انا عارفه قول الله تعالى ( انا عند حسن ظن عبدي بي )
لكني والله تعبت صارلي 3 اشهر بأزمه وهم الله يفرج علي وعلى كل مسلم
المهم طول هالاشهر وانا اقول بتفرج ومحسنه الظن بالله وموقنه وحاطه ببالي ان خلاص بتنحل مشكلتي وانا ادعي واقول ان محسنه الظن بالله واقول بنفسي بتفرج علي لكن انصدم ان طلع عكككس اللي ببالي وتعقدت مشكلتي اكثر
واكثر من موقف لما اقول بيصير كذا ( اللي انا ابيه ) يصيرلي العكس
ودي اثق بالله واحسن الظن فيه واقول بنفسي بيصير اللي انا ابيه واتفائل ( لكن بالنهايه يحصل عكس اللي انا ابيه مدري شسوي والله )
استغفر الله 3 شهور وضاقت حالك ويأستي ناس بالعذاب سنين ولا قالت إلا يارب
والله اعرف وحده ماشاء الله عنها صعيديه زوجها انصاب بالسرطان قبل سنوات وعاود عاد له المرض متفشي بكل جسمه في رمضان هالكلام وهالأنسانه ماهي متعلمه لا تقرا ولا تكتب ومافي غير زوجها يشتغل على باصات مدرسه ياخذ يادوب يغطي احتياجات عائله مكونه من 4 اطفال والأم ولما انصاب الاب بالمرض تفنش وبقوا الاطفال والأم بلا معيل لا وازيدك من الشعر بيت الأب في مشفى بإماراه بعيده جدا عن الأماره اللي هم ساكنين فيها لما بدهم يزوروا الاب بدهم مواصلات وطريق طويله وطبعا بدها فلوس التوصيله
ومع ذلك اقسم بمن خلق السماوات والأرض اني شفتها بالمسجد وقت صلاه التراويح برمضان اكثر من ثلاث مرات وفي كل مره مبتسمه ابتسامه فرح ورضى والله انه ماممكن تتخيلي انهذي منكوبه لا مال ولا زوج وقريب بينطردوا من البيت ومالهم اقارب ولاحد إلا الله
وتجي المسجد من بدري تخلي وحده تعلمها تقرأ القران لان المرأ لا تقرا ولا تكتب
ولا كنت اعرف بقصتها قبل .. ولا كنت راح اخمن مطلقا عليها ابتسامه ماشاء الله ابتسامه رضا ووقار والله ماشاء الله تبارك الرحمن ..لحد ماعرفت قصتها للان مستغربه كيف قادره تطبع هالأبتسامه على وجهها ولكن في ناس واثقه مهما ضاقت راح تفرج سنين ايام شهور .. هذا بعلمه وحده واكيد كله خير واكيد لو ماحصلتي على حقك بالدنيا ربك راح ينصفك بالأخره .. ربنا يبتلي ولكنه عادل .. ويستجيب لمن يشاء ويرد من يشاء ويأخر الاجابه لمن يريد والله يفعل مايريد مالنا نعترض نحنا لنا الدعاء .. والثقه فيه انه رب الخير
لا تقنطي على 3 شهور !! نبي الله وهو حبيبه ونبيبه ايوب كم لبث في مصايبه ومرضه !!
وهذا حبيبه رسوله .. له حكمه لا نعرفها يوم القيامه بتتمني لو كان عندك مصايب اكثر بالدنيا حتى تخفف عنك العذاب او تكون كفاره لك
الله يفرجها عليك فرج من عنده يارب
ولم يستجب لدعآئهُ إلا بعد أربعين عآم !
لم ييأس ولم يستعجل , أدرك أن ربهُ سيستجيب له
لكن في الوقت المنآســب !
اكثري من الاية الكريمة ( اللهم آتنا في الدنيا حسنة وفي الاخرة حسنة وقنا عذاب النار )
سوف تنقلب حياتك الى الاحسن .
مجّربة
واجب عليكي انك تقوي ايمانك بالله اكثر من كذا
والتفاؤل ماهو توقع الاحسن اذا ماجاء يئسنا التفاؤل هو توقع فضل الله حتى النهايه
وكما يقال الفرج كالجنين بالرحم لا تستعجل خروجه قبل اكتماله
ولاكن انتظري حتى يتممه الله لك كما يحب لكي
وعن الامل والثقه بالله
ايقني تماما ان الله لا يحب الشر لعباده بل هو ارحم بهم من امهاتهم اتتوقعين الشر من امك <مابالكي برب العزه تبارك وتعالى>
وثانيا انتي لديكي مشكله في قوه الايمان لا اقول ايمانك ضعيف ولاكن تحتاجين للتقرب الى الله اكثر تحتاجين التوكل عليه اكثر تحتاجين ان تعلمي نفسك ان كل شي مسطر ومكتوب وانتي ماعليكي سو الدعاء والثقه بالله
وانتي بقلقكي وتشاؤمك ضيعتي عليكي فرصه الاستمتاع بالحاضر وفرصه الفرحه بالمستقبل
يكفيكي قوله صلى الله عليه وسلم تفالو بالخير تجدوه وهو من لا ينطق عن الهوى
اسئل الله لك التوفيق وراحه البال
حححححطي فـ بالك انو لو ماصار اللي انتي تبغيه
خيره من رب العباد وانو لو صار رح يسويلك مشاكل يمكن
خليك واثقه بالله …