وتلــــــاقي الشاب جاي يسأل :
طب هو أنا يعني لو إتقدمت لبنت من الملتزمات دول هتوافق عليا
اممم هو انا يعني مش حافظ القرآن كله ومش متعلم علم شرعي بس بحب ربنا اوووي وبحاول اي معلومه أعرفها انفذها والحمد لله علـــطول مواظب ع الصلاة ف الجامع وبعامل والدتي كويس وفعلا نفسي أنشئ بيت مسلم ،، بس حاسس الموضوع صعب
أحب أطمنك وأقول اه هتوافق بس بشرط
إنـــك يكون عندك النيه تكون أفضل ،، متقولش لأ انا كده حلو ،، لأ لازم تكون حابب تقرب من ربنا أكتر وتسيب اي حاجه غلط بتعملها وحابب تعرف عن النبي أكتر وتطبق سنته
لو هي فعــلا لقت فيك كده ،، أكيد هتوافق وهتحاول معاك ف فتره الخطوبه إنكم تشجعوا بعض ع الطاعه وتقربوا من ربنا أكتر وتتناقشوا في إزاي بيتكم المسلم ف المستقبل هيكون
وبعد فتره كده لو لقت فيك إنك بتستجاب ،، يبقي هتعرف إن جواك كويس بس كنت عاوز اللي يشجعك
ولو بقي ملقيتش ،، يبقي الخطوبه هتتفشكل
.. بس مش معني كده بقي إنك تقول خلـــــاص انا مستني أهو لحد ما ألاقي بنت الحلال اللي تساعدني لأ يبقي إنت كده من الصنف التاني اللي مش عاوز يتغير
إنت إبدأ بنفسك وحاول قدر الإمكان تكون أفضل ،، وإدعي ربنا إنه يرزقك ببنت الحلال اللي تعينك ع الطـــاعه #وبإذن_الله_هتلاقيها
وعلشان أكون واقعيه بس : مش 100% من البنات هتوافق يعني إنك وحظك بقي ،، بس برضو خلي عندك ثقه ف الله ولو نيتك خالصه بإذن الله ربنا هييسرهالك
