السلام عليكم بنات .. شخصيتي تعبتني ومتضايقه حيل بسبب تصرفاتي اللي اسويها
نادر الاقي اشخاص تحبني وتهتم فيني نااااااادر ..
خن اقولكم اول شي وانا صغيره كانو صديقاتي توأم ويحبو يساعدوني بالواجبات ويشيلو شنطتي ويخدموني وانا اقول لا تساعدوني خلوني بحالي .. وبعد وحده وانا صغيره كانت يتيمه وانا مره جرحتها ..
ثاني شي .. جدتي الله يرحمها كانت تحبني مره وانا ما كنت اهتم فيها كثير والحين يوم ماتت توني احس بقيمتها
ولين الحين وانا مثل ما انا .. عندي وحده من صديقاتي دايم تسأل عني وانا انساها مرات
واخر شي اللي مضايقني حيل اني تركت صديقتي اللي كانت تقول انها محتاجتني وتبكي وانا مافكرت فيها ودايم اشوفها بالجامعه .. اذا شفتها جالسه لحالها اتضايق واقول ليتني اقدر اجلس معها .. بس خلاص تضاربنا وجرحتها بكلامي وماعاد فيه شي يتصلح
ليش انا كذا نفسيه الناس اللي يحبوني اكرههم واللي مايحبوني اتعلق فيهم
ليش يصير فيني كذا .. الحين انا حاسه بفراغ كبير واحس محد يسأل عني وفاقده ناس كثير
وأأنب نفسي اقول ليش سويت كذا ..ويمكن من اهلي وانا صغيره صارت شخصيتي كذا زرعو فيني الكره والاشياء الشينه وابوي بس كان يضربني انا مسامحته بس للحين هالمواقف ماقدر انساها .. وعشان كذا دايم اقول انا ما استاهل شي .. ما استاهل احد يحبني لاني تعودت على قسوة اهلي واذا احد حبني احسه شي غريب
حتى اذا احد سوا لي حفلة نجاح والا مفاجأه ازعل مدري ليه انا عكس الناس
انا منكده على نفسي بنفسي بس والله حاولت اغير من نفسي ماقدر
ولان ابوي كان يضربني لين عمري 15 كانت فتره طويله والحين هو بس يحترمني لاني ادرس بالجامعه حاط امله فيني اتوظف واعطيه راتبي ..لكن لو اترك الجامعه الله لايقوله شوفو وش بيسوي فيني
بناااااات ماعاد ابي افكر بهالتفكير اني مااستاهل شي ما استاهل ما استاهل ما استاهل حتى دراستي اقول انا ما استاهلها ودايم اتنازل عن حقوقي واذا اهلي عطو اخواني مصروف مايعطوني وانا عادي ساكته ..آآآآخ بس
واهلك لاتعطينهم شي اذا ماعطوك
وعندي لك نصيحه مالها دخل لاكن بقولها يمكن ماتلقين وضيفه الله لا يقوله لاكن ادخري لك مبلغ بالبنك للدنيا واحوالها
(:
ابدي بسلام على صديقتك كل يوم سلمي
لين تحس انك تبين تعتذري لها عقب ساليها عن اخبارها
وحاولي تتصالحي اول مع نفسك بعدين مع الناس
لانك انتي احسك مخاصمت نفسك
وحاطتها في قالب وخانقت نفسك
دام انتي تعرفين انك غلطانه فهذا بدايت حل مشكلتك
الحين الخطوه الثانية
ساعدي من حولك سوي الي كانوا يسونه معاكي
واتمنى لكي التوفيق في حياتك
ومبهذل اووم اللعبه الي عنده بس يلا معليه
بس الي ابي اقوله لج انج تتصالحين ويا صديقتج وتتعرفين عليها وتعتذري وترا الدنيا ماتسوى زعلنا
اليوم على الارض بكرا تحت التراب ومابينفعنا غير اعمالنا
واعرف وحده مثلج اتهاوشت وياصديقاتها وكل مايمرو جمب بعض يشمقون وجي وبعد فتره كذا
لقيناهم ويابعض بالساحه يسولفون ويضحكون وصاروا احلى ثنائي بالجامعه ومايتفارقون إلا بالمحاضرات
والله يناسسسو عليهم وبعد يهاوشون بعض فالخير والله ياحضهم ماشاءالله لا اصحكهم عين اللحين ههههه
موفققققققققققهه :))