ليه الزوج عيونه زايغة -لحياة سعيدة 2024.

السلام عليكم بنات

كيف الحال عساكم طيبين ويش مسوين ان شاء الله كل شي تمااااااااااام >>>> يالله انتي ما تخلين

اللقافة حقتش كل هذا سلام قولي موضوعش وخلصينا اوف.

شفوا بنات في يوم رحت عزيمة وسمعت حريم يسولفن وحليلهن ويندبن حظهن على ازواجهن مساكين والله زوجي وزوجي يغازل وعيونة على فلانة وعلانة والله حالة وقاعدة أفكر يعني الحين كل ماتتزوج وحدة زوجها عيونة راح تكون برع تزيغ على خلق الله لاجل كذة دورت الى ان حصلت على الاسباب الي تخلي الاخ عينة تزيغ اوكي ……….

متابعين معاي أكمل ومن هذي الاسباب انتبهوا بنات الله يستر من بكرة ………

أول شيء : وسوسة ابليس الله يقطعة تعرفون ان الشيطان يوسوس ويلعب بعقل الواحد لكن الذكي والي يخاف ربة يحاول يتدارك هذا الموضوع والشخص لازم ما تكون نفسة ضعيفة ومثل ما ذكر في كتاب الله {زُيِّنَ لِلنَّاسِ حُبُّ الشَّهَوَاتِ مِنْ النِّسَاءِ وَالْبَنِينَ وَالْقَنَاطِيرِ الْمُقَنْطَرَةِ مِنْ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالْأَنْعَامِ وَالْحَرْثِ ذَلِكَ مَتَاعُ الْحَيَاةِ الدُّنْيَا وَاللَّهُ عِنْدَهُ حُسْنُ الْمَآبِ}.[1] وتصدقون مو شرط الي عينة تزوغ عليها احلى من زوجتة لكن الله يلعن ابليس الي يحلي الوحدة في عيون الشخص هذا اسمة فتنة عشان كذة لازم غض البصر.

ثاني شيء: العناد والانتقام ويش نقول لبعض الرجاجيل الي عقولهم صغيرة قام يقهر زوجتة على بالة انة اذا غلطت راح يأدبها مثلا اذا تسلطت علية ولا شي من هذا القبيل وما يهمة اذا عرفت او لا عادي واما عن الانتقام فيكون تعرفون مثل قصص الافلام يقول والله سارتلة حادثة اليمة من زوجتة او امرأة على وجه العموم فحب ينتقم من كل الحريم كيف تصير الله اعلم لكن هذا واقع تره.

ثالث شي : للهروب او الاحساس بالفراغ كيف انا اقول والله الواحد عندة مشكلة ولا شي بدل ما يقعد يفكر ويحلها يقوم يغازل وينسى يحل مشكلتة وأما في حالة الفراغ فيكون السبب وراء هذي المشكلة الزوجة في بعض الزوجات الله يهدين ما يكون عندهن الوقت على قولهن للاهتمام بالزوج ورعايتة عشان كذة يدور برع البيت لازم الوحدة تهتم اجل لية تتزوج والله حالة بعد.

رابع شي: وهي الزوجة نفسها الله يهديها قولو كيف طيب راح اقول في زوجات مهملات في انفسهن لابعد الحدود اهمال بالغ الصراحة ومنهن الشكايات الي ينكدن على ازواجهن والي يمنن انا من عائلة كذا وكذا لا احترام ولاشي والاخطر الزوجات الي الله يستربس من لسانهن قذائف معنوية للرجل انتبهوا الله يهديكن ترى الزوج انسان له حقوقة لازم الوحدة تنتبة لزوجها.

وخامس شي : البيئة المحيطة عاداتة الاسرية يعني في ازواج تعلموا هالحركات من اهلهم يعني عادة وفي البعض عندهم نزاعات اسرية وتفكك اسري ما عودتهم عن معنى الترابط الاسري فيؤدي هذا الشي للخراب.

واخر شي اخيرا : الدلع الزايد فترة المراهقة الثانية يعني والله انا لسة شباب مطلوب ومن هذا الكلام يروح يغازل زي المراهقين وهو يمكن في الاربعين من عمرة او اقل بشوي وطبعا ما ننسى الرجاجيل الي حريمهم ما ينجبون والي هم ضعاف في الشخصية فيدورون برع على الصدر الحنون .

هذا الي عندي اتمنى بس اني ما اكون طولت عليكم وكلها ترها اجوبة علمية لكن تعرفون اختكم تحب تتفلسف وهو طبعا بحث للدكتور حمدي شعيب والي يريد يشوف التفاصيل هذا الرابط :