واستمعي كثير حببي نفسك بالصلاة ..
خصوصا ان انتي تركتيها لسبب نفسي " وهذا الشئ راح تتحاسبين عليه
وتذكري ان من يترك الصلاة ان الله ينظر له بعين الغضب يوم القيامة ..
وايضا حاسبي نفسك كثير ولاتظنين ان الحياة طويلة كلنا سنموت ونفنى ولايبقى الا عملنا الصالح
واوله الصلاة ..
وزوجك ماشاء الله مبين عليه محافظ على الصلاة خليه يساعدك بهالشئ
صدقيني لو تطلبين منه يساعدك ماراح يقصر معاك ..
اسأل الله لك الهداية وان يغفرلك مامضى وأن يفرج كربك وأن يجعلك من الصالحات ..