ما استمتعت بـ خطوبتي ولا بملكتي بسبب امي الله يهدي الطبيب يجيب 2024.

انا مريت بمراحل خطوبه جداً صعبه بدايتها امي رافضه زواجي بعناد ولو انه خطيبي وأهله ناس كويسين وأقارب بس امي مو موافقه حاولت اعرف السبب بس مافيه سبب مقنع وأسبابها جداً عاديه نلاحظه عليها اذا انخطبت من أشخاص لا وظيفه ولا بيت ولا أخلاق عادي توافق وبالعكس تلح على عشان أوافق امي نهائيا مو عارفه مصلحتنا واللي يعجبها يصير حتي لو غلط
لا هي مهتمه فيني ولا في خواتي وإذا اي وحده من خواتي صارت لها مشكله مع زوجها امي اول قرار تتخذه الطلاق
وانه عادي تطلقي ماتعرف تنصح او توجهنا خواتي تأخروا في الحمل وهي عادي وتقول مالها داعي تحملون أصلا الاطفال مصاريف وتعب وأختي الكبيره عمرها وصل للاربعين وهي م حملت ودائم أقول لامي ادعي لها دعوة الام مستجابة بس ما تهتم والكل ملاحظ إهمال امي لنا وعماتي كثير متعاطفات معنا ويلقون اللوم على امي احيان أقول يمكن لان امي تعتبر اميه م معاها شهاده عشان كذا تفكيرها محدود بس ألاحظ عماتي أميات بس ماشاءالله عليهم يهتمون بمصالح بناتهم
المهم ارجع لمشكلتي انا بعد رفض امي للخاطب استخرت كثير ووافقت بس فترت خطوبتي جداً صعبه ما حسيت نفسي مخطوبه نفس باقي البنات وأمي كل يوم طالعه ونازله بهواش اخذت فتره بحدود 6 شهور وبعدها تمت الملكه والله يابنات حتي ملكتي ماحسيت فيها طبعا صحيت الصباح ونظفة البيت وسويت كل شي وجهزت الحلويات والفواكه لين بعد العصر حتي ماقدرت اجهز نفسي لان بعاداتنا الملكه تصير للرجال فقط
المهم تعبت كثير وحاولت البس واكشخ أقلها لنفسي بس مافيه وقت وطبعا وقعت على العقد وانا لابسه بيجامه والله كل ما اتذكر ملكتي احس بقهر
وبعدها بأسبوع كنت بالدوام وجيت ونمت وصحتني اختي انه اهل خطيبي راح يجون وانا بوقتها مو عامله حساب وما كنت ادري أنهم بيجون وما عندي فستان ولا شي لبست تنوره سوداء مع جاكيت ومكياجي ناعم طبعا من لبس الجامعه بعدها سلمت وطلعت لاني استحيت وشكلي اقل من عادي وأخت خطيبي معاها الجوال وتبي تصورني وانا مادري طبعا انا ماكنت جالسه بس كنت اسمع كلامهم انه وين فلأنه نبي نأخذ لها صوره انا هنا تضايقة كثير
ورفضت اطلع مادري انا معاي حق ولالا والله مقهوره ما عملت حسابي نهائيا لا خطوبتي نفس باقي البنات ولا ملكتي انبسطت فيها ولا حتي الشبكه ماخليتهم يلبسوني إياها نزلو الهدايا وراحو وخواتي حاولو يتعذرون اني مستحيه وقالوا عادي بس حبينا نلبسها الشبكه وخطيبي طالب من خواته يصوروني انا عارفه انه من حقه يشوفني لان ماعندنا نظره شرعيه بس ليه اي موقف يصير ماكون عامله له حساب ودائم حاطه يدي على قلبي لاني خفت امي تسبب مشاكل مثل مشاكل ايام خطوبتي يعني مااستمتعت ب اي لحظه و زواجي بعد سنه
وانا لحد الحظه هذا كل ما اتذكر المواقف تنسد نفسي عن الحياة كلها ولا اتحمس للزواج احيان أقول راح تعوض اللي فقدت بالزواج وراح أحط كويشه وراح أصور بس مادري ليه كل ماتذكر ايام الخطوبه والملكة وزيارة أهله اتفشششششل واحس باحراج وانه ماعندي ذوق نفسي اعوض اللي ولا أفكر بشي راح
هذا مشكلتي أبيكم تريحون وتقولين لي حركتي بزيارة أهله وأني ما جلست معاها بس سلمت وطلعت لها داعي ولالا وطلب خطيبي للصورة طبيعي طلبه ولالا وتتوقعون وش اخذو عنى فكره انتظر ردودكم لاني بحاجه لها كثير

استغفر الله العظيم الذي لا إله إلا هو الحي القيوم و أتوب إليه

أما بالنسبه لتصرفـك ماجلستي معاهم عادي يمكن يعتقدون انك مستحـيه
وعادي كل تصرفاتك لا تهمينها الله يووووفقك ان شاء الله

المشاركة الأصلية كتبت بواسطة litchi قَـلبـي .. إدعي ربي يهدي وآلدتكِ وَ يحنن قلبهآ عليكم ، ومآبنسآكِ من دعآئي إن شآء الله .. المفروض جِلستي مع عآئلة خَطيبكِ ، إنتِ فقط كوني وآثقة بنفسكِ هذآ أهم شيء .. إنسي إللي مضى ، وعوضي الأن إشتري ملآبس جَديدة إذآ لآيعجبكِ مآلديكِ .. وإحسبي حسآب إن بأي وقت ممكن أن يحضروآ .. موفقـة والله يتمم لكِ على خير ..

👍👍👍💖💖💖

وبالتوفيق